ક્રાઈમ / સુરતના ઉધનામાં બંધ પડેલા માર્કેટમાં માનવ કંકાલ મળતા ચકચાર, સાથે મળી ડાયરી

સુરત શહેરના ઉધના-નવસારી મેઇન રોડ પર અંબર કોલોની સામે આવેલું એપી માર્કેટમાં એક માનવ કંકાલ મળી આવતાં ચકચાર મચી હતી.ઘટના અંગેની જાણ થતાં જ ઉધના પોલીસ સ્ટેશનનો કાફલો તાબડતોબ સ્થળ પર પહોંચી ગયો હતો.

કંકાલ સાથે બેગ પણ મળી

પોલીસને કંકાલની આસપાસથી એક બેગ પણ મળી આવી છે. આ બેગની તલાશી લેતાં તેમાંથી એક બુક મળી હતી જેમાં "મારું નામ સચિન રાજુ ડાભેલ" લખેલું વાંચવા મળ્યું છે. માનવ કંકાલ કેટલો સમય જૂનો છે, તે પુરુષનો છે કે સ્ત્રીનો, અને મૃત્યુ કુદરતી છે કે તેની હત્યા કરવામાં આવી છે તે તમામ બાબતો ફોરેન્સિક પોસ્ટમોર્ટમ રિપોર્ટ આવ્યા બાદ સ્પષ્ટ થશે.

વધુ વાંચો : પાલીતાણામાં સરકારી કચેરીમાં જામી દારૂની મહેફિલ, સ્થળ પરથી ઘણી બોટલો મળી

ઉધના પોલીસ સ્ટેશનનો કાફલો ઘટનાસ્થળે પહોંચ્યો

ઘટનાની ગંભીરતાને ધ્યાને રાખીને બનાવની જાણ થતાં જ ઉધના પોલીસ સ્ટેશનના પીઆઈ સહિત ઉચ્ચ પોલીસ અધિકારીઓ અને કર્મચારીઓનો મોટો કાફલો ઘટનાસ્થળે પહોંચી ગયો હતો. પોલીસે તુરંત જ સમગ્ર વિસ્તારને કોર્ડન કરી પ્રાથમિક પંચનામાની કાર્યવાહી હાથ ધરી હતી.આ કંકાલ કોઈ પુરુષનું છે કે સ્ત્રીનું અને મૃત્યુ કેટલા સમય પહેલાં થયું હતું તે જાણવા માટે ફોરેન્સિક સાયન્સ લેબોરેટરીની ટીમની મદદ લેવામાં આવી છે. કંકાલને પોસ્ટમોર્ટમ અને ડીએનએ પ્રોફાઇલિંગ માટે લેબમાં મોકલવાની તજવીજ હાથ ધરાઈ છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ