ન્યૂઝ અપડેટ્સ
ન્યૂઝ અપડેટ્સ
VTV / લાઈફસ્ટાઈલ / તમારા કામનું / મોંઘા સાબુ-શેમ્પૂ છોડો, ઘરે કુંડામાં ઉગાડો આ છોડ, તેના ફળથી વાળ, કપડાં અને ઘરની સફાઈમાં થશે મદદ!
8 ફોટો ગેલેરી
Last Updated: 10:22 AM, 11 September 2026
FOLLOW ON
શેર કરો
1/8
આજકાલ લોકો કેમિકલવાળી વસ્તુઓની જગ્યાએ નેચરલ અને ઇકો-ફ્રેન્ડલી વસ્તુઓ તરફ પાછા વળી રહ્યા છે. સાબુથી લઈને હેર કલર સુધી લોકો નેચરલ વિકલ્પો શોધી રહ્યા છે. જૂના સમયમાં અરીઠાનો ઉપયોગ વાળ ધોવાથી લઈને કપડાં સાફ કરવા સુધી કરવામાં આવતો હતો. હવે બજારમાંથી અરીઠા ખરીદવાને બદલે તમે તેને ઘરે પણ ઉગાડી શકો છો. અરીઠાનો છોડ શરૂઆતમાં નાના કુંડામાં ઉગાડી શકાય છે અને તેના ફળનો ઉપયોગ વાળ, કપડાં અને કેટલીક ઘરગથ્થુ વસ્તુઓની સફાઈ માટે કરી શકાય છે.
આ તસવીર શેર કરો
2/8
અરીઠાને સોપનટ અથવા સોપબેરી પણ કહેવામાં આવે છે. તેના ફળના બહારના છોતરામાં સૅપોનિન નામનું નેચરલ તત્વ હોય છે. આ સૅપોનિન પાણી સાથે ભળે ત્યારે સાબુ જેવું ફીણ બનાવે છે અને ગંદકી તથા તેલ દૂર કરવામાં મદદ કરે છે. આ કારણે જૂના સમયથી અરીઠાનો ઉપયોગ વાળ, ત્વચા અને કપડાં સાફ કરવા માટે કરવામાં આવે છે. નેચરલ વસ્તુઓ તરફ વધતા રસને કારણે અરીઠા જેવા પરંપરાગત વિકલ્પો ફરીથી લોકોમાં ચર્ચામાં આવ્યા છે.
આ તસવીર શેર કરો
ADVERTISEMENT
3/8
અરીઠાનો છોડ તેના બીજમાંથી ઉગાડી શકાય છે. આ માટે પાકેલા અરીઠામાંથી બીજ કાઢીને તેને સારી રીતે સાફ કરો. ત્યારબાદ બીજને થોડા દિવસ સૂકવ્યા પછી માટીમાં વાવી શકાય છે. આસામ ફોરેસ્ટ ડિપાર્ટમેન્ટની નર્સરી ગાઈડ મુજબ પાકેલા અરીઠાના બીજને 2થી 3 દિવસ તડકામાં સૂકવીને વાવી શકાય છે. અરીઠાના બીજને અંકુરિત થવામાં લગભગ 30થી 40 દિવસનો સમય લાગી શકે છે. જો તમે પહેલીવાર અરીઠાનો છોડ ઉગાડી રહ્યા છો તો શરૂઆતમાં નાના કુંડા અથવા કન્ટેનરમાં તેને તૈયાર કરી શકો છો. જોકે ધ્યાન રાખવું કે અરીઠો આગળ જતાં મોટું ઝાડ બને છે. તેથી છોડ મોટો થયા પછી તેને ખુલ્લી અને પૂરતી જગ્યા આપવી જરૂરી છે.
આ તસવીર શેર કરો
4/8
અરીઠાના છોડ માટે એવી માટી યોગ્ય રહે છે જેમાં પાણી ભરાઈને ન રહે. છોડ લગાવતી વખતે સામાન્ય ગાર્ડન માટીમાં ઓર્ગેનિક ખાતર અથવા કમ્પોસ્ટ ભેળવી શકાય છે. આ છોડની સારી વૃદ્ધિ માટે પૂરતી ધૂપ પણ જરૂરી છે.શરૂઆતના દિવસોમાં છોડની માટીમાં કેટલી ભેજ છે તેનું ધ્યાન રાખવું જરૂરી છે. છોડ થોડો મોટો થયા બાદ તેની સંભાળ પ્રમાણમાં સરળ બની શકે છે. જોકે તેની સારી વૃદ્ધિ માટે તેને યોગ્ય ધૂપ, પાણી અને જગ્યા મળવી જરૂરી છે.
આ તસવીર શેર કરો
ADVERTISEMENT
5/8
અરીઠાના નાના છોડને જરૂરિયાત પ્રમાણે પાણી આપો પરંતુ કુંડામાં પાણી ભરાઈ રહેવા ન દો. સતત ભીની માટી રહેવાથી છોડના મૂળને નુકસાન થઈ શકે છે. ખાસ કરીને વરસાદની ઋતુમાં કુંડામાંથી વધારાનું પાણી સરળતાથી બહાર નીકળી જાય તેની વ્યવસ્થા રાખવી જરૂરી છે.એટલે અરીઠાનો છોડ કુંડામાં લગાવતા સમયે ડ્રેનેજ હોલવાળો કુંડો પસંદ કરવો સારું રહેશે. માટીની ભેજ અને હવામાન પ્રમાણે પાણી આપવાની માત્રા નક્કી કરવી જોઈએ.
આ તસવીર શેર કરો
6/8
અરીઠાના ઝાડ પર ફળ આવ્યા બાદ જ્યારે તે પાકીને સૂકાવા લાગે ત્યારે તેને એકઠા કરી શકાય છે. ત્યારબાદ તેના છોતરાને પાણીમાં પલાળીને અથવા ઉકાળીને નેચરલ ક્લીનિંગ લિક્વિડ તૈયાર કરી શકાય છે.અરીઠાના છોતરામાં રહેલું સૅપોનિન પાણીમાં ફીણ બનાવે છે. આ જ કારણસર અરીઠાનો ઉપયોગ લાંબા સમયથી નેચરલ શેમ્પૂ અને ક્લીનર તરીકે થતો આવ્યો છે. તેના ફળમાંથી મળતું સૅપોનિન ગંદકી અને તેલ દૂર કરવામાં મદદ કરી શકે છે.
આ તસવીર શેર કરો
ADVERTISEMENT
7/8
અરીઠાનો લાંબા સમયથી વાળની સફાઈ માટે ઉપયોગ કરવામાં આવે છે. તેના છોતરાને પાણીમાં પલાળીને અથવા ઉકાળીને પછી તેને ગાળી લેવામાં આવે છે. આ રીતે તૈયાર કરેલા પાણીનો ઉપયોગ વાળ સાફ કરવા માટે કરી શકાય છે.આજે પણ ઘણા હર્બલ હેર-ક્લીનિંગ પ્રોડક્ટ્સમાં અરીઠાનો ઉપયોગ કરવામાં આવે છે. જોકે પહેલીવાર અરીઠાથી તૈયાર કરેલા લિક્વિડનો ઉપયોગ કરતા પહેલાં થોડી માત્રામાં ટેસ્ટ કરવો વધુ સારું છે. તેનો ઉપયોગ કરતી વખતે આંખોમાં ન જાય તેનું ખાસ ધ્યાન રાખવું જોઈએ.
આ તસવીર શેર કરો
8/8
અરીઠાનો ઉપયોગ માત્ર વાળ ધોવા પૂરતો મર્યાદિત નથી. તેમાં રહેલા નેચરલ સૅપોનિનને કારણે તેના છોતરાનો ઉપયોગ કપડાં અને કેટલીક ઘરગથ્થુ વસ્તુઓની સફાઈમાં પણ કરી શકાય છે.આ કારણે અરીઠાને છોડમાંથી મળતા નેચરલ ક્લીનર તરીકે પણ ઓળખી શકાય છે. એટલે ઘરમાં અરીઠાનો છોડ ઉગાડવાનો અર્થ માત્ર એક છોડ ઉગાડવો નથી. તેના ફળ ભવિષ્યમાં વાળ, કપડાં અને કેટલીક ઘરગથ્થુ વસ્તુઓની સફાઈમાં ઉપયોગી થઈ શકે છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
ટોપ સ્ટોરીઝ
