ઘટના / VIDEO: દાહોદમાં દિલધડક રેસ્ક્યૂ, ખેતરમાં ગયેલો વ્યક્તિ નદીમાં એવો ફસાયો, કે માંડ-માંડ જીવ બચ્યો

ગુજરાતમાં મેઘરાજા પધારી ચુક્યા છે અને બરાબરની બેટિંગ પણ કરી રહ્યા છે. કેટલાક વિસ્તારોમાં અનરાધાર વરસાદ વરસ્યો છે, જેના પગલે નદીઓ બે કાંઠે વહેતી થઈ છે. જેના પગલે કેટલાક વિસ્તારોમાં રેસ્કૂય કરવાની પણ ફરજ પડી છે. દાહોદની પાનમ નદીના પાણી વચ્ચે ફસાયેલા વ્યક્તિનું રેસ્ક્યૂ કરવામાં આવ્યું હતું.

ખેતર જોવા ગયેલો વ્યક્તિ પાણીના પ્રવાહમાં ફસાયો

દાહોદમાં પાનમ નદી પાસે પોતાનું ખેતર જોવા ગયેલો વ્યક્તિ પાણીના પ્રવાહમાં અટવાઈ ગયો હતો. જે વ્યક્તિ ખેતરમાં ગયો હતો અને અચાનક પાણી આવી જતા તે નદીના પાણીમાં ફસાઈ ગયો હતો. ઘટનાની જાણ થતા દેવગઢ બારિયા ફાયર વિભાગની ટીમ દોડી આવી હતી અને રેસ્ક્યૂ કરીને વ્યક્તિને બચાવી લીધો હતો. જે સમગ્ર ઘટનાનો વીડિયો પણ સામે આવ્યો છે.

ચોમાસા 2025માં કેટલા લોકોનું રેસ્ક્યૂ કરાયું

બોટાદમાં 24 લોકોના જ્યારે ભાવનગરમાં 128, અમરેલીમાં 69 તેમજ ગાંધીનગરમાંથી 07 લોકોના આ ચોમાસે રેસ્ક્યૂ કરાયા છે.

આ પણ વાંચો: અમદાવાદ સહિત આ જિલ્લાઓમાં પડશે ભારેથી અતિ ભારે વરસાદ! ક્યાંક ઓરેન્જ તો ક્યાંક યલો એલર્ટ અપાયું

81 તાલુકામાં વરસાદ નોંધાયો

છેલ્લા 24 કલાકમાં આણંદ શહેરમાં 2.0 ઇંચ, તારાપુરમાં 2.7 ઇંચ અને બોરસદમાં 2.5 જ્યારે ભરૂચના જઘડિયામાં 2.4 ઇંચ, પંચમહાલના હાલોલમાં 2.7 ઇંચ વરસાદ નોંધાયો છે.જ્યારે 9 તાલુકામાં એક ઇંચથી વધુ નોંધાયો છે, તો 51 તાલુકામાં એક ઇંચ કરતાં ઓછો વરસાદ નોંધાયો છે. ત્યારે છેલ્લા 24 કલાક દરમિયાન કુલ 81 તાલુકામાં વરસાદ નોંધાયો છે.

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ