અયોગ્ય / VIDEO : ગરબામાં જ ભાજપ નેતાએ છોકરીને માર્યો ધક્કો, વીડિયો વાયરલ, FIR દાખલ કરાઈ

મધ્યપ્રદેશના ઈન્દોરમાં ગરબામાં સગીર છોકરી સાથે દુર્વ્યવહાર કરવા બદલ સ્થાનિક ભાજપ કાર્યકર્તા વિરુદ્ધ એફઆઈઆર દાખલ કરવામાં આવી છે. ઇન્દોરના વિધાનસભા મતવિસ્તાર નંબર 2 ના ભાજપના મંડલ પ્રમુખ, આરોપી કમલ ચૌહાણની ધરપકડ કરવામાં આવી નથી, પરંતુ પાર્ટીએ તેમને નોટિસ ફટકારી છે અને સ્પષ્ટતા માંગી છે.

15 साल की गरीब बच्ची गरबा खेलने आई थी, सत्ता की धौंस सहने नहीं! इंदौर में भाजपा मंडल अध्यक्ष पर बच्ची को धक्का देने और बदसलूकी के आरोप हैं। परिजनों से कथित गाली-गलौज, विरोध करने पर धमकी और जवाब,बुला लो पुलिस! बेटियों को संस्कार और सुरक्षा का पाठ पढ़ाने वालों से सवाल है बेटी को गरबा खेलने का हक देंगे लेकिन क्या रसूखदारों से रजामंदी लेनी होगी?? @GargiRawat

— Anurag Dwary (@Anurag_Dwary) October 17, 2026

હીરા નગરના ગરબા સ્થળે બની હતી ઘટના

આસિસ્ટન્ટ કમિશનર ઑફ પોલીસ રૂબિના મિઝવાનીએ જણાવ્યું કે, કથિત ઘટના 15 ઑક્ટોબરે હીરા નગર પોલીસ સ્ટેશન વિસ્તારમાં બની હતી. એસીપીએ જણાવ્યું હતું કે પોલીસે 15 વર્ષની છોકરીની ફરિયાદ પર ભારતીય ન્યાય સંહિતાની કલમ 74 (મહિલાની નમ્રતા ઠેસ પહોંચાડવાના ઈરાદાથી હુમલો અથવા ગુનાહિત બળનો ઉપયોગ) હેઠળ કેસ દાખલ કરાયો છે.

સોશિયલ મીડિયામાં વીડિયો વાયરલ

સોશિયલ મીડિયા પર વાયરલ થયેલા આ ઘટનાના એક વીડિયોમાં કથિત રીતે ચૌહાણ કોઈ વાતથી નારાજ થઈને છોકરી પાસે જઈ રહ્યો હતો અને તેને ધક્કો મારી રહ્યો હતો. શાસક પક્ષના ઇન્દોર એકમના પ્રમુખ સુમિત મિશ્રાએ ચૌહાણને કારણદર્શક નોટિસ ફટકારી હતી, જેમાં જણાવ્યું હતું કે તેમનું વર્તન પક્ષની વિચારધારા અને તેમના પદની જવાબદારીઓ સાથે અસંગત છે. નોટિસમાં કહેવામાં આવ્યું છે કે જો તેઓ ત્રણ દિવસમાં પોતાનું વલણ સ્પષ્ટ કરવામાં નિષ્ફળ જશે તો તેમને શિસ્તભંગના પગલાંનો સામનો કરવો પડશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ