તમારા કામનું / વેઈટિંગમાં હોવા છતાં મળશે કન્ફર્મ સીટ, IRCTC લાવ્યું Vikalp Scheme

ટ્રેનમાં વેઈટિંગ ટિકિટનું હવે ટેન્શન નહીં રહે કેમ કે હવે એક સારો વિકલ્પ છે. જે લોકો વારંવાર ટ્રેનમાં સફર કરે છે એમને એ તકલીફ તો ખબર જ હશે. યાત્રાની તારીખ નજીક આવી જાય પણ ટિકિટ હજુ વેઈટિંગમાં જ હોય. ત્યારે મનમાં એક જ વિચાર આવે કે "આ વખતે પણ RAC કે વેઈટિંગ જ રહી જશે? તો" આ સમસ્યાને સમજીને ભારતીય રેલ્વે અને IRCTC એ એક સ્કીમ લાવ્યા છ. જેનું નામ છે વિકલ્પ સ્કીમ (Vikalp Scheme). જેમાં તમારી પહેલી ટ્રેનમાં સીટ ન મળે તો એ જ રૂટની બીજી ટ્રેનમાં સીટ મેળવવાનો ચાન્સ મળે છે!

•  શું છે IRCTC વિકલ્પ સ્કીમ?
  આ સ્કીમ ખાસ વેઈટિંગ વાળા પેસેન્જર્સ માટે છે. જો તમારી બુક કરેલી ટ્રેનમાં સીટ કન્ફર્મ ન થાય તો રેલ્વે તમને એ જ રૂટ પર ચાલતી બીજી ટ્રેનમાં સીટ આપવાનો પ્રયાસ કરે છે. જેમાં સારી વાત એ છે કે તેમાં તમારે એક્સ્ટ્રા પૈસા આપવાના જ નથી. તમારે માત્ર ઓરિજિનલ ટિકિટનું જ ભાડું ભરવાનું છે. જેમાં કોઈ વધારાનું ચાર્જ નથી!
  
• કેવી રીતે કરવી અરજી

1. IRCTC વેબસાઈટ કે એપમાં લોગિન કરો.
2. ડેટ સ્ટેશન અને ક્લાસ પસંદ કરીને ટ્રેન સર્ચ કરો.
3. પેસેન્જરની ડિટેઈલ્સ ભરીને ટિકિટ બુક કરો.
4. જો ટિકિટ વેઈટિંગમાં આવે તો Vikalp Scheme નો ઓપ્શન સિલેક્ટ કરો.
5. તમને એ જ રૂટની બીજી ટ્રેનોની લિસ્ટ દેખાશે. તમને જે અનુકૂળ હોય એ પસંદ કરી લો.
   

• વિકલ્પ સ્કીમના ફાયદા

1. એક જ રૂટ પર અનેક ટ્રેનોમાં સીટ મળવાનો મોકો મળે છે.
2. વેઈટિંગ હોવા છતાં કન્ફર્મેશનની આશા વધી જાય છે.
3. છેલ્લી ઘડીએ નવી ટિકિટ શોધવાની કે કેન્સલ કરવાની માથાકૂટ નથી.
4. કોઈ વધારાનું પૈસા નહીં બસ બેઝીક ભાડું જ
   

• મહત્વના નિયમો
  આ સુવિધા માત્ર વેઈટિંગ ટિકિટ વાળા પેસેન્જર્સને જ મળે છે. જેમાં ચાર્ટ તૈયાર થયા પછી જ સીટ ટ્રાન્સફર થાય છે. એક PNRમાં બધા પેસેન્જર્સને સાથે જ બીજી ટ્રેનમાં સીટ મળશે અથવા પછી કોઈને નહીં. જો બીજી ટ્રેનમાં સીટ મળી જાય તો પહેલી ટ્રેનમાં જવાનહીં મળે. વિકલ્પ પસંદ કરવો મતલબ એ નથી કે 100% ગેરંટી મળી પણ ચાન્સ વધે છે.
  

વધુ વાંચો : 14થી 16 દિવસમાં જ ફેંસલો, કંઇક આ રીતે ભારતમાં કામ કરે છે 'ફાસ્ટ ટ્રેક' કોર્ટ

• છેલ્લી સલાહ
  ચાર્ટ બન્યા બાદ તમારો PNR સ્ટેટસ વારંવાર ચેક કરતા રહેજો. જો સીટ મળી જાય તો નવી ટ્રેનમાં જ સફર કરવી. ટિકિટ કેન્સલ કરવી હોય તો રેલ્વેના નિયમ પ્રમાણે ચાર્જ લાગી શકે છે.
  

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ