7 ફોટો ગેલેરી

તમારા કામનું / IRCTC Tatkal ટિકિટ બુકિંગમાં નહીં થાય મુશ્કેલી, સીટ કન્ફર્મ કરવા પહેલા આ 5 ટ્રિક્સ જાણી લો

Last Updated: 06:07 PM, 16 September 2026

FOLLOW ON

શેર કરો

તહેવારોની સિઝનમાં ટ્રેનમાં કન્ફર્મ સીટ મેળવવી ખૂબ જ મુશ્કેલ બની જાય છે અને તેવામાં 'તત્કાલ ટિકિટ' મુસાફરો માટે છેલ્લો વિકલ્પ રહે છે. યોગ્ય સમય અને પૂર્વ તૈયારી વિના તત્કાલ ટિકિટ બુક કરવી અશક્ય બની જાય છે, પરંતુ કેટલીક સ્માર્ટ ટ્રિક્સ બુકિંગ પ્રક્રિયાને સરળ બનાવી શકે છે.

1/7

1. IRCTC Tatkal ટિકિટ બુકિંગમાં નહીં થાય મુશ્કેલી, સીટ કન્ફર્મ કરવા પહેલા આ 5 ટ્રિક્સ જાણી લો

દિવાળી, હોળી કે અન્ય તહેવારો નજીક આવતાં જ રેલવેમાં કન્ફર્મ ટિકિટ મેળવવા માટે મુસાફરોની ભારે ભીડ જોવા મળે છે. મોટાભાગની નિયમિત ટ્રેનોમાં બુકિંગ ખુલતાની સાથે જ વેટિંગ લિસ્ટ લાંબું થઈ જાય છે અથવા તો 'રિગ્રેટ' દર્શાવવા લાગે છે. આવી પરિસ્થિતિમાં મુસાફરો માટે 'તત્કાલ ટિકિટ' જ એકમાત્ર આશાનું કિરણ બને છે. જોકે, તત્કાલ બુકિંગ શરૂ થતાંની સાથે જ થોડીક જ મિનિટોમાં તમામ સીટો ભરાઈ જાય છે. બુકિંગ દરમિયાન થોડીક સેકન્ડોનો વિલંબ પણ તમને કન્ફર્મ સીટથી વંચિત રાખી શકે છે. અહીં કેટલીક એવી ખાસ અને સરળ ટ્રિક્સ દર્શાવવામાં આવી છે, જેનો ઉપયોગ કરીને તમે તત્કાલ બુકિંગમાં પોતાનો કિંમતી સમય બચાવી શકો છો અને કન્ફર્મ ટિકિટ મેળવી શકો છો:

આ તસવીર શેર કરો

2/7

2. બુકિંગ સમયના થોડા સમય પહેલાં જ લોગિન કરો

તત્કાલ ટિકિટનું બુકિંગ એસી (AC) ક્લાસ માટે સવારે 10.00 વાગ્યે અને નોન-એસી (Non-AC) ક્લાસ માટે સવારે 11.11 વાગ્યે શરૂ થાય છે. બુકિંગ શરૂ થાય તે જ સમયે યુઝરનેમ અને પાસવર્ડ નાખવા બેસશો તો સમય બગડશે. તેથી બુકિંગ સમયના 2 થી 3 મિનિટ પહેલાં જ તમારા IRCTC એકાઉન્ટમાં લોગિન કરીને તૈયાર રહો.

આ તસવીર શેર કરો

3/7

3. 'પેસેન્જર માસ્ટર લિસ્ટ' (Master List) નો ઉપયોગ કરો

ટિકિટ બુક કરતી વખતે મુસાફરનું નામ, ઉંમર અને જેન્ડર જેવી વિગતો ટાઈપ કરવામાં ઘણો સમય જાય છે. આ માટે IRCTC પ્રોફાઈલમાં આપેલા 'Master List' ફીચરનો ઉપયોગ કરીને અગાઉથી જ મુસાફરોની વિગતો સેવ કરી રાખો. બુકિંગ વખતે માત્ર એક ક્લિકથી જ મુસાફરની વિગતો સિલેક્ટ થઈ જશે અને સેકન્ડોનો બચાવ થશે.

આ તસવીર શેર કરો

4/7

4. ટ્રેન, સ્ટેશન અને સમય અગાઉથી નક્કી રાખો

બુકિંગ શરૂ થાય ત્યારે ટ્રેન શોધવામાં સમય ન બગાડો. ટ્રેન નંબર, બોર્ડિંગ સ્ટેશન અને ડેસ્ટિનેશન સ્ટેશન પહેલાંથી જ નોંધીને રાખો, જેથી માત્ર વિગતો દાખલ કરીને સીધા આગળ વધી શકાય.

આ તસવીર શેર કરો

5/7

5. સ્ટેબલ ઈન્ટરનેટ અને ઝડપી પેમેન્ટ વિકલ્પ પસંદ કરો

તત્કાલ બુકિંગ વખતે વાઈ-ફાઈ અથવા હાઈ-સ્પીડ મોબાઈલ ડેટાનો જ ઉપયોગ કરો જેથી પેજ લોડ થવામાં વાર ન લાગે. ઉપરાંત, પેમેન્ટ માટે UPI, નેટ બેંકિંગ કે વોલેટ જેવા ઝડપી વિકલ્પો અગાઉથી નક્કી રાખો, જેથી OTP કે પેમેન્ટ પ્રોસેસમાં વિલંબ ન થાય.

આ તસવીર શેર કરો

6/7

6. બુકિંગ દરમિયાન 'રિફ્રેશ' કે 'બેક' બટન ન દબાવો

ઘણીવાર પ્રોસેસિંગમાં વાર લાગે ત્યારે અધીરા થઈને રીફ્રેશ કે બેક બટન દબાવવાથી ટ્રાન્ઝેક્શન કેન્સલ થઈ જાય છે અને તમે બુકિંગ રેસમાંથી બહાર થઈ જાવ છો. આથી સ્ક્રીન પરની સૂચનાઓ મુજબ જ આગળ વધો.

આ તસવીર શેર કરો

7/7

7. ટિકિટ જનરેટ થયા પછી વિગતો ચકાસો

ટિકિટ બુક થઈ ગયા પછી પીએનઆર (PNR), ટ્રેન નંબર, મુસાફરીની તારીખ અને પેસેન્જર વિગતો એકવાર ચોક્કસ ચકાસી લો. આ નાની પણ મહત્વપૂર્ણ તૈયારીઓથી બુકિંગ પ્રોસેસ ખૂબ જ સરળ અને ઝડપી બની જાય છે, જેનાથી કન્ફર્મ સીટ મળવાની શક્યતાઓ વધી જાય છે.

આ તસવીર શેર કરો

સંકળાયેલા મુદ્દાઓ

TrainBooking IRCTC TatkalTicket