ચૂંટણી / ગાંધીનગર મનપા ચૂંટણી માટે કોંગ્રેસે જાહેર કર્યાં ઉમેદવારો, ભાજપ સાંજ સુધીમાં ઉમેદવારો જાહેર કરી શકે

ગાંધીનગર મનપા ચૂંટણી માટે કોગ્રેસ દ્વારા 19 ઉમેદવારોના નામની જાહેરાત કરવામાં આવી છે. બાકી 25 ઉમેદવારોના નામની જાહેરાત મોડી સાંજ સુધી થઈ શકે છે. વોર્ડ નં 1માં 4 ઉમેદવારોના નામ, વોર્ડ નં 3માં 4 ઉમેદવારોના નામ, વોર્ડ નં 8માં 4 ઉમેદવારોના નામ અને વોર્ડ નં 10માં 4 ઉમેદવારોના નામની જાહેરાત કરવામાં આવી છે. ભાજપ દ્વારા પણ આજે ઉમેદવારોના નામની જાહેરાત થઈ શકે છે.

11 વોર્ડની 44 બેઠકો માટે યોજાશે ચૂંટણી

મહાનગરપાલિકાની 11 વોર્ડની 44 બેઠકો માટે ચૂંટણી યોજાશે.આ માટે ચાર દિવસથી ઉમેદવારી ફોર્મ ભરવાની શરૂઆત થઈ ચુકી છે.ભાજપ અને કોંગ્રેસની સેન્સ પ્રક્રિયાથી લઈને પાર્લામેન્ટરી બોર્ડની બેઠકો પુર્ણ થઈ છે. ફોર્મમાં સૌથી વધુ ભાજપના નામે 83 ફોર્મ, કોંગ્રેસના નામે 20 ફોર્મ જ્યારે બાકીના 12 ફોર્મ આપ, અપક્ષ અને અન્ય રાજકીય પક્ષોના નામે ગયા હતા.ચાર દિવસમાં 411 ફોર્મ ચૂંટણી લડવા માટે થનગની રહેલાં ધૂરંધરો લઈ ગયા છે.

આમ આદમી પાર્ટીએ 23 ઉમેદવારોના નામ જાહેર કર્યા

ઉલ્લેખનીય છે કે આમ આદમી પાર્ટીએ ચૂંટણી માટે 23 ઉમેદવારોના નામ જાહેર કર્યા છે. હવે આગામી દિવસોમાં બાકીના ઉમેદવારોના નામ પણ જાહેર થવાની શક્યતા છે.