વરસાદમાં નિર્ણય / આવતીકાલે પણ બંધ રહેશે અમદાવાદની સ્કૂલો, વિદ્યાર્થીઓને ડબલ રજાનો લાભ, જાણો સોમવારની સ્થિતિ?

અમદાવાદ શહેરમાં આવતીકાલે એટલે કે 1 ઓગસ્ટે પણ શાળાઓમાં રજા જાહેર કરવામાં આવી છે. ભારે વરસાદની આગાહીને પગલે સાવચેતીના ભાગરૂપે શાળાઓ બંધ રાખવાનું એલાન કરાયું છે.

1 ઓગસ્ટે બધી સ્કૂલોમાં રજા જાહેર

વિદ્યાર્થીઓની સુરક્ષાને પ્રાથમિકતા આપતા જિલ્લા કલેક્ટરની સૂચના અનુસાર 01 ઓગસ્ટ 2026ના રોજ અમદાવાદ શહેરના પૂર્વ અને પશ્ચિમ વિસ્તારની તમામ સરકારી, અનુદાનિત (ગ્રાન્ટેડ) અને સ્વનિર્ભર (ખાનગી) પ્રાથમિક, માધ્યમિક, ઉચ્ચતર માધ્યમિક શાળાઓ, અધ્યાપન મંદિરો તેમજ કોલેજોમાં શૈક્ષણિક કામગીરી સંપૂર્ણપણે બંધ રાખી રજા જાહેર કરવામાં આવી છે.

વધુ વાંચો : VIDEO : પાવાગઢ ડૂંગરના પગથિયાં પર વહેતા ઝરણા વચ્ચે ચાલતાં દેખાયા શ્રદ્ધાળુઓ, જુઓ અદ્દભુત નજારો

વિદ્યાર્થીઓને મળશે ડબલ રજાનો લાભ

શનિવારે રજા જાહેર થયેલી હોવાથી રવિવારે પણ રજા છે એટલે વિદ્યાર્થીઓને ડબલ રજા મળશે. સોમવારે શાળાઓ ચાલુ રહેશે કે બંધ તેનો નિર્ણય વરસાદની આગાહીને પગલે લેવામાં આવશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ