ટેક / મોબાઈલમાં આ સંકેત દેખાય તો ચેતી જજો, નહીંતર થઈ જશે મોટું નુકસાન

જ્યારે આપણે લાંબા સમય સુધી ફોન યુઝ કર્યો હોય ત્યાર બાદ ફોનમાં અમુક સમસ્યા આવવા લાગે છે. જે ફોન જૂનો થઇ ગયો હોય તેમાં અમુક સમસ્યા વધી જાય છે. પરંતુ ફોન બગડે તે પહેલા તેમાં કેટલાક સંકેતો જોવા મળે છે. જો તમને પણ તમારા ફોનમાં આ સંકેતો દેખાય તો તરત જ તમારા ફોનને રિપેર કરાવવો જોઈએ જેથી મોટા નુકસાનથી બચી શકાય છે. ચાલો તે સંકેતો વિશે જાણીએ.

• ફોન ઓવરહીટ થવો
  જો તમારો ફોન કોઈ કારણ વગર ઓવરહીટ થાય તો સમજી જવું કે ફોનમાં કોઈ ખામી છે.  આ બાબત બેટરી સમસ્યા સિવાય સોફ્ટવેર પ્રોબ્લેમને કારણે પણ થઈ શકે છે. ફોન ઓવરહીટ થવાથી બેટરીમાં બ્લાસ્ટ પણ થઈ શકે છે, જે તમને ગંભીર નુકસાન પણ પહોંચાડી શકે છે. આથી ઓવરહીટ થતા ફોનને બદલવો એ બેસ્ટ ઓપ્શન છે.
  

• ફોન વારંવાર રીસ્ટાર્ટ થવો
  

જો તમારો ફોન ઓટોમેટિકલી રીસ્ટાર્ટ થઈ રહ્યો હોય તો આ એક સમસ્યાનો સંકેત હોય છે. તે હાર્ડવેર સમસ્યાઓ સિવાય સોફ્ટવેર પ્રોબ્લેમને કારણે પણ થઇ શકે છે. ફોન વારંવાર રીસ્ટાર્ટ થવાથી આપણું મહત્વનું કામ પણ વચ્ચે ઉભું રહી શકે છે. જો તમારા ફોનમાં આ સમસ્યા આવી રહી હોય તો તેને બદલો કે પછી રિપેર કરાવો.

વધુ વાંચો : હવે કોઈપણ વ્યક્તિ કોડિંગ વગર મિનિટોમાં જ બનાવી શકશે એપ! Google Opal ભારતમાં થયું લોન્ચ

• સ્ક્રીન પ્રૉપર્લી કામ ન કરવી
  જૂના ફોનમાં સ્ક્રીનમાં સમસ્યાઓનો અનુભવ થવો એ સામાન્ય બાબત છે. ક્યારેક સ્ક્રીન સંપૂર્ણ રીતે ફ્રીઝ થઇ જાય છે. તે સ્થિતિમાં ટચ કરવા પર પણ તે કામ નથી કરતી. જો તમારા ફોનની સ્ક્રીન વારંવાર કામ કરવાનું બંધ કરી દે તો તે એક સંકેત હોય છે કે તમારે ફોન બદલાવવો જોઈએ, જો તમે એમ કરી શકતા ન હોવ તો  તેને રિપેર કરાવો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ