પ્રધાનમંત્રી મોદી 7 દિવસીય અમેરિકા પ્રવાસે છે. ત્યારે હ્યૂસ્ટનમાં યોજાનાર 'હાઉડી મોદી' કાર્યક્રમની શરૂઆત પહેલા રંગારંગ કાર્યક્રમનું આયોજન કરવામાં આવ્યું હતું. આ કાર્યક્રમમાં મોટી સંખ્યામાં દેશ-વિદેશના કલાકારોએ પોતાની કલાને લોકો સમક્ષ પીરસી હતી.
નોંધનીય છે કે, રંગારંગ કાર્યક્રમ દરમિયાન ગુજરાતી ગરબાની રજૂઆતથી એનઆરજી સ્ટેડિયમમાં હાજર રહેલા લોકો ઝૂમી ઉઠ્યા હતા. અમરિકામાં ઝૂલણ મોરલી વાગી રે રાજાના કુંવરની રજૂઆત થતાં ગુજરાતી વાતાવરણ સર્જાયું હતું.
કિંજલ દવે અને ગીતા રબારીએ અમેરિકામાં ગરબાની રમઝટ બોલાવી
એક તરફ અમેરિકાના હ્યૂસ્ટનમાં હાઉડી મોદી કાર્યક્રમ ચાલી રહ્યો હતો તો બીજી તરફ અમેરિકાના ચાર્લોટ શહેરમાં ગીતા રબારી અને કિંજલ દવેએ એક કાર્યક્રમમાં ગરબાની રમઝટ બોલાવી હતી.
કિંજલ દવે અને ગીતા રબારીએ રૂડે ગરબે રમે દેવી અંબિકા રે લોલ તથા ઘોર અંધારી રે રાતલડીમાં નિસર્યા ચાર અસવારની ભવ્ય રજૂઆત થતાં અમેરિકામાં વસતા ગુજરાતીઓ ઝૂમી ઉઠ્યા હતા.