6 ફોટો ગેલેરી

કામની વાત / ITR ફાઈલ કરી દીધું છતાં હજી નથી મળ્યું રિફંડ? ફટાફટ કરો આ કામ, તરત પૈસા આવી જશે

Last Updated: 06:28 PM, 22 August 2026

FOLLOW ON

શેર કરો

ITR રિફંડ અટકવાનાં મુખ્ય કારણો ખોટી બૅન્ક ડીટેલ, અધુરુ ઈ-વેરિફિકેશન કે માહિતીમાં મેળ ન ખાતો હોવાને કારણે હોઈ શકે છે. જેમાં પોર્ટલ પર સ્ટેટસ ચેક કરીને જરૂરી સુધારા કરો તો રિફંડ વહેલું આવી શકે છે.

1/6

1. ઈન્કમ ટૅક્સ રિટર્ન

એસેસમેન્ટ ઈયર 2026-27 માટે ઈન્કમ ટૅક્સ રિટર્ન (ITR) ભર્યા પછી ઘણા લોકોના ખાતામાં રિફંડનાં પૈસા આવી ગયા છે. પરંતુ અમુક ટૅક્સપેયર્સ હજુ પણ પોતાના એકાઉન્ટમાં ઈન્કમ ટૅક્સ રિફંડની રાહ જોઈ રહ્યા છે. જો તમે પણ ITR ફાઈલ કર્યું હોય અને રિફંડ હજુ સુધી ન આવ્યું હોય તો ગભરાવાની જરૂર નથી. ફાઈલિંગ વખતે કોઈ ભૂલ થઈ હોય અથવા ઈ-વેરિફિકેશન ન થયું હોય તેવી શક્યતા છે. રિફંડ અટકવાનું મૂળ કારણ શું હોઈ શકે છે અને તમારા ખાતામાં પૈસા કેમ નથી આવી રહ્યા તે જાણવું જરૂરી છે. ચાલો જાણીએ કે ITR રિફંડ અટકવાનાં સંભવિત કારણો શું છે અને તેને વહેલું મેળવવા માટે શું કરવું જોઈએ.

આ તસવીર શેર કરો

2/6

2. ઈ-ફાઈલિંગ પોર્ટલ

સૌથી પહેલાં ઈન્કમ ટૅક્સ ઈ-ફાઈલિંગ પોર્ટલ પર લૉગિન કરીને તમારા રિફંડનો સ્ટેટસ ચેક કરો. અમુકવાર ITR પ્રોસેસ થઈ જાય છે, પણ બૅન્ક સંબંધિત કોઈ ખામીને કારણે પૈસા ખાતામાં ન પહોંચે.

આ તસવીર શેર કરો

3/6

3. ઑનલાઈન રિફંડ સ્ટેટસ ચેક કરવાની સરળ રીત આ પ્રમાણે છે

ઈન્કમ ટૅક્સ ઈ-ફાઈલિંગ પોર્ટલ પર લૉગિન કરો. e-File મેનૂમાં જઈને Income Tax Returns પર ક્લિક કરો. View Filed Returnsનો વિકલ્પ પસંદ કરો. Assessment Year 2026-27 પસંદ કરીને View Details પર ક્લિક કરો. ત્યારબાદ સ્ક્રીન પર રિટર્નની પ્રોસેસિંગ અને ટૅક્સ રિફંડનો સ્ટેટસ દેખાશે.

આ તસવીર શેર કરો

4/6

4. બૅન્ક ડીટેલ

રિફંડ અટકવાનું સૌથી મોટું કારણ ખોટી બૅન્ક ડીટેલ હોઈ શકે છે. ITRમાં આપેલો એકાઉન્ટ નંબર અને IFSC કોડ સાચો છે કે નહીં તે વેરીફાઈ કરી લો. જે ખાતામાં રિફંડ લેવાનું છે તે એક્ટીવ હોવું જોઈએ અને પહેલેથી વેલિડેટેડ હોવું જરૂરી છે. PAN અને બૅન્ક ખાતામાં નોંધાયેલું નામ અલગ હોય તો પણ મુશ્કેલી આવી શકે છે. જો તમારું PAN ઇનએક્ટીવ હોય, બૅન્ક એકાઉન્ટ બંધ, ફ્રીઝ કે લાંબા સમયથી વપરાશમાં ન હોય તો પણ રિફંડ અટકી શકે છે.

આ તસવીર શેર કરો

5/6

5. ઈ-વેરિફિકેશન

માત્ર ITR ભરી દેવાથી રિફંડ આવતો નથી. ફાઈલિંગ પછી ઈ-વેરિફિકેશન કરવું પણ જરૂરી છે. જો રિટર્નનું વેરિફિકેશન ન થયું હોય તો રિફંડ આગળ પ્રોસેસ નહીં થાય. તેથી એક વાર ચેક કરી લો કે તમારું ITR યોગ્ય રીતે વેરિફાઈ થયું છે કે નહીં. જો તમારા ITRમાં આપેલી માહિતી અને ટૅક્સ વિભાગ પાસેની TDS કે બીજી આવકની માહિતીમાં મેળ ન ખાતો હોય તો રિફંડમાં વિલંબ થઈ શકે છે. આવા કિસ્સામાં AIS ચેક કરો. ફાઈલિંગ દરમિયાન કોઈ ભૂલ થઈ હોય તો રિવાઈઝ્ડ ITR ભરીને તે સુધારી શકાય છે.

આ તસવીર શેર કરો

6/6

6. ફરીથી ઈશ્યુ કરવાની રીક્વેસ્ટ

જો ITR પ્રોસેસ થઈ ગયું હોય અને રિફંડ પણ ઈશ્યુ થયો હોય પણ પૈસા ખાતામાં ન આવ્યા હોય તો પોર્ટલ પર રિફંડ ફરીથી ઈશ્યુ કરવાની રીક્વેસ્ટ પણ કરી શકાય છે. જો 31 જુલાઈની ITR ભરવાની લાસ્ટ ડેટ ચૂકી ગઈ હોય તો પણ ટૅક્સપેયર્સ 31 ડિસેમ્બર 2026 સુધી બિલેટેડ ITR ભરીને પોતાનો રિફંડ ક્લેમ કરી શકે છે. જોકે વિલંબથી ભરવા પર દંડ ભરવો પડશે. જો તમારો ઈન્કમ ટૅક્સ રિફંડ ન આવ્યો હોય તો સૌથી પહેલાં સ્ટેટસ, બૅન્ક ડીટેલ, PAN અને ITR વેરિફિકેશન કરી લો. ઘણી વાર નાની ભૂલ સુધાર્યા બાદ અટકેલ રિફંડ પ્રોસેસ થઈ જાય છે અને પૈસા ખાતામાં આવી જાય છે.

આ તસવીર શેર કરો

સંકળાયેલા મુદ્દાઓ

refund delayed ITR refund incorrect details