ક્રિકેટ / અમદાવાદમાં રહેતો ટીમ ઈન્ડિયાનો આ સ્ટાર ખેલાડી આવતા અઠવાડિયે બંધાશે લગ્નના બંધનમાં

• બુમરાહ આગામી અઠવાડિયે લગ્ન કરવા જઈ રહ્યો છે
• ક્યાં અને કોની સાથે તેની જાણ હજુ સુધી નથી થઈ
• ટી-20 સિરીઝમાં આરામ અપાયો છે બુમરાહને

બુમરાહનાં અંગત કારણની ખબર પડી

ટીમ ઈન્ડિયાનાં સ્ટાર બોલર જસપ્રીત બુમરાહ જલ્દી તેનાં જીવનની નવી ઈનિંગની શરુઆત કરવા જઈ રહ્યો છે. જસપ્રીત બુમરાહે તેનાં અંગત કારણોસર ક્રિકેટમાંથી બ્રેક લીધો છો. પણ હવે ખબર પડી ગઈ છે કે તે અંગત કારણ શું હતું.

Ind vs Eng: Bumrah has taken leave to prepare for marriage

Read @ANI Story | https://t.co/HoCS8Oi3CZ pic.twitter.com/0fcRbGpMj7

— ANI Digital (@ani_digital) March 2, 2021

જસપ્રીત કરવા જઈ રહ્યો છે લગ્ન

જસપ્રીત બુમરાહ ટૂંક સમયમાં લગ્ન કરવા જઈ રહ્યો છે. એક માહિતી અનુસાર બીસીસીઆઈનાં એક અધિકારીએ કહ્યું કે, બુમરાહ જલ્દી જ લગ્ન કરવા જઈ રહ્યો છે. બુમરાહ તેનાં લગ્નની તૈયારીઓ કરવા માટે ટેસ્ટ સિરીઝની લાસ્ટ મેચમાંથી ખસી ગયો છે. જોકે બુમરાહ કોની સાથે લગ્ન કરવા જઈ રહ્યો છે તેનો ખ્યાલ નથી આવ્યો. સૂત્રોનાં જણાવ્યા મુજબ બુમરાહ એક અઠવાડિયામાં લગ્ન કરવા જઈ રહ્યો છે. પણ ક્યાં અને કોની સાથે તેનો ખ્યાલ હજુ સુધી મળ્યો નથી.

ટી-20 સિરીઝમાં આરામ અપાયો છે

ઉલ્લેખનીય છે કે ટેસ્ટ સિરીઝ બાદ ભારત અને ઈંગ્લેન્ડ વચ્ચે 12 માર્ચથી પાંચ મેચની ટી-20 સિરીઝ પણ રમાશે. બુમરાહને ટી-20 સિરીઝમાંથી આરામ આપવામાં આવ્યો છે. ત્યારબાદ બંને ટીમોની વચ્ચે ત્રણ મેચોની વનડે સિરીઝ રમાશે. વન ડે સિરીઝ 23 માર્ચથી શરુ થશે.

વનડે માંથી પણ રહી શકે છે બહાર

રિપોર્ટ મુજબ બુમરાહ ઈંગ્લેન્ડની સામે રમાનાર ત્રણ મેચોની વનડે સિરીઝમાંથી પણ બહાર થઈ શકે છે. બુમરાહની ગેરહાજરીમાં ભારત પાસે નવા ખેલાડીઓે તક આપવાનો અવસર આવશે. ભારત અને ઈંગ્લેન્ડ વચ્ચે ચાર મેચોની ટેસ્ટ સિરીઝનો ચોથો મુકાબલો મોટેરાનાં નરેન્દ્ર મોદી સ્ટેડિયમમાં 4 માર્ચથી શરુ થશે. હાલ ભારત ટેસ્ટ સિરીઝમાં 2-1થી આગળ છે.