તમારા કામનું / 8th પે કમિશને કર્યું નોટિફિકેશન જાહેર, કેન્દ્રીય કર્મચારીઓ ખાસ જાણી લે

કેન્દ્ર સરકારના કર્મચારીઓ 8મા પગાર પંચની ભલામણોની આતુરતાપૂર્વક રાહ જોઈ રહ્યા છે. પગાર પંચ આવતા વર્ષના પ્રથમ છિમાસિક ગાળા સુધીમાં પોતાની ભલામણો સરકારને સોંપશે તેવી શક્યતા છે. તે પહેલાં વિવિધ કર્મચારી સંગઠનો સાથે બેઠકો યોજવામાં આવી રહી છે. આ દરમિયાન 8મા કેન્દ્રીય પગાર પંચ તરફથી એક નવું નોટિફિકેશન જાહેર કરવામાં આવ્યું છે.

વેબસાઇટ પર નવું નોટિફિકેશન

8મા કેન્દ્રીય પગાર પંચમાં કન્સલ્ટન્ટ તરીકેની નિમણૂક માટેના પાત્રતાના નિયમોમાં આંશિક ફેરફાર કરવામાં આવ્યા છે. આ સુધારેલી માર્ગદર્શિકા મુજબ કન્સલ્ટન્ટની જગ્યાઓને 3 શ્રેણીઓમાં વહેંચવામાં આવી છે: સીનિયર કન્સલ્ટન્ટ, કન્સલ્ટન્ટ અને યંગ પ્રોફેશનલ કન્સલ્ટન્ટ.

સીનિયર કન્સલ્ટન્ટ: આ પદ માટે ઓછામાં ઓછો 10 વર્ષનો અનુભવ જરૂરી છે અને મહત્તમ વયમર્યાદા 45 વર્ષ નક્કી કરવામાં આવી છે.

કન્સલ્ટન્ટ: આ શ્રેણી માટે ઓછામાં ઓછો 6 વર્ષનો અનુભવ અને મહત્તમ વયમર્યાદા 40 વર્ષ છે.

યંગ પ્રોફેશનલ કન્સલ્ટન્ટ: આ માટે 2 વર્ષનો અનુભવ હોવો જરૂરી છે અને અરજી કરનારની મહત્તમ ઉંમર 32 વર્ષ હોવી જોઈએ. પંચ આ શ્રેણીમાં મહત્તમ 16 કન્સલ્ટન્ટ્સની નિમણૂક કરી શકે છે.

કોણ કરી શકે છે અરજી?

• HR, ઇન્ડસ્ટ્રિયલ રિલેશન્સ (IR) અથવા સંબંધિત વિષયમાં માસ્ટર ડિગ્રી અથવા MBA ધરાવતા ઉમેદવારો.
• યોગ્ય અનુભવ સાથે બાર કાઉન્સિલ કે બાર એસોસિએશનમાં નોંધાયેલા LLB ઉમેદવારો. લીગલ રિસર્ચ, ટ્રિબ્યુનલ અને અદાલતોમાં એડવોકેટ તરીકે સેવા સંબંધિત બાબતો સંભાળવાનો અનુભવ ધરાવનારાઓને પણ પાત્ર ગણવામાં આવશે.
• B.Tech/M.Tech અને IT, ડેટા એનાલિસિસ, ડેટા વિઝ્યુઅલાઈઝેશન જેવા ક્ષેત્રોમાં અનુભવ ધરાવતા ઉમેદવારો.
• એક્સેલ, સ્પ્રેડશીટ અને પ્રેઝન્ટેશન તૈયાર કરવાનું જ્ઞાન હોવું ફરજિયાત છે. પગાર, ભથ્થાં, વળતર પેકેજ અથવા સ્થાપના સંબંધિત બાબતોનો અનુભવ ધરાવતા ઉમેદવારોને પ્રાથમિકતા આપવામાં આવશે.

આ પણ વાંચોઃ અમદાવાદ સહિત ગુજરાતમાં સોનાના ભાવમાં ફેરફાર! જાણો આજે શું છે 22K-24K ગોલ્ડનો ભાવ ?

અરજી કરવાની પ્રક્રિયા

નોટિફિકેશનમાં સ્પષ્ટ કરવામાં આવ્યું છે કે અરજીઓ માત્ર ઓનલાઈન માધ્યમથી જ સ્વીકારવામાં આવશે. ટપાલ, ઈમેઈલ કે અન્ય કોઈ માધ્યમથી મોકલેલી હાર્ડ કોપી સ્વીકારાશે નહીં. ઉપરાંત, જે ઉમેદવારોએ અગાઉ અરજી કરી દીધી છે તેમણે ફરીથી અરજી કરવાની જરૂર નથી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ