બ્રેકિંગ ન્યુઝ
બ્રેકિંગ ન્યુઝ
6 ફોટો ગેલેરી
Last Updated: 05:48 PM, 31 July 2026
FOLLOW ON
શેર કરો
1/6
ટ્રેનમાં ટિકિટ બુક કરાવતા સમયે ઘણી વખત 3AC અને 3AC ઇકોનોમી એમ બે વિકલ્પ જોવા મળે છે. બંનેમાં એસી હોય છે, બેડરોલ મળે છે અને કોચ પણ લગભગ સરખા જ દેખાય છે. ત્યારે સ્વાભાવિક રીતે સવાલ થાય કે જ્યારે સુવિધાઓ લગભગ એકસરખી છે તો 3AC ઇકોનોમીનું ભાડું ઓછું કેમ હોય છે? હકીકતમાં, બંને કોચ દેખાવમાં ભલે એકસરખા લાગે, પરંતુ તેમાં મુસાફરોને મળતી જગ્યા અને આરામમાં મોટો ફરક હોય છે.
આ તસવીર શેર કરો
2/6
3AC અને 3AC ઇકોનોમી બંનેમાં ત્રણ-ત્રણ બર્થ, સાઇડ બર્થ, એસી અને બેડરોલ જેવી સુવિધા મળે છે. બંને કોચમાં ચાર-ચાર વૉશરૂમ પણ હોય છે. એટલે બહારથી કે પહેલી નજરે બંનેમાં ખાસ કોઈ ફરક દેખાતો નથી. પરંતુ મુસાફરી શરૂ થયા બાદ બંને વચ્ચેનો તફાવત સ્પષ્ટ અનુભવાય છે.
આ તસવીર શેર કરો
3/6
સૌથી મોટો ફરક બર્થની સાઈઝ છે. રિપોર્ટ્સ પ્રમાણે, સામાન્ય 3ACમાં બર્થનું કદ અંદાજે 1820×635 મિમી હોય છે, જ્યારે 3AC ઇકોનોમીમાં તે 1850×573 મિમી હોય છે. એટલે કે ઇકોનોમી કોચમાં બર્થની પહોળાઈ ઓછી હોવાથી સૂતી વખતે સામાન્ય 3AC જેટલો આરામ મળતો નથી.
આ તસવીર શેર કરો
4/6
3AC ઇકોનોમીમાં બે બર્થ વચ્ચેની જગ્યા પણ ઓછી રાખવામાં આવે છે. સામસામે બેઠેલા મુસાફરોના પગ અથડાય તેવી સ્થિતિ સર્જાઈ શકે છે. તેનું કારણ પણ સ્પષ્ટ છે. જ્યાં સામાન્ય 3AC કોચમાં 72 બર્થ હોય છે, ત્યાં 3AC ઇકોનોમીમાં 83 બર્થ રાખવામાં આવ્યા છે. એટલે કે વધુ મુસાફરોને સમાવી શકાય તે માટે ઉપલબ્ધ જગ્યાનો વધુ કાર્યક્ષમ ઉપયોગ કરવામાં આવ્યો છે.
આ તસવીર શેર કરો
5/6
માત્ર બર્થ જ નહીં, પરંતુ 3AC ઇકોનોમીમાં વૉશરૂમ અને વોશ બેસિનનું કદ પણ સામાન્ય 3ACની સરખામણીએ નાનું હોય છે. વધુ બર્થ ગોઠવવા માટે કોચની અંદરની જગ્યા અલગ રીતે ડિઝાઇન કરવામાં આવી છે. એટલે જ ભાડું ઓછું હોય છે 3AC ઇકોનોમીમાં મુસાફરોને એસી, બેડરોલ અને અન્ય મૂળભૂત સુવિધાઓ તો મળે છે, પરંતુ બેઠવાની અને સૂવાની જગ્યા ઓછી હોવાથી આરામનું સ્તર સામાન્ય 3AC કરતાં થોડું ઓછું રહે છે. એટલા માટે જ 3AC ઇકોનોમીનું ભાડું સામાન્ય 3AC કરતાં ઓછું રાખવામાં આવે છે.
આ તસવીર શેર કરો
6/6
જો તમારી પ્રાથમિકતા ઓછા ખર્ચે એસી મુસાફરી કરવાની હોય તો 3AC ઇકોનોમી સારો વિકલ્પ બની શકે છે. પરંતુ લાંબી મુસાફરીમાં વધુ આરામ જોઈએ તો સામાન્ય 3AC વધુ અનુકૂળ માનવામાં આવે છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
ટોપ સ્ટોરીઝ
