હેલ્થ / રાત્રે જલ્દી ઊંઘ નથી આવતી? તો અપનાવો આ 4-7-8 બ્રીથિંગ ટેકનીક

લાઇફમાં ખોરાક અને પાણીની માફક પૂરતી ઊંઘ પણ ખૂબ જરૂરી છે. દરેક વ્યક્તિ સારી ઊંઘ લેવા માંગે છે જેથી તેમનો થાક દૂર થાય અને ફ્રેશનેસ આવે. પરંતુ આજકાલ મોટાભાગના લોકો ઊંઘની સમસ્યાથી પરેશાન છે. આ સમસ્યાનો સામનો કરવા માટે તમે 4-7-8 બ્રીથિંગ ટેકનિક અપનાવી શકો છો. આ રીત એવા લોકો માટે સૌથી વધુ ફાયદાકારક સાબિત થઈ શકે છે જેઓ રાત્રે અનિદ્રાને કારણે પડખા બદલતા રહે છે. આ ટેકનિક શું છે અને તેને કેવી રીતે અપનાવવી તે જાણીએ.

• બ્રીથિંગ ટેકનિક એટલે શું ?

જો તમે ધ્યાન અને વિઝ્યુલાઇઝેશનને સાથે મિલાવો છો તો તે બ્રીથિંગ ટેકનિક સમય સાથે તમને ઝડપથી ઊંઘવામાં મદદ કરી શકે છે. 4-7-8 બ્રીથિંગ ટેકનિક આરામને પ્રોત્સાહન આપી ચિંતા ઘટાડીને ઝડપથી ઊંઘવામાં મદદ કરી શકે છે. આ રીતમાં 4 સેકન્ડ માટે નાક દ્વારા શ્વાસ લેવાનો, 7 સેકન્ડ માટે શ્વાસ રોકી રાખવાનો અને 8 સેકન્ડ માટે મોં દ્વારા શ્વાસ બહાર કાઢવાનો સમાવેશ થાય છે.

• કેવી રીતે ફોલો કરવી આ ટેકનિક?

સ્ટેપ 1 - આરામદાયક સ્થિતિમાં બેસો અથવા સૂઓ.

સ્ટેપ 2- તમારી જીભની ટોચ તમારા ઉપરના આગળના દાંતની પાછળ રાખો.

સ્ટેપ 3- ચાર ગણવા સુધી તમારા નાક દ્વારા શાંતિથી શ્વાસ લો.

સ્ટેપ 4- સાત ગણવા સુધી તમારો શ્વાસ રોકી રાખો.

સ્ટેપ 5 - આઠ ગણવા સુધી તમારા મોં દ્વારા શ્વાસ બહાર કાઢો.

સ્ટેપ 6- આ ક્રિયા ઓછામાં ઓછા ચાર વખત કરો.

વધુ વાંચો : ચાલુ સેક્સમાં છોકરીઓના મગજમાં શું ચાલે છે? જાણશો તો મન કંટ્રોલમાં નહીં રહે

• ફાયદાકારક છે આ ટેકનિક

આ શ્વાસ લેવાની તકનીક નર્વસ સિસ્ટમને શાંત કરવામાં અને ચિંતાની લાગણીઓ ઘટાડવામાં મદદ કરે છે, જેના કારણે ઘણીવાર લોકોની ઊંઘ ઊડી જતી હોય છે. આ ટેકનિક અપનાવવાથી તમને આરામ મળે છે અને ઝડપથી ઊંઘ આવે છે. આ સિવાય તે ઊંઘની ગુણવત્તા સુધારવામાં પણ મદદ કરે છે.

(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ