ઇન્સ્ટાગ્રામ પર ફેન ફૉલોઇંગ અને કમાણીના મામલામાં સેલિબ્રેટીઝને એક કૂતરુ ટક્કર આપી રહ્યુ છે, જેનુ નામ જિફપૉમ છે.
ઇન્સ્ટાગ્રામ પર તેના 90 લાખથી વધારે ફૉલોઅર્સ છે અને પોતાની એક પોસ્ટથી 9.6 લાખ રૂપિયા સુધીની કમાણી કરે છે. જિફપૉમ પોતાની પોસ્ટમાં ઘણી કંપનીઓની પ્રોડક્ટને પ્રમોટ કરે છે અને તેના નામે ઘણા રેકોર્ડ્સ છે. ઘણા સેલિબ્રેટીઝ જેવા કે ડૈનિયલ જોનસ અને સુપરવુમન-લિલી સિંહ પણ ફૉલો કરે છે.
જિફપૉમની પ્રસિદ્ઘીની અંદાજો તે વાત પરથી લગાવી શકાય છે કે, અમેરિકન સિંગર કેટી પૈરીએ 2014માં પોતાના વીડિયો 'ડાર્ક હોસ'માં શામેલ કર્યુ હતુ. બાળકોમાં તેની દીવાનગી જોતા તેના ટૉયઝ પર આવી ચૂક્યા છે. જિફપૉમ એટલુ પૉપ્યુલર છે કે તેને ઇન્સ્ટાગ્રામ પર સૌથી ફેવરિટ પેટ માટે કિડ્સ ચોઇસ એવોર્ડ પણ મળી ચૂક્યો છે.
જિફપૉમ એક પ્રોજેક્ટમાં શૂટ માટે 12 લાખ રૂપિયા ચાર્જ કરે છે. તેના માલિકનું કહેવું છે કે, અમારા ડોગીની ફેન ફોલોઇંગ જોઈને તમે અંદાજો લગાવી શકો છો કે તે આપણા કરતાં કેટલું વધારે કમાય છે! જિફપોમ ઘણી ફિલ્મોમાં પણ કામ કરી ચૂક્યો છે, આ ફિલ્મોમાં અ નાઇટ ઇન કાઉટાઉન, સેલેબ્સ રિએક્ટ અને જૈકર સાર્ટોરિયસ: હિટ અથવા મિસમાં શામેલ છે.
વર્ષ 2018માં મે મહિનામાં ફેસબુકના કો-ફાઉન્ડર માર્ક ઝકરબર્ગે એક લોન્ચિંગ ઇવેન્ટમાં જિફપૉમને આમંત્રણ આપ્યું હતું. ફેન ફોલોઇંગ મામલે તેણે માર્ક ઝકરબર્ગ અને બિલ ગેટ્સને ક્યાંય પાછળ છોડી દીધા છે.