બ્રેકિંગ / ગુજરાત સરકાર દ્વારા એસ.ટી. નિગમના કર્મચારીઓના DAમાં વધારો, જાણો કેટલા ટકા?

Gujarat : રાજ્યના એસટી કર્મચારીઓની દિવાળી પહેલા જ મોટી ભેટ મળી છે. કર્મચારીઓના ડીએમાં બે ટકાનો વધારો કરવામાં આવ્યો છે. તેમને એરિયર્સની ચુકવણી પણ કરવામાં આવશે. રાજ્ય સરકારના આ નિર્ણયથી ગુજરાત ST નિગમના કર્મચારીઓને આર્થિક રાહત મળશે.

ગુજરાત રાજ્ય માર્ગ વાહન વ્યવહાર નિગમ (જીએસઆરટીસી)ના કર્મચારીઓ માટે રાજ્ય સરકારે મહત્વપૂર્ણ નિર્ણય કર્યો છે. સીએમ ભૂપેન્દ્ર પટેલ દ્વારા નિગમના કર્મચારીઓના મોંઘવારી ભથ્થામાં 2 ટકાનો વધારો મંજૂર કરવામાં આવ્યો છે. આ વધારા બાદ કર્મચારીઓને હવે 60 ટકાના દરે મોંઘવારી ભથ્થું ચૂકવવામાં આવશે.

રાજ્ય સરકારના આ નિર્ણયથી ગુજરાત એસટી નિગમના કર્મચારીઓને આર્થિક રાહત મળશે. આ ઉપરાંત વધારાના મોંઘવારી ભથ્થાના એરિયર્સની પણ ચુકવણી કરાશે. આ પહેલાં જૂન 2026માં મોંઘવારી ભથ્થું 3 ટકા વધારીને 55માંથી 58 ટકા કરવામાં આવ્યું હતું. એરિયર્સની ચુકવણીથી કર્મચારીઓને વધારાનો નાણાકીય લાભ પણ મળશે.

નોધનીય છે કે, મોંઘવારી ભથ્થું હંમેશા કર્મચારીના મૂળ પગાર પર જ ગણાય છે. તેમાં ઘરભથ્થું કે અન્ય કોઈ ભથ્થા ઉમેરવામાં આવતા નથી. એસ.ટી.માં શરૂઆતમાં ફિક્સ પગાર પર જોડાતા કર્મચારીઓને આ મોંઘવારી ભથ્થાનો લાભ મળતો નથી. આ લાભ માત્ર નિયમિત સ્કેલ મેળવતા કર્મચારીઓને જ મળે છે.