જુનાગઢ / રાનુ મંડલ જેવી ગુજરાતી ભિક્ષુક  મહિલાનો વીડિયો સોશિયલ મીડિયામાં વાઈરલ, મચાવી ધૂમ

• ગુજરાતના દિવાળીબેન ભીલ- ચંદ્રાબેન પરમાર
• લોકગીત- ભજનો સરસ ગાય છે
• બે પોલીસ જવાનના વીડિયોથી થયા વાઈરલ

એક સામાન્ય માણસ પર પણ કુદરત મહેરબાન હોય છે અને કલાકારીને માંજી શકાય બાકી કલા તો જન્મજાત જ હોય તે આવા અનેરા કિસ્સાઓ જોઈને ફળીભૂત લાગે છે. 

કોણ છે ગુજરાતની રાનુ મંડલ
ચંદ્રાબેન પરમાર નામની વાદી જ્ઞાતીની એક મહિલાને ભગવાને સૂરીલું ગળુ આપ્યુ છે તે ભીખ માંગીને પોતાનું ગુજરાન ચલાવે છે. તેના ભજનનો સ્વર એટલો તો સુરીલો છે કે લોકો ઘડી બે ઘડી તેને સાંભળવા ઉભા રહી જાય છે. 

ચંદ્રાબેને રહે છે ઝૂપડામાં 
જૂનાગઢના માણાવદર તાલુકાના કતકપરા ગામના ચંદ્રાબેન ગાતા ગાતા ભાવનગર સુધી પહોંચ્યા હતા. કોકિલ કંઠી ચંદ્રા બેને જરપાંજર ઝુપડામાં રહે છે પણ તે ભુલી બિસરી યાદે જેવા લોકગીત અને ભજનોને ગાઈને ભલભલાને ગુજરાતી સંગીતના રંગમાં રંગી નાંખે છે. 

કેવી રીતે કોકિલા આવી સામે?
ભાવનગર દિનેશભાઇ બોરીચા નામના પોલીસ જવાને ચંદ્રાનો અવાજ સાંભળ્યો અને તેનો વીડિયો બનાવ્યો હતો. અને બસ પછી શું ચંદ્રાના અવાજનો જાદૂ એવો તો ચાલ્યો કે જોત જોતામાં આ વીડિયો વાઈરલ થઈ ગયો. દિનેશભાઈનું કહેવું છે મને મારા મિત્ર શિવરાજસિંહ ઝાલાએ જાણ કરી હતી અને અમે તેમને લોકો સુધી પહોંચાડવા માટે કટીબધ્ધ થયા હતા. 

ચંદ્રાબેન પહોંચ્યા લોક સ્ટુડિયો
આ અંગે લોક સ્ટુડીઓ બોલાવીને ચંદ્રાબેનના સંગીતને સન્માન આપવામાં આવ્યું. તેમના સોરઠી અવાજને વધુ માંજવા માટે લોકસંગીત ગાયકીની ટ્રેનીંગ આપવા પણ કેટલાક લોકો કટીબધ્ધ થયા હતા. હાલ ચંદ્રા પરમાર ઘેરઘેર જાણીતા થઈ ગયા છે. 

દિવાળીબેન ભીલ સાથે સરખામણી
લોકો તેમની લોકસંગીત ગાવાની શૈલી અને અવાજને ગુજરાતના નાક દિવાળીબેન ભીલ સાથે સરખાવી રહ્યા છે.