ન્યૂઝ અપડેટ્સ

logo

VTV / ગુજરાત / અન્ય જિલ્લા / ગીર સફારી ઝોનનો વિસ્તાર વધશેઃ ચાર નવા પ્રવાસ માર્ગ શરૂ કરવાની યોજના

યોજના / ગીર સફારી ઝોનનો વિસ્તાર વધશેઃ ચાર નવા પ્રવાસ માર્ગ શરૂ કરવાની યોજના

Published By: Hiralal Parmar

Last Updated: 12:32 PM, 21 November 2026

logo

FOLLOW ON

logo

શેર કરો

logo logo logo
article-logo

ગીર સફારી ઝોનનો વિસ્તાર વધવાનો છે કારણ કે ચાર નવા પ્રવાસ માર્ગ શરૂ કરવાની સરકારની યોજના છે. ગુજરાત વન વિભાગે ગીર અભયારણ્યનો પ્રવાસીઓ માટે ખુલ્લો વિસ્તાર આઠ ટકાથી વધારી 12 ટકા કરવાનો નિર્ણય લીધો છે.

ADVERTISEMENT

ગીરની સફારીનો અનુભવ માણવા માગતા પ્રવાસીઓની સંખ્યા વધી રહી છે, પરંતુ હાલ સફારીની તકો મર્યાદિત છે. હવે ગુજરાત વન વિભાગે ગીર અભયારણ્યનો પ્રવાસીઓ માટે ખુલ્લો વિસ્તાર આઠ ટકાથી વધારી 12 ટકા કરવાનો નિર્ણય લીધો છે. આ પગલાંથી સફારીની ક્ષમતા વધશે અને હાલના 13 માર્ગોમાં ચાર નવા માર્ગ ઊમેરાશે.

ગાંધીનગરના વન વિભાગના એક વરિષ્ઠ અધિકારીએ જણાવ્યું છે કે હાલમાં 1412 ચોરસ કિ.મી.ના અભયારણ્ય વિસ્તારમાંથી આઠ ટકા વિસ્તાર પ્રવાસીઓ માટે સફારી માટે ખુલ્લો છે. તેમાં ગીર રાષ્ટ્રીય ઉદ્યાનનો 258 ચોરસ કિ.મી. વિસ્તાર પણ સામેલ છે. પ્રવાસન વિસ્તાર ૧૨ ટકા સુધી વધારવાનો નિર્ણય પ્રવાસીઓની વધતી માગને પહોંચી વળવા માટે લેવામાં આવ્યો છે.

પ્રવાસીઓની વધતી માગને પહોંચી વળવાનો પ્રયાસ

વન વિભાગના અધિકારીઓના જણાવ્યા મુજબ આ વિસ્તાર વધારવાની દરખાસ્તનો હેતુ પ્રવાસીઓની વધતી માગને પહોંચી વળવાની સાથે સંરક્ષિત જંગલ વિસ્તારમાં માનવ અવરજવરનું નિયમન કરવાનો છે. માર્ગદર્શિકા મુજબ અભયારણ્યના 20 ટકા વિસ્તાર સુધી પ્રવાસન પ્રવૃત્તિઓને મંજૂરી આપી શકાય છે, જોકે હાલ વિભાગ પ્રવાસન વિસ્તારને વધારીને ૧૨ ટકા સુધી જ લઈ જવાની યોજના ધરાવે છે. આ દરખાસ્ત રાજ્ય વન્યજીવ બોર્ડ સમક્ષ રજૂ કરવામાં આવશે. મુખ્ય વન્યજીવ વોર્ડનને પણ સફારી માર્ગોની સંખ્યા વધારવાની સત્તા છે.

હાલ દરેક સફારી માર્ગ પર બે વાહનો સામસામેની દિશામાં, એટલે કે ઘડિયાળના કાંટાની દિશામાં અને વિરુદ્ધ દિશામાં ચાલે છે. નવા માર્ગો ઉમેરવાથી સફારીમાં પ્રવેશતાં વાહનોની સંખ્યામાં પણ વધારો થશે. સફારી વાહનોમાં પ્રવાસીઓની બેઠક ક્ષમતા છથી વધારી આઠ કરવામાં આવી છે.

તહેવારોમાં પરવાનગી મેળવવા માટે પ્રવાસીઓની ભારે ભીડ

ખાસ કરીને તહેવારો અને રજાઓ દરમિયાન પ્રવાસીઓની સંખ્યા વધી જતાં અનેક લોકોને સફારીની પરવાનગી મળી શકતી નથી. પરવાનગી ન મળવાને કારણે અમરેલી અને ભાવનગર જેવા વિસ્તારોમાં ગેરકાયદે સિંહદર્શનના કાર્યક્રમો પણ યોજાતા હોવાનું અધિકારીઓએ જણાવ્યું છે. હાલના 13 સફારી માર્ગોમાં ચાર નવા માર્ગ ઉમેરવાની યોજના છે, જેનાથી કુલ માર્ગોની સંખ્યા 17 થશે. આ વિસ્તરણથી નજીકના ભવિષ્યમાં સફારીની મોસમ દરમિયાન પરવાનગી ઉપલબ્ધ ન હોવાને કારણે દરરોજ સરેરાશ 150 પ્રવાસીઓને સફારીનો લાભ મળતો નથી. આથી પરવાનગી વ્યવસ્થા પર વધતું દબાણ સ્પષ્ટ જોવા મળી રહ્યું છે. વન વિભાગના મુખ્ય અગ્ર વન સંરક્ષક જયપાલસિંહે જણાવ્યું છે કે અમે વધુ સફારી માર્ગો ઉમેરવા જઈ રહ્યા છીએ. માર્ગદર્શિકા મુજબ અભયારણ્યના કુલ વિસ્તારના આશરે 20 ટકા ભાગનો પ્રવાસન પ્રવૃત્તિઓ માટે ઉપયોગ થઈ શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ

સંકળાયેલા મુદ્દાઓ

Gujarat Gujarat News

Published by

Hiralal Parmar

Hiralal Parmar is a Senior Editor at VTV Gujarati, with 20 years of extensive experience in journalism.

background
logo

VTV Gujarati

WhatsApp Channel Invite

ફોલો કરો:

follow-on-tele follow-on-fb follow-on-twitter follow-on-youtube follow-on-insta follow-on-tele

સબસ્ક્રાઇબ કરો

સૌથી વધુ વંચાયેલું

ADVERTISEMENT

ADVERTISEMENT

log

હોમ પેજ

log

સમાચાર શોર્ટસ

લાઈવ ટીવી

log

શોર્ટસ વિડિઓ

log

મેનુ