કામની વાત / માનો કે બેંકના લૉકરમાં આગ લાગી ગઇ, અથવા ચોરી થઇ, તો શું તમને પૂરેપૂરા રૂપિયા મળશે?

ઘણા લોકો પોતાના દાગીના અને જરૂરી દસ્તાવેજો સુરક્ષાની દ્રષ્ટિએ બેંક લોકરમાં રાખે છે. સામાન્ય લોકો માટે લોકર એ એક સુરક્ષિત જગ્યા હોય છે, જ્યાં તેઓ પોતાના કિંમતી સામાનને રાખી શકે છે જેથી ચોરી જેવા જોખમોથી બચી શકાય. દાયકાઓથી બેંક લોકરને સૌથી સુરક્ષિત વિકલ્પોમાંથી એક માનવામાં આવ્યું છે.

પરંતુ શું તમે જાણો છો કે જો તમે લાંબા સમય સુધી તમારા લોકરનો ઉપયોગ નહીં કરો તો બેંક તેને તોડી પણ શકે છે, તે પણ તમારી મંજૂરી વિના? ઉપરાંત, જો લોકરમાં ચોરી થઈ જાય કે આગ લાગી જાય તો, શક્ય છે કે બેંક તમને તેટલું નુકસાન ભરપાઈ ન આપે જેટલું તમારું વાસ્તવિક નુકસાન થયું છે. આવો, લોકર સાથે જોડાયેલા નિયમોને વિગતે સમજીએ.

લોકર કેવી રીતે મળે છે?

બેંક લોકર લેવા માટે તમારે કેટલીક પ્રક્રિયામાંથી પસાર થવું પડે છે. જેમ કે પાનકાર્ડ, આધારકાર્ડ અને તમારો ફોટો તથા નોમિનીની ડિટેલ બેંકને આપવી પડશે. તેની માટે જરૂરી નથી કે તે બેંકમાં તમારું ખાતું હોવું જ જોઈએ, પરંતુ ઘણી બેંક તમને લોકર આપતા પહેલા સેવિંગ્સ ખાતું ખોલવા માટે કહી શકે છે.

એકવાર તમને લોકર સુવિધા મળી જાય પછી, તેના એક્સેસથી લઈને ઉપયોગ સુધીની જાણકારી બેંક રેકોર્ડમાં રાખે છે. રિઝર્વ બેંક ઓફ ઇન્ડિયા અનુસાર તમને લોકર માટે સ્ટેમ્પ પેપર પર એગ્રીમેન્ટ સાઇન કરવું પડે છે. જોકે આ સ્પષ્ટ નથી કે સ્ટેમ્પ પેપરનો ખર્ચ કોણ ઉઠાવશે. આ એગ્રીમેન્ટની નકલ કોઈપણ વિવાદમાં જરૂરી બની શકે છે, તેથી તેને સુરક્ષિત રાખો.

તમારે કેટલો ચાર્જ ચૂકવવો પડશે?

બેંકમાં લોકર લેવા માટે તમારે ભાડું ચૂકવવું પડે છે. એ બેંક પર આધાર રાખે છે કે તે કેટલો ચાર્જ લે છે, પરંતુ સામાન્ય રીતે તે 1000 થી 1500 રૂપિયા થાય છે. ઉપરાંત બેંક તમને ફિક્સ્ડ ડિપોઝિટ રાખવા માટે પણ કહી શકે છે જેમાં ત્રણ વર્ષના ભાડાના બરાબર તથા લોકર ખાતું ખોલવા માટે લાગતા ચાર્જ જેટલા નાણાજમા કરવા પડે છે. જો તમે તમારા લોકરની ચાવી ગુમાવી દો તો તેને ખોલાવવા બેંકને બ્રેક ઓપન ચાર્જ ચૂકવવો પડે છે. ઉપરાંત લોકર ખોલતી વખતે તમારું હાજર રહેવું ફરજિયાત છે.

બેંક ક્યારે તમારું લોકર ખોલી શકે છે?

તમારા બેંક લોકરમાં રાખેલા સામાનની જવાબદારી બેંક ત્યારે જ લે છે જયારે તેમાં નુકસાન, ચોરી કે આગ લાગે. આવી સ્થિતિમાં બેંક લોકર હોલ્ડરને લોકરના વાર્ષિક ભાડાના 100 ગણા જેટલું જ નુકસાન વળતર આપે છે. ઉદાહરણ તરીકે, જો લોકરનું ભાડું 1000 રૂપિયા વાર્ષિક છે, તો આ સ્થિતિમાં બેંક 1 લાખ રૂપિયા સુધીનું જ વળતર આપશે.

વધુ વાંચો: હવેથી આ ડૉક્યુમેન્ટ ભૂલ્યાં, તો નહીં બને તમારું PANCARD, અટકી જશે સરકારી કામકાજ!

પછી જો તમે તમારું લોકર 7 વર્ષ સુધી ઉપયોગ ન કરો કે લોકર પર કોઈ દાવો ન કરો, તો બેંક તેને તમારી મંજૂરી વગર પણ ખોલી શકે છે અથવા તમારા નોમિની કે કાનૂની વારસદારોને સોંપી શકે છે. તેના માટે નોમિની કે કાનૂની વારસદારે 15 દિવસની અંદર માન્ય દસ્તાવેજો સાથે દાવો કરવો પડે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ