ક્રાઈમ / અમદાવાદના અમરાઈવાડીમાં ગરબા ચોકમાં યુવકની ચાકૂના ઘા મારીને હત્યા કરાઈ, શું હતું કારણ?

અમરાઈવાડીના ગુલાબનગરમાં ગરબાના ચોકમાં જુની અદાવતમાં વિકેશ ગુર્જર નામના યુવક પર ચાર શખ્સોએ ચપ્પાથી હુમલો કર્યો હતો જેમાં યુવકને ગંભીર ઈજા પહોંચી હતી, જે તેને હોસ્પિટલમાં દાખલ કરવામાં આવ્યો હતો જ્યાં તેનું મોત થયું હતું. ઘટનાની જાણ થતાં અમરાઈવાડી પોલીસ ઘટના સ્થળે પહોંચી હતી.

નરોડામાં બે મહિલાઓ વચ્ચે ઉગ્ર ઝગડો

અમદાવાદના નવા નરોડા વિસ્તારમાં ગરબામાં ખુરશી પર બેસવા બાબતે બે મહિલાઓ વચ્ચે થયેલા ઝઘડાએ ઉગ્ર સ્વરૂપ ધારણ કર્યું હતું. અગાઉના વિવાદમાં સમાધાન કરાવનાર સોસાયટીના ચેરમેન અને શહેર ટ્રાફિક પોલીસમાં ફરજ બજાવતા હેડ કોન્સ્ટેબલ અનિલ નાયક પર લાકડી અને દંડા વડે હુમલો કરાયો હતો. પોલીસે બે આરોપીઓની ધરપકડ કરાઈ હતી.

વધુ વાંચો : VIDEO : એપલના સ્ટોરમાં લૂંટ, ભડકે બળી 143 વર્ષ જુની ઈમારત, ફ્રાન્સ સળગ્યું, 5 લાખ લોકો રસ્તા પર

સુરતમાં ડબલ મર્ડરથી ચકચાર

સુરતના લીંબાયતની સહજાનંદ સોસાયટીમાં વહેલી સવારે એક પુત્રે માતા અને નાના ભાઈની ચપ્પુના ઘા ઝીંકીને હત્યા કરી દેવાતાં ચકચાર મ ચી હતી. પરિવારમાં મિલકતની વહેંચણી અને દુકાનોમાંથી આવતી લાખો રૂપિયાની આવકને લઈને લાંબા સમયથી વિવાદ ચાલી રહ્યો હતો. વહેલી સવારે આ જ બાબતને લઈને ઘરમાં ઉગ્ર બોલાચાલી થઈ હતી. આવેશમાં આવીને મોટા પુત્રએ પોતાની સગી જનેતા અને નાના ભાઈ પર અચાનક ચપ્પુ વડે આડેધડ હુમલો કરી દીધો હતો. આ લોહીયાળ હુમલામાં માતા અને નાના ભાઈ ગંભીર રીતે ઘાયલ થઈ ગયા હતા અને સારવાર મળે તે પહેલા જ બંનેના કરૂણ મોત નીપજ્યા હતા. મૃતક માતા મલેશ્વરી અને નાના દીકરા રાજુની હત્યાથી તેલુગુ પરિવારમાં શોકનો માહોલ છવાયો છે. મૃતક મલેશ્વરીના નામે ત્રણ દુકાનો, માસિક આશરે ₹60 હજાર ભાડું આવતું હતું. મિલકત ત્રણેય ભાઈઓ વચ્ચે સરખા ભાગે વહેંચવાની બાબતે લાંબા સમયથી ઝગડો ચાલતો હતો. માતા મિલકતની વહેંચણી કરવા તૈયાર ન થતાં મોટા દીકરા શ્રીનિવાસે બંનેની હત્યા કરી હોવાની પ્રાથમિક વિગતો સામે આવી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ