ચોમાસું / VIDEO : પ્રેમી યુગલો સ્વર્ગમાં સરી પડશે! સાપુતારા સોળે કળાએ ખીલી ઉઠ્યું, જુઓ અદ્દભુત નજારો

ડાંગ જિલ્લામાં ભારે વરસાદ બાદ કુદરતી સોંદર્ય ખીલી ઉઠ્યું છે. હીલ સ્ટેશન સાપુતારા પણ બાકાત નથી. સાપુતારામાં ઘાટમાં ધુમ્મસની ચાદર છવાતા પ્રવાસીઓમાં ખુશીનો માહોલ છવાયો હતો. ધુમ્મસ અને ઝરમર વરસાદના કારણે સાપુતારાનું વાતાવરણ આહલાદક બનતા પ્રવાસીઓમાં ખુશીનો માહોલ છવાયો હતો.

હળવા ઝરમર વરસાદ બાદ ગાઢ ધુમ્મસની ચાદર છવાઈ

ચોમાસાની શરૂઆત સાથે જ ડાંગ જિલ્લાનું પ્રકૃતિ સૌંદર્ય નિખરી ઉઠે છે. હાલમાં સાપુતારામાં ભારે વરસાદે ભલે વિરામ લીધો હોય, પરંતુ પર્વતો પર પથરાયેલી હરિયાળી વચ્ચે હળવા ઝરમર વરસાદ અને ગાઢ ધુમ્મસની ચાદર છવાઈ ગઈ છે. પ્રકૃતિના આ અદભુત નજારાએ સમગ્ર વિસ્તારને ખરા અર્થમાં આહલાદક બનાવી દીધો છે. ઠંડકભર્યા પવન અને ચારેકોર ફેલાયેલા ધુમ્મસના કારણે પ્રવાસીઓને ઉત્તર ભારતનાં હિલ સ્ટેશનો જેવો અહેસાસ થઈ રહ્યો છે.

વધુ વાંચો : આફ્રિકન યુવતીએ રાજકોટના ખેડૂત સાથે ઓનલાઈન 'પ્રેમલીલા' આચરી, પછી... સોશિયલ મીડિયા વાપરો છો તો જાણો

પ્રવાસીઓ ચીચીયારીઓ પાડી ઉઠ્યાં

ગાઢ ધુમ્મસના કારણે સાપુતારાના ઘાટ માર્ગો પર વાહનવ્યવહારને અસર પહોંચી છે. અનેક સ્થળોએ ધુમ્મસ એટલું ગાઢ છે કે ઝીરો વિઝિબિલિટી થઈ છે જેને કારણે વાહનચાલકોને ખૂબ મુશ્કેલી પડી હતી. પ્રવાસીઓ પણ જાણે આ જ ઘડીની પ્રતિક્ષા કરતા હોય તેમ ચીચીયારીઓ પાડી ઉઠ્યાં હતા.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ