લાઈફસ્ટાઈલ / વરસાદની સીઝનમાં પરસેવાથી સ્કિન રેશિસનું જોખમ, આ રીતે સુરક્ષિત રાખો તમારી ત્વચા

વરસાદી ઋતુમાં હવામાં ભેજ વધી જાય છે, જેના કારણે સ્કિનના રોમછિદ્રો પસીનાથી બંધ થઈ જાય છે. જ્યારે પસીનો બહાર નહીં નીકળે, ત્યારે ત્વચા પર લાલ નિશાન, ખંજવાળ અને બળતરા જેવી સમસ્યાઓ થવા લાગે છે.

જો લાંબા સમય સુધી ભીના કપડાં પહેરવામાં આવે, સિન્થેટિક ફેબ્રિકના કપડાં પહેરવામાં આવે અથવા વરસાદમાં વારંવાર ભીંજાવાથી પણ ત્વચામાં રેશિસ અને ઇન્ફેક્શન થવાની શક્યતા વધી જાય છે.

ખાસ કરીને જેમની ત્વચા સેન્સિટિવ હોય છે, તેઓને આ સિઝનમાં ખંજવાળ, લાલ દાણા અને ચામડીમાં લાલાશ થઈ જવાની સમસ્યાઓનો વધારે સામનો કરવો પડે છે.

સ્કિનને રેશિસથી બચાવવા આટલું કરો

• કોટનના કપડાં પહેરો

આ સિઝનમાં હળવા અને ઢીલા કોટનના કપડાં પહેરવા શ્રેષ્ઠ છે. કોટન પસીનો શોષી લે છે અને ત્વચાને શ્વાસ લેવાની જગ્યા આપે છે, જેના કારણે રેશિસ થવાનું જોખમ ઓછું થઈ જાય છે.

• ત્વચાને સૂકી રાખો

વરસાદમાં ભીંજાઈ જાઓ તો તરત જ કપડાં બદલો અને ત્વચાને સારી રીતે સુકાવી લો. ભીની ત્વચા ફંગલ ઇન્ફેક્શન અને રેશિસનું મોટું કારણ બને છે.

• એન્ટી-ફંગલ પાઉડરનો ઉપયોગ કરો

ભેજ અને પસીનાથી બચવા માટે સ્કિન પર એન્ટી-ફંગલ પાઉડર લગાવવો જરૂરી છે. તે પસીનો તો શોષી જ લે છે, પણ સાથે ત્વચાને બેક્ટેરિયા અને ફંગસથી પણ સુરક્ષિત રાખે છે.

• હાઇજિનનું ધ્યાન રાખો

દરરોજ સ્નાન કરો અને માઈલ્ડ સાબુ કે એન્ટી-બેક્ટેરિયલ બોડી વોશનો ઉપયોગ કરો. તેનાથી ત્વચા સ્વચ્છ રહેશે અને ઇન્ફેક્શન થવાનું જોખમ ઓછું થશે.

• હાઇડ્રેશન અને હેલ્થી ખોરાક

શરીરને હાઇડ્રેટ રાખવું પણ એટલું જ જરૂરી છે. પૂરતું પાણી પીવો અને ખોરાકમાં ઋતુગત ફળ તથા લીલા શાકભાજીનો સમાવેશ કરો. તેનાથી ત્વચાની રોગપ્રતિકારક શક્તિ વધે છે અને તે ઇન્ફેક્શન સામે લડવા સક્ષમ બને છે.

વધુ વાંચો : સવારે પ્રેશર વગર જ પેટ સાફ આવશે, આ દેશી ફૂડથી મળશે કાયમી રાહત

ડૉક્ટર પાસે ક્યારે જવું?

જો રેશિસ લાંબા સમય સુધી રહે, તેમાં પાસ ભરાઈ જાય અથવા ખૂબ બળતરા થવા લાગે, તો તેને અવગણશો નહીં અને તરત જ ડર્મોટોલોજિસ્ટનો સંપર્ક કરો. સમયસર સારવાર લેવાથી મુશ્કેલી વધતી અટકાવી શકાય છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ