કામની વાત / IGNOUએ એડમિશન માટે રજીસ્ટ્ર્રેશનની ડેડલાઈન લંબાવી, હવે આ તારીખ સુધી કરી શકાશે અરજી

ઇન્દિરા ગાંધી નેશનલ ઓપન યુનિવર્સિટી (IGNOU) એ જાન્યુઆરી 2025ના સત્ર માટે નવા પ્રવેશ અને પુનઃ નોંધણી માટેની છેલ્લી તારીખો લંબાવી છે. હવે ઉમેદવારો ૧૫ માર્ચ ૨૦૨૫ સુધી અરજી કરી શકે છે. જ્યારે અગાઉ આ છેલ્લી તારીખ 28 ફેબ્રુઆરી 2025 રાખવામાં આવી હતી. લાયક ઉમેદવારો IGNOU ની સત્તાવાર વેબસાઇટ ignouadmission.samarth.edu.in પર જઈને અરજી કરી શકે છે.

આ વિસ્તરણ ઓપન એન્ડ ડિસ્ટન્સ લર્નિંગ (ODL) અને ઓનલાઈન મોડમાં ઓફર કરવામાં આવતા તમામ કાર્યક્રમો માટે કરવામાં આવ્યું છે. જોકે, આ વધારો પ્રમાણપત્ર કાર્યક્રમો માટે લાગુ પડશે નહીં. આ ત્રીજી વખત છે જ્યારે યુનિવર્સિટીએ પ્રવેશ અને પુનઃ નોંધણીની તારીખો લંબાવી છે. IGNOU દ્વારા જારી કરાયેલી પોસ્ટમાં કહેવામાં આવ્યું હતું કે જાન્યુઆરી 2025 સત્ર માટે નવા પ્રવેશ માટેની છેલ્લી તારીખ 15 માર્ચ, 2025 સુધી લંબાવવામાં આવી છે.

બધા સૂચિત કાર્યક્રમો માટે તારીખ લંબાવવામાં આવી

છેલ્લી તારીખ લંબાવવામાં આવી છે તે બધા સૂચિત કાર્યક્રમો માટે છે. જે ODL અને ઓનલાઈન મોડમાં ઉપલબ્ધ છે. જાન્યુઆરી ૨૦૨૫ માટે પુનઃ નોંધણી માટેની છેલ્લી તારીખ પણ ૧૫ માર્ચ, ૨૦૨૫ સુધી લંબાવવામાં આવી છે.

ઉમેદવારોને નોંધણી પોર્ટલ દ્વારા સીધા જ તેમની અરજી રદ કરવાની સુવિધા પણ આપવામાં આવી છે. જોકે, અરજી રદ કરવા માટે ઇમેઇલ અથવા iGRAM દ્વારા કોઈ વિનંતી મોકલવાની જરૂર નથી. એકવાર અરજી રદ થઈ જાય પછી તેને પુનઃસ્થાપિત કરી શકાતી નથી અને યુનિવર્સિટીની નીતિઓ અનુસાર રિફંડની પ્રક્રિયા કરવામાં આવશે.

આ પણ વાંચોઃ પહેલા કરોડોની ભીડ હવે સૂમસામ! મહાકુંભ સમાપ્ત થયા બાદ કંઈક આવો છે માહોલ, જુઓ વીડિયો

૧૫ માર્ચ સુધીનો સમય

આ એવા વિદ્યાર્થીઓ માટે રાહતની વાત છે જેઓ કોઈ કારણોસર સમયમર્યાદા પહેલા અરજી પ્રક્રિયા પૂર્ણ કરી શક્યા નથી. આ પગલા દ્વારા, IGNOU એ વિદ્યાર્થીઓને પ્રવેશ પ્રક્રિયા સરળતાથી પૂર્ણ કરવાની બીજી તક આપી છે. જેથી તેઓ તેમના શિક્ષણની દિશામાં આગળ વધી શકે. આ સંદર્ભમાં વધુ માહિતી માટે, ઉમેદવારો IGNOU ની સત્તાવાર વેબસાઇટની મુલાકાત લઈ શકે છે અને સંપૂર્ણ માહિતી મેળવી શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ