કામની વાત / પોસ્ટ ઓફિસની જોરદાર સ્કીમ, આટલા રૂપિયા જમા કરાવો ને મેચ્યોરિટી પર મેળવો રૂ. 7,00,000

રિઝર્વ બેંક ઓફ ઇન્ડિયા (RBI) દ્વારા રેપો રેટમાં ઘટાડો કરાયા બાદ ઘણી બેંકોએ પોતાની એફડીના વ્યાજદરમાં પણ ઘટાડો કર્યો છે. પરંતુ પોસ્ટ ઓફિસે હજુ સુધી તેની બચત યોજનાઓની વ્યાજદરમાં કોઈ ઘટાડો કર્યો નથી. એવા સમયમાં પોસ્ટ ઓફિસનો વ્યાજદર બેંકોની તુલનાએ વધુ આકર્ષક બન્યો છે. આજે આપણે એવી સ્કીમ વિશે જાણીએ જેમાં જો તમે રૂપિયા 5 લાખજમા કરો તો તમને સીધા-સીધા રૂપિયા 2,24,974 નું નિશ્ચિત વ્યાજ મળે છે.

પોસ્ટ ઓફિસની ટીડિ સ્કીમ

પોસ્ટ ઓફિસના ટીડિ ખાતાઓ બેંકની એફડીની જેમ જ હોય છે. પોસ્ટ ઓફિસ હાલ 1 વર્ષના ટીડિ પર 6.9 ટકા, 2 વર્ષના ટીડિ પર 7.0 ટકા, 3 વર્ષના ટીડિ પર 7.1 ટકા અને 5 વર્ષના ટીડિ પર 7.5 ટકા વ્યાજ આપે છે. જો તમે 5 વર્ષ માટે પોસ્ટ ઓફિસના ટીડિ ખાતામાં રૂપિયા 5 લાખ જમા કરો છો તો મેચ્યુરિટી વખતે તમારી કુલ રકમ રૂપિયા 7,24,974 થાય છે. આમાં રૂપિયા 5 લાખ તો તમારી મૂડીની રકમ છે અને રૂપિયા 2,24,974 એ વ્યાજ રૂપે મળે છે.

દરેક ગ્રાહકને સમાન વ્યાજ મળે છે

પોસ્ટ ઓફિસની ટીડિ સ્કીમમાં ગ્રાહકોને ગેરંટી સાથે નિશ્ચિત વ્યાજ મળે છે. ખાસ વાત એ છે કે પોસ્ટ ઓફિસના ટીડિ ખાતામાં સામાન્ય નાગરિક હોય કે વરિષ્ઠ નાગરિક સૌને સમાન વ્યાજ મળે છે. ટીડિ ખાતામાં ઓછામાં ઓછા રૂપિયા 1000 જમા કરી શકાય છે, જ્યારે વધુમાં વધુ જમા કરવાં માટે કોઈ મર્યાદા નથી.

અરજી પ્રક્રિયા

• નજીકની પોસ્ટ ઓફિસ જાઓ.
• અરજી પત્રક ભરો.
• PAN કાર્ડ અને આધાર કાર્ડ જેવી KYC ડોક્યુમેન્ટ્સ આપો.
• કેશ, ચેક અથવા ડિજિટલ પેમેન્ટ દ્વારા રકમ જમા કરો.
• TD સર્ટિફિકેટ મળશે, જેમાં તમારી નાણાકીય વિગતો અને મેચ્યુરિટી તારીખ લખેલી હશે.

વધુ વાંચો: એપ્રિલમાં જ રિટર્ન ફાઇલ કરી દીધું? તો રિફન્ડ ક્યાં સુધીમાં મળશે, આ રીતે ચેક કરો સ્ટેટસ

પોસ્ટ ઓફિસમાં જમા કરેલ તમારું નાણું સંપૂર્ણપણે સુરક્ષિત રહે છે કારણ કે પોસ્ટ ઓફિસ એક સરકારી તંત્ર છે, જેને કેન્દ્ર સરકાર સંચાલિત કરે છે. એટલે તમારા એક એક પૈસાની જવાબદારી સરકાર લેશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ