ગુજરાત / ભાવનગરના નકલી દારૂકાંડમાં સુરતનો યુવક બ્રેઇન ડેડ,અત્યાર સુધીમાં 9ના મોત

ભાવનગરમાં નકલી દારૂ પીધા બાદ સુરત પહોચેલા મૂળ ભાવનગરના એક યુવાનને હોસ્પિટલમાં બ્રેઇન ડેડ જાહેર કરવામાં આવ્યો છે. યુવકને હાલ વેન્ટિલેટર સપોર્ટ પર રાખવામાં આવ્યો છે.

ભાવનગર 18 ઓગસ્ટે ઝેરી દારૂ પીધા પછી થયેલા લઠ્ઠાકાંડમાં મૃત્યુઆંક 9 થઈ ગયો છે અને 30 લોકો સારવાર હેઠળ છે. મુળ ભાવનગરના અને ઝેરી દારૂ પીછા પછી અસરગ્રસ્ત બનેલા સંજયસિંહ ડોડિયા નામના યુવકની તબિયત અત્યંત નાજુક બનતાં તેને સુરતની ખટોદરાની આઇએનએસ હોસ્પિટલમાં બ્રેઇન ડેડ જાહેર કરવામાં આવેલ છે.

સંજયસિંહ ડોડિયા ભાવનગરમાં નકલી દારૂ પીધા બાદ સુરત ગયા હતા. ભાવનગર દારૂકાંડનો ભોગ બનેલો સુરતનો યુવક બ્રેઇનડેડ થયો છે. નકલી દારુ પીતા મગજ ડેમેજ થતા સારવાર હેઠળ છે. 3 દિવસથી સુરતની હોસ્પિટલમાં સારવાર હેઠળ છે. યુવકને હાલ વેન્ટિલેટર સપોર્ટ પર રાખવામાં આવ્યો છે.

આ પણ વાંચોઃ ગુજરાત / ગુજરાતમાં ફરી સક્રિય થઈ ત્રણ હવામાન સિસ્ટમ, અમદાવાદમાં શનિ-રવિ મેઘમહેરની આશા

સંજયસિંહ 16 તારીખે ભાવનગરમાં નકલી દારૂ પીને 17 તારીખે સુરત પહોંચ્યા હતા. સુરત આવતા તેમની આંખો બંધ થઈ ગઈ હતી. તબિયત લથડતા હોસ્પિટલમાં લઇ જવાયો હતો. જ્યાં રિપોર્ટ દરમિયાન તેમને હાર્ટ એટેક આવી જતાં હૃદય બંધ પડી ગયું હતું. તબીબોએ સીપીઆર આપીને હૃદય ધબકતું કર્યું હતું, પરંતુ ત્યારબાદથી તેઓ સતત બેભાન અવસ્થામાં સરી પડ્યા હતા. ન્યુરો એક્સપર્ટ્સ દ્વારા સારવાર છતાં મગજ નિષ્ક્રિય થઈ જતાં આખરે બ્રેઇન ડેડ ઘોષિત કરાયા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ