લોકસભા ચૂંટણી 2024 / તમારા ઘરથી મતદાન મથક કેટલું દૂર છે? તેની માહિતી મળશે ઓનલાઈન, આ રીતે ચેક કરો

મુખ્ય ચૂંટણી કમિશનર દ્વારા 16 માર્ચના રોજ લોકસભા ચૂંટણીનું નોટિફિકેશન જાહેર કરવામાં આવ્યું હતું, ત્યારબાદ દેશમાં આચારસંહિતા લાગુ થઈ ગઈ હતી. આ વખતે લોકસભાની ચૂંટણી 7 તબક્કામાં યોજાશે, જેમાં પ્રથમ તબક્કાનું મતદાન 19 એપ્રિલે થશે. જો તમે તમારા વિસ્તારમાં મતદાન કરવા માટેના પોલિંગ બુથ વિશે માહિતી જાણવા માંગતા હોવ અને પોલિંગ બુથ ઓફિસર વિશે માહિતી જોઈતી હોય, તો તમે ઓનલાઈન મેળવી શકો છો.

જો વોટિંગ કરતા પહેલા તમને ખબર પડે કે તમારું પોલિંગ બૂથ ઘરથી કેટલું દૂર છે, તો ઘણું સારું રહેશે. આ માહિતી ચૂંટણીના દિવસે તમારો સમય બચાવશે અને તમે ઝડપથી મત આપી શકશો. તો ચાલો જાણીએ કે તમારા પોલિંગ બૂથ અને પોલિંગ ઓફિસરના સ્થાન વિશેની માહિતી ઓનલાઈન કેવી રીતે મેળવી શકાય છે.

કોને પોલિંગ બુથની જાણકારી મળે 

તમે 18 વર્ષના થાઓ, ત્યારે તમને મત આપવાનો અધિકાર મળે છે. આ પછી તમારું નામ મતદાર યાદીમાં ઉમેરવામાં આવે છે અને તમારું મતદાર કાર્ડ જિલ્લા ચૂંટણી કેન્દ્ર પરથી બને છે. મતદાર કાર્ડમાં તમારું કાયમી સરનામું હોય છે, જેના આધારે તમારા વોર્ડ વિશેની માહિતી ઉપલબ્ધ હોય છે. આ તમામ વિગતોની મદદથી તમે મતદાનના દિવસે તમારા પોલિંગ બુથને શોધી શકો છો.

પોલિંગ બૂથ શોધવા માટે, તમારે વોટર હેલ્પલાઇન એપ ડાઉનલોડ કરવી પડશે, જ્યાં તમે કેટલાક સરળ સ્ટેપ્સ ફોલો કરીને તમારું પોલિંગ બૂથ શોધી શકો છો. વોટર હેલ્પલાઇન એપ iOS યુઝર્સ માટે એપ સ્ટોર અને Android યુઝર્સ માટે પ્લે સ્ટોર પર ઉપલબ્ધ છે, જ્યાંથી તમે આ એપ ડાઉનલોડ કરી શકો છો.

પોલિંગ બુથની જગ્યા કેવી રીતે જાણવી? 

• આ માટે પહેલા સ્માર્ટફોનમાં (Android/ios) વોટર હેલ્પલાઇન એપ ડાઉનલોડ કરીને લૉગ ઇન કરવું.  
• એપમાં લૉગ ઇન કર્યા પછી EPIC NO, મોબાઈલ નંબર કે ઇ-મેઇલનો ઉપયોગ કરવો. 
• સર્ચ પર ક્લિક કરીને આપેલા વિકલ્પમાંથી એક વિકલ્પને પસંદ કરવો. 
• આ પછી એપમાં માહિતી ભરીને  તમે સરળતાથી પોલિંગ બુથની જગ્યા શોધી શકો છો. 

વધુ વાંચો: સ્માર્ટફોનમાં કયું ડિસ્પ્લે બેસ્ટ? જાણો LCD, OLED અને AMOLED વચ્ચે શું તફાવત

તમે ચૂંટણી પંચની વેબસાઈટ પરથી પણ જાણી શકો છો

ચૂંટણી પંચે તમારા વિસ્તારના પોલિંગ બુથની માહિતી આપવા માટે એક પોર્ટલ શરૂ કર્યું છે. આ પોર્ટલ પર તમે કેટલાક સરળ પગલાંઓ અનુસરીને તમારું પોલિંગ બુથ શોધી શકો છો. જો તમને મતદાન દરમિયાન કોઈ અસુવિધાનો સામનો કરવો પડે છે, તો તમે ચૂંટણી પંચની વેબસાઈટ અને એપ પર જઈને તેની ફરિયાદ કરી શકો છો.
 

• સૌથી પહેલા ચૂંટણી પંચની વેબ સાઇટ પર જવું. 
• વેબસાઇટ પર પહોંચ્યા પછી, મતદાર પોર્ટલ (voterportal.eci.gov.in) પર જવું. 
• મતદારે અહીં લોગ ઇન કરવું પડશે (મતદાર આઈડી કાર્ડ અથવા ઈ-મેલ અથવા મોબાઈલનો ઉપયોગ કરીને).
• અહીયા તમને Find My Polling Stationનો વિકલ્પ મળશે. તેના પર ક્લિક કરવું. 
• અહીયા તમે વોટર કાર્ડની વિગતોની મદદથી પોલિંગ બુથ સરળતાથી શોધી શકશો. જો તમે ઇચ્છો તો વોટિંગ સ્લિપ ડાઉનલોડ પણ કરી શકો છો. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો