લાઈફસ્ટાઈલ / માત્ર પુરુષ નહીં, મહિલાઓ પણ કરી શકે છે કોન્ડોમનો યુઝ, એ કઇ રીતે?

Female Condom : આજે ભલે સમય ગમે તેટલો આગળ વધી ગયો હોય પણ જ્યારે જાતીય સુરક્ષા, જાતીય રોગો, પીરિયડ્સ, શારીરિક સંબંધો જેવા મુદ્દાઓની વાત આવે છે, ત્યારે મોટાભાગની મહિલાઓ કાં તો તેના પર મૌન જાળવે છે અથવા ખુલ્લેઆમ બોલતા શરમાતી હોય છે. આવા વિષયો પર માહિતીના અભાવને કારણે કેટલીકવાર મહિલાઓને સ્વાસ્થ્ય માટે મોટું જોખમ લેવું પડે છે. આટલું જ નહીં મોટાભાગની મહિલાઓ એ પણ જાણતી નથી કે, અનિચ્છનીય ગર્ભાવસ્થાને રોકવા માટે માત્ર પુરુષો જ નહીં પરંતુ મહિલાઓ પણ કોન્ડોમનો ઉપયોગ કરી શકે છે.

આવો જાણીએ શું છે સ્ત્રી કોન્ડોમ ?

ફીમેલ કોન્ડોમ, જેને ફેમીડોમ તરીકે પણ ઓળખવામાં આવે છે. તે નરમ અને પાતળા પ્લાસ્ટિકથી બનેલું છે જેને પોલીયુરેથીન કહેવામાં આવે છે. સંભોગ દરમિયાન વીર્યને ગર્ભાશય સુધી પહોંચતું અટકાવવા માટે સ્ત્રી કોન્ડોમ યોનિમાં મૂકવામાં આવે છે.

સ્ત્રી કોન્ડોમનો ઉપયોગ કેવી રીતે કરવો?

મહિલાઓ માટે બનેલા કોન્ડોમ પુરુષો માટે બનેલા કોન્ડોમ કરતા કદમાં મોટા હોય છે. જે મહિલાઓ પીરિયડ્સ દરમિયાન ટેમ્પનનો ઉપયોગ કરે છે તેમના માટે આ ફિમેલ કોન્ડોમનો ઉપયોગ કરવો બહુ મુશ્કેલ નથી. જે રીતે યોનિમાર્ગની અંદર ટેમ્પન નાખવામાં આવે છે તેવી જ રીતે આ સ્ત્રી કોન્ડોમ પણ યોનિમાર્ગની અંદર દાખલ કરવામાં આવે છે. આ કરતી વખતે એ વાતનું ધ્યાન રાખો કે, કોન્ડોમ વાળવું ન જોઈએ. કોન્ડોમની બહારની વીંટી યોનિમાર્ગની લગભગ 1 ઇંચની બહાર મૂકો જે પછી તેને હાથથી પકડીને બહાર કાઢવામાં આવે છે.

વધુ વાંચો : ઓફિસમાં ઉભા રહીને કામ કરનારા લોકો સાવધાન! બ્લડ પ્રેશર સહિતની અનેક સમસ્યાનો ખતરો

સ્ત્રી કોન્ડોમના ફાયદા :

• જો તમારો પાર્ટનર કોન્ડોમનો ઉપયોગ કરવાનું ટાળે છે અને તમે ગર્ભનિરોધક ગોળીઓ લેવા માંગતા નથી તો તમે સ્ત્રી કોન્ડોમનો ઉપયોગ કરી શકો છો.
• જો સ્ત્રી કોન્ડોમનો યોગ્ય રીતે ઉપયોગ કરવામાં આવે તો તે અનિચ્છનીય ગર્ભાવસ્થા તેમજ STD, STI અને HIV જેવા ચેપથી બચાવવામાં મદદ કરે છે.
• ફિમેલ કોન્ડોમની કોઈ આડઅસર નથી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ