ટેક્નોલોજી / સ્માર્ટફોન માર્કેટમાં એપલની પીછેહઠ, આ કંપનીએ હાંસલ કર્યું ટોપનું સ્થાન

પહેલા નંબર પર હજુ સેમસંગનો દબદબો છે. જયારે બીજી નંબરે ચીનની જ જાયન્ટ કંપની હુઆવે છે. દુનિયાના ટોપ સ્માર્ટફોન મેકર્સના આઇએચએસ (IHS) માર્કેટ લિસ્ટ મુજબ એપલ સ્માર્ટફોન માર્કેટમાં તેનો દબદબો ગુમાવી રહી છે.

આઇએચએસ ડેટા મુજબ 2019ના બીજા કવાર્ટરમાં જુન સુધીમાં 3.62 કરોડ ફોન તો સેમસંગે 7.51 અને હુઆવેએ 5.87 કરોડ ફોન વેચ્યા હતા. દુનિયાભરમાં વેચાતા સ્માર્ટફોન પૈકી સેમસંગના 23 ટકા અને 18 ટકા ફોન હુઆવેના હતા. ફોનના વેચાણના આંકડા મુજબ ટોપ ટેનમાં પાંચમા નંબરે ચીનની કંપની શાયોમી, છઠ્ઠા નંબરે વીવો, સાતમા નંબરે એલજી, આઠમા નંબરે મોટોરોલા, નવમા નંબરે ટેકનો અને દસમાં નંબરે ટીસીએલ-અલ્કાટેલ છે. 

આઇફોનના વેચાણમાં 11.8 ટકાનો ઘટાડો થયો છે. આ અંગે નિષ્ણાતો કહે છે કે દુનિયાભરમાં વિશાળ માર્કેટ છતાં એપલ સસ્તા ફોન બનાવતું નથી. જયારે સેમસંગ અને ચાઇનીઝ કંપનીઓએ અનેક લેટેસ્ટ ફિચર્સ સાથેના મીટ રેન્જ ફોન માર્કેટમાં મુકીને જોરદાર ફાયદો મેળવ્યો છે.

છેલ્લા બે-ત્રણ વર્ષમાં એન્ડ્રોઇડ ફોનના લેટેસ્ટ હાર્ડવેર અને સોફટવેરે આઇફોનના હાર્ડકેર ચાહકોને પણ આકર્ષ્યા છે. આઇફોનની સતત વધતી જતી કિંમત અને ડિઝાઇન અને સોફટવેરમાં ધીમા ચેન્જના કારણે આઇફોનના ચાહકો પણ હવે તેમનો ફોન જલ્દી બદલતા નથી કે પછી અપગ્રેડ કરતા નથી તેની અસર એપલના વેચાણ પર પડી રહી છે. આઇફોનના સૌથી સસ્તા આઇફોન 10 એકસઆરની કિંમત પણ કેટલીક અન્ય કંપનીઓના હાઇએન્ડ ફલેગશીપ ફોન જેટલી અથવા તો તેનાથી પણ વધુ છે.