બ્રેકિંગ ન્યુઝ
બ્રેકિંગ ન્યુઝ
VTV / લાઈફસ્ટાઈલ / તમારા કામનું / Child PPF: બાળકના નામે કરો બસ આટલું રોકાણ, 15 વર્ષે થઈ જશો માલામાલ
7 ફોટો ગેલેરી
Last Updated: 10:06 PM, 21 August 2026
FOLLOW ON
શેર કરો
1/7
દરેક વાલી પોતાના બાળકના સારા ભવિષ્ય માટે મોટું ફંડ તૈયાર કરવા માંગે છે. આજકાલ અભ્યાસ અને કરિયર માટેનો ખર્ચ એટલો વધી ગયો છે કે ઘરે રોજ આ વિશે વિચારણા થતી રહે છે. બાળક નાનું હોય ત્યારથી જ તેના સુરક્ષિત ભવિષ્યની યોજના બનાવવી જરૂરી બની જાય છે. કોલેજની ફી હોય કે પ્રોફેશનલ કોર્સનો ખર્ચ, માતા-પિતા શક્ય તેટલી વહેલી તકે રોકાણ શરૂ કરી દે છે.
આ તસવીર શેર કરો
2/7
એના બજારમાં અનેક રોકાણ વિકલ્પો ઉપલબ્ધ છે પણ શેરબજારના ઉતાર-ચઢાવ ઘણાને ડરાવે છે. આવી સ્થિતિમાં સાર્વજનિક ભવિષ્ય નિધિ (પીપીએફ) એક સારો વિકલ્પ બની રહે છે. તેને સરકારની બેકિંગ મળે છે, તેથી પૈસા સુરક્ષિત રહે છે અને ભવિષ્યમાં કેટલું ફંડ બનશે તેનો લગભગ સાચો અંદાજ પણ કાઢી શકાય છે. જેમાં માતા-પિતા અથવા કાનૂની વાલીઓ પોતાના નાબાલિગ બાળકના નામે પીપીએફ ખાતું ખોલાવી શકે છે. આ ખાતું સામાન્ય પીપીએફ ખાતા જેવું જ કામ કરે છે.
આ તસવીર શેર કરો
3/7
એક મહત્વનો નિયમ યાદ રાખવો જરૂરી છે. એક નાણાકીય વર્ષમાં માતા-પિતાના પોતાના પીપીએફ ખાતા અને બાળકના ખાતામાં મળીને કુલ 1.5 લાખ રૂપિયાથી વધુ રોકાણ કરી શકાતું નથી. જો તમે પહેલેથી જ પોતાના ખાતામાં વાર્ષિક 1.5 લાખ રૂપિયાની મેક્સીમમ મર્યાદા સુધી રોકાણ કરી રહ્યા હોવ તો બાળકના ખાતામાં અલગથી રોકાણ કરી શકશો નહીં.
આ તસવીર શેર કરો
4/7
જો બાળકના પીપીએફ ખાતામાં દર મહિને 5000 રૂપિયા જમા કરાવવામાં આવે તો વર્ષમાં 60000 રૂપિયા થાય છે. 15 વર્ષમાં કુલ રોકાણ 9 લાખ રૂપિયા થશે. હાલ પીપીએફ પર જેમાં એપ્રિલથી 30 જૂન 2026 સુધીની લાગુ દર અનુસાર7.1 ટકા વ્યાજ મળે છે 1. આ દરને આધારે ગણતરી કરતાં 15 વર્ષ પછી મેચ્યોરિટી પર આશરે 16.3 લાખ રૂપિયા થઈ શકે છે. આમાં લગભગ 7 લાખથી વધુ વ્યાજ મળે છે. યાદ રાખો કે સરકાર દર ત્રિમાસિકે વ્યાજ દરની સમીક્ષા કરે છે, તેથી અંતિમ રકમમાં થોડો ફેરફાર થઈ શકે છે.
આ તસવીર શેર કરો
5/7
પીપીએફનો સૌથી મોટો ફાયદો માત્ર રિટર્ન નહીં પણ સમય છે. બાળક નાનું હોય ત્યારથી રોકાણ શરૂ કરવાથી કમ્પાઉન્ડિંગની શક્તિને કામ કરવા માટે પૂરતો સમય મળે છે. દર વર્ષે મળતું વ્યાજ પણ વ્યાજ કમાવા લાગે છે અને ફંડ સતત વધતું રહે છે. 15 વર્ષ પૂરા થયા પછી ખાતું બંધ કરવું ફરજિયાત નથી. જો તરત પૈસાની જરૂર ન હોય તો નવા યોગદાન સાથે ખાતાને 5-5 વર્ષના બ્લોકમાં આગળ વધારી શકાય છે. જ્યારે બાળકની ઉચ્ચ શિક્ષા હજુ થોડા વર્ષ દૂર હોય અથવા ફંડ વધુ વધારવું હોય ત્યારે આ ઉપયોગી નીવડે છે.
આ તસવીર શેર કરો
6/7
પીપીએફ એવા થોડા વિકલ્પોમાંનો એક છે જે મલ્ટીપલ લાભ આપે છે. તે સેક્શન 80સી હેઠળ કપાત માટે પાત્ર છે અને તેમાંથી મળતી કમાણી સંપૂર્ણપણે ટેક્સફ્રી છે.
આ તસવીર શેર કરો
7/7
પીપીએફ દરેક નાણાકીય લક્ષ્ય માટે યોગ્ય નથી. તેમાં લાંબો લોક-ઇન પીરિયડ છે અને ઉપાડ માત્ર ચોક્કસ શરતો હેઠળ જ શક્ય છે. આગામી ત્રણ-ચાર વર્ષમાં આવનારા ખર્ચ માટે વધુ ફ્લેકસીબલ ઓપ્શનની જરૂર પડી શકે છે. 15 વર્ષ પછી ઉચ્ચ શિક્ષાનો ખર્ચ કેટલો થશે તેનો ચોક્કસ અંદાજ મુશ્કેલ છે છતાં રોકાણમાં વિલંબ કરવાથી ટાર્ગેટ સુધી પહોંચવું વધુ મુશ્કેલ બને છે. તેથી બાળકના ભવિષ્ય માટે સમયસર અને સમજદાર નિર્ણય લેવો જરૂરી છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
ટોપ સ્ટોરીઝ
