ન્યૂઝ અપડેટ્સ
ન્યૂઝ અપડેટ્સ
VTV / ધર્મ / 3 જૂન 2027એ શનિ મેષ રાશિમાં પ્રવેશશે, 3 રાશિઓ માટે માનસિક, શારીરિક અને આર્થિક તણાવ વધવાના યોગ!
6 ફોટો ગેલેરી
Last Updated: 09:21 AM, 11 September 2026
FOLLOW ON
શેર કરો
1/6
જ્યોતિષ શાસ્ત્રમાં શનિદેવને કર્મ, ન્યાય અને અનુશાસનના કારક ગ્રહ માનવામાં આવે છે. દ્રિક પંચાંગ અનુસાર 3 જૂન 2027ના રોજ શનિદેવ પોતાની મિત્ર અને સ્વરાશિની યાત્રા પૂર્ણ કરીને મેષ રાશિમાં પ્રવેશ કરશે. જ્યોતિષીય માન્યતા મુજબ મેષ શનિની નીચ અને શત્રુ રાશિ છે. તેથી આ ગોચર દરમિયાન કેટલીક રાશિઓના જીવનમાં માનસિક તણાવ, શારીરિક મુશ્કેલીઓ અને આર્થિક દબાણ વધી શકે છે. ખાસ કરીને 3 રાશિના જાતકોએ આ સમય દરમિયાન વધુ સાવચેતી રાખવાની જરૂર પડી શકે છે.
આ તસવીર શેર કરો
2/6
શનિદેવ મેષ રાશિમાં જ પ્રવેશ કરવાના હોવાથી આ રાશિના જાતકો પર તેની સીધી અસર જોવા મળી શકે છે. આ સાથે મેષ રાશિ પર શનિની સાડાસાતીનો પ્રભાવ પણ રહેશે. તેના કારણે ચીડિયાપણું, માનસિક તણાવ અને કોઈ બાબતને લઈને મૂંઝવણ વધી શકે છે. બનતા કામમાં અંતિમ સમયે અડચણ આવી શકે છે. સ્વાસ્થ્યને લઈને બેદરકારી ન રાખવી અને કાર્યક્ષેત્રમાં અધિકારીઓ સાથે વિવાદથી બચવું. આ સમય દરમિયાન ઉતાવળમાં કોઈ મોટું આર્થિક જોખમ લેવાનું ટાળવું.
આ તસવીર શેર કરો
ADVERTISEMENT
3/6
વૃષભ રાશિના જાતકો માટે શનિનો ગોચર બારમા ભાવમાં થશે. આ સાથે વૃષભ રાશિ પર શનિની સાડાસાતીનો પ્રથમ તબક્કો શરૂ થશે. આ સમય દરમિયાન અચાનક અને અનિચ્છનીય ખર્ચ વધી શકે છે, જેના કારણે બજેટ ખોરવાઈ શકે છે. ભવિષ્યને લઈને મનમાં ચિંતા પણ રહી શકે છે. પૈસાની લેવડદેવડમાં ખાસ સાવધાની રાખવી અને કોઈને મોટી રકમ ઉધાર આપવાનું ટાળવું. કોર્ટ-કચેરી અથવા કોઈપણ પ્રકારના વિવાદથી દૂર રહેવું ફાયદાકારક રહેશે.
આ તસવીર શેર કરો
4/6
કન્યા રાશિના જાતકો માટે શનિનો ગોચર આઠમા ભાવમાં થવાનો છે. જ્યોતિષમાં આઠમા ભાવને અચાનક આવતી મુશ્કેલીઓ અને મોટા ફેરફારો સાથે જોડવામાં આવે છે. નોકરી અને બિઝનેસમાં અચાનક અડચણો આવી શકે છે. સહકર્મીઓ અથવા બિઝનેસ પાર્ટનર સાથે ગેરસમજ વધવાની શક્યતા રહે છે. વાહન ચલાવતી વખતે ખાસ સાવચેતી રાખવી અને ઈજા કે અકસ્માતથી બચવા ધ્યાન આપવું. આ સમય દરમિયાન પોતાની મહત્વની યોજનાઓ દરેક સાથે શેર ન કરવી અને વિચાર્યા વગર રોકાણ કરવાનું ટાળવું.
આ તસવીર શેર કરો
ADVERTISEMENT
5/6
જ્યોતિષીય માન્યતા મુજબ શનિના અશુભ પ્રભાવને ઓછો કરવા માટે કેટલાક ઉપાય કરવામાં આવે છે. શનિવારે પીપળાના ઝાડ નીચે સરસવના તેલનો દીવો પ્રગટાવી શકાય છે. દરરોજ હનુમાન ચાલીસા અથવા સુંદરકાંડનો પાઠ કરવાની પણ માન્યતા છે. આ ઉપરાંત ‘ૐ શં શનૈશ્ચરાય નમઃ’ મંત્રનો 108 વાર જાપ કરી શકાય છે. શનિવારે કાળા તલ, અડદની દાળ, લોખંડના વાસણ અથવા જૂતાં-ચપ્પલ જરૂરિયાતમંદ વ્યક્તિને દાન કરવાની પણ પરંપરા છે.
આ તસવીર શેર કરો
6/6
ધર્મને લગતો આ આર્ટિકલ માત્ર અલગ-અલગ મળતી માહિતીને આધારિત છે. નહીં કે તમે તેને સત્ય જ માની લો. કારણ કે ધર્મ દરેકની આસ્થાનો વિષય છે. અહીં આપવામાં આવેલી જાણકારીને અનુસરતા પહેલા ધર્મ કે શાસ્ત્ર આધારિત જ્ઞાન ધરાવનારા વિદ્ધાનોની સલાહ લેવી અતિ આવશ્યક રહેશે. નહીં તો કોઇ મુશ્કેલી સર્જાય તો જવાબદારી vtvgujarati.com નહીં રહે. કારણ કે આ આર્ટિકલ ફક્ત ન્યૂઝના હેતુસર પબ્લિશ કરવામાં આવ્યો છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
ટોપ સ્ટોરીઝ
