ગુજરાતમાં વરસાદ / સુરતમાં આર્મીનું આગમન, તમામ અધિકારીઓની રજા રદ, ભારે વરસાદને પહોંચી વળવા તંત્ર સજ્જ

સુરતમાં ભારે વરસાદની આગાહીના પગલે આર્મીની ટીમ તૈનાત કરી દેવાઈ છે. આજે 70થી વધુ સેનાના જવાનોની ટીમ સુરત આવી પહોંચી હતી. નીચાણવાળો વિસ્તાર હોવાને કારણે લિંબાયત વિસ્તારમાં ખાસ ટીમ તૈનાત કરી દેવાઈ છે.

રેસ્ક્યૂ વાહનો સાથે સેનાની ટીમ પહોંચી સુરત

70થી વધુ જવાનોની ટીમ સુરત આવી પહોંચી હતી જેમાં રેસ્કયૂ વાહનો પણ સામેલ છે.

તમામ અધિકારીઓની રજા રદ

બંગાળની ખાડીમાં સર્જાયેલા ડીપ ડિપ્રેશનને કારણે સુરત જિલ્લામાં આગામી 48 કલાક દરમિયાન ભારેથી અતિભારે વરસાદની ચેતવણી જાહેર કરવામાં આવી છે. આ સ્થિતિને પહોંચી વળવા વહીવટી તંત્ર સંપૂર્ણપણે સજ્જ છે અને તમામ અધિકારીઓની રજાઓ રદ્દ કરી દેવામાં આવી છે.આ ડીપ ડિપ્રેશન ગુજરાત તરફ આગળ વધી રહ્યું છે, જેના પગલે સુરત શહેર અને જિલ્લામાં વહેલી સવારથી વરસાદી માહોલ જામ્યો છે. આગામી 24 થી 48 કલાકમાં વરસાદની તીવ્રતા વધવાની પ્રબળ સંભાવના છે.

આ પણ વાંચો : ગુજરાતમાં 'ઓપરેશન સરહદ' શરૂ, આતંકીઓના સંપર્કમાં આવેલા શંકાસ્પદ લોકો પર ATSની રાજ્યવ્યાપી નજર

ઉમરપાડા તાલુકામાં 10 ઈંચ વરસાદ નોંધાયો

સૌથી વધુ વરસાદ સુરત જિલ્લાના ઉમરપાડા તાલુકામાં નોંધાયો, જ્યાં 10 ઈંચ વરસાદ વરસતા નીચાણવાળા વિસ્તારોમાં પાણી ભરાઈ જવાની સ્થિતિ સર્જાઈ હતી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ