ગુજરાત / VIDEO : તંત્ર ભૂલ્યું કે શું? લીંબડીના ગામમાં કમર સુધીના પાણીમાંથી કાઢવી પડી નનામી

ગુજરાતમાં વરસાદે વિરામ લીધાને અઠવાડિયું થયું છે છતા પણ હજુ ઘણે ઠેકાણે વરસાદી પાણી ઓસર્યા નથી અને તેનો તાજો પુરાવો લીંબડીમાંથી સામે આવ્યો છે. લીંબડી તાલુકાના નાની કઠેચી ગામમાં વરસાદી પાણીનો કહેર હજુ પણ જોવા મળી રહ્યો છે. હાલ પણ કમર સુધી પાણી ભરાયા હોવાનો વીડિયો વાયરલ થયો છે જેમાં જોઈ શકાય છે કે લોકો કમર સુધી ભરાયેલા પાણીમાંથી નનામી લઈને જઈ રહ્યાં છે.

ગામલોકોએ શું કહ્યું

ગ્રામજનોનો આક્ષેપ છે કે વરસાદી પાણીના નિકાલની યોગ્ય વ્યવસ્થા જ નથી. અંતિમયાત્રા માટે પણ સલામત માર્ગ ન મળતા લોકોમાં ભારે રોષ વ્યાપાયો છે.

આ પણ વાંચોઃ VIDEO : પિતાના અંતિમ સંસ્કારમાં ન આવી 3 દીકરીઓ, વીડિયો કોલ પર જોયા, 5100 મોકલીને કહ્યું- ગંગામાં પધરાવી દેજો અસ્થિ

વરસાદ બંધ થયે અઠવાડિયું થયું

રાજ્યમાં વરસાદ બંધ થયે અઠવાડિયું થયું છે પરંતુ હજુ સુધી આવા વિસ્તારોમાં પાણીનો કેર જોઈ શકાય છે. લીંબડીના ગામે ભરાયેલા પાણીએ તંત્રની બેદરકારીની પોલ ખોલી નાખી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ