ટેકનોલોજી / AI પર વિશ્વાસ કરવો બની શકે છે ઘાતક? નવા સંશોધનમાં મોટો ખુલાસો, ક્યારે ના કરો આ ભૂલ

AI આપણા જીવનનો એક અભિન્ન ભાગ બની રહ્યું છે. જ્યારે એઆઇ એટલે કે આર્ટિફિશિયલ ઇંટેલિજજ એક તરફ આપણા ઘણા કાર્યોને સરળ બનાવી રહી છે, પરંતુ તેને કારણે નવા જોખમો પણ ઉભા કરી રહી છે. હાલમાં એઆઇને લઇને એક નવો સર્વે સામે આવ્યો છે જેમાં તેના જીવલેણ ખતરા અંગે માલુમ પડ્યુ છે. જો તમે ફક્ત એઆઇ પર સંપુર્ણ પણે નિર્ભર છો અને આપેલી માહિતી પર વિશ્વાસ કરો છો, તો તમારે સાવચેત રહેવું જોઈએ. તે તમારા માટે પણ ઘાતક સાબિત થઈ શકે છે!

AI એજન્ટો ખોટા જવાબો આપે છે

તાજેતરમાં આવેલ રિપોર્ટ મુજબ જ્યારે AI ચેટબોટને મેડિકલ સંબંધિત કોઇ પ્રશ્ન પૂછવામાં આવે છે ત્યારે તે 50 ટકા ખોટી માહિતી આપે કરે છે, જેનો અર્થ છે કે તે લોકોના સ્વાસ્થ્ય સાથે ચેડા કરી શકે છે અને તેમની તબીબી સ્થિતિ વધુ ખરાબ કરી શકે છે. આ અભ્યાસમાં બધા લોકપ્રિય ચેટ એજન્ટો જેવા કે ChatGPT, Google Gemini, Meta AI, DeepSeekએ મેડિકલ સાથે જોડાયેલી ખોટી માહિતી આપી હતી. રિસર્ચમાં આ ચેટબોટ્સને સ્વાસ્થ્ય સાથે જોડાયેલા પાંચ અલગ-અલગ કેટેગરીમાં 10-10 પ્રશ્નો પૂછવામાં આવ્યા હતા.

સંશોધનમાં મોટો ખુલાસો

ઘણા લોકો મેડિકલ સંબંધીત માહિતી માટે AI નો સહારો લેતા હોય છે. આ અભ્યાસ દર્શાવે છે કે આ મોટી ભૂલ કેવી રીતે તેમના માટે જીવલેણ સાબિત થઈ શકે છે. રિસર્ચ મુજબ AI ચેટબોટ્સ દ્વારા આપવામાં આવેલા 20% જવાબો ભ્રામક અથવા ખોટા હતા. મેડિકલ જર્નલ BMJ ઓપનએ આ જવાબો હાલમાં પ્રકાશિત કર્યા હતા. દરમિયાન AI એ 50% પ્રશ્નોના જવાબ મુશ્કેલથી આપ્યા હતા.

આ પણ વાંચોઃ હવે Android ફોનમાં પણ મળશે iPhone જેવું ફીચર! ગૂગલ કરવા જઇ રહ્યું છે લોન્ચ

રિસર્ચ અનુસાર એઆઇ ચેટબોટ્સ કોઈપણ પ્રશ્નોના સચોટ અને સંપૂર્ણ જવાબો આપવામાં નિષ્ફળ ગયા. એક- બે વાર તો એઆઇ એજન્ટ મેડિકલ સંબંધિત સવાલોના જવાબ આપવામાં અસમર્થતા દર્શાવી હતી. આવામાં જો તમે એઆઇને મેડિકલ સંબંધિત કોઇ સવાલ પુછો છો તો તમારે સાવચેત રહેવું જોઈએ. તમે એઆઇ એજન્ટોને અથવા ગૂગલ સર્ચને ક્યારેય મેડિકલ સાથે જોડાયેલા સવાલો પુછશો નહી. આમ કરવું તમારા માટે ખતરનાક બની શકે છે. મેડીકલ સાથે જોડાયેલા સવાલો માટે હંમેશા ડૉક્ટરની સલાહ લેવી જોઈએ.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ