BIG NEWS / અમદાવાદમા ફટાકડાની ફેક્ટરીમાં લાગી ભીષણ આગ, અનેક લોકો દાઝ્યા, 5થી વધુ ફાયરબ્રિગેડની ગાડી ઘટનાસ્થળે

અમદાવાદ શહેરના રામોલ-ગતરાડ રોડ પર આવેલી ફટાકડાની ફેક્ટરીમાં શનિવારે ભીષણ આગ લાગવાની ઘટના સામે આવી છે. આગ એટલી વિકરાળ હતી કે ઘટનાસ્થળે અફરાતફરીનો માહોલ સર્જાયો હતો. પ્રાથમિક માહિતી મુજબ, આ દુર્ઘટનામાં 2 લોકોનાં મોત થયા છે, જ્યારે 10થી વધુ લોકો ઘાયલ થયા હોવાની માહિતી મળી રહી છે.

ફાયર બ્રિગેડની પાંચથી વધુ ગાડીઓ તાત્કાલિક ઘટનાસ્થળે

આગની જાણ થતાં જ ફાયર બ્રિગેડની પાંચથી વધુ ગાડીઓ તાત્કાલિક ઘટનાસ્થળે પહોંચી હતી અને આગ પર કાબૂ મેળવવા માટે બચાવ કામગીરી શરૂ કરી હતી. સાથે જ અનેક એમ્બ્યુલન્સ પણ ઘટનાસ્થળે પહોંચીને ઘાયલોને નજીકની હોસ્પિટલમાં સારવાર માટે ખસેડવામાં આવ્યા હતા.

View this post on Instagram

A post shared by Sambhaav Nascent LLP (@vtv_gujarati_news)

મૃતકોની સંખ્યામાં વધારો થવાની શક્યતા

અધિકારીઓના જણાવ્યા અનુસાર, ફેક્ટરીમાં આગ લાગવાનું ચોક્કસ કારણ હજુ સુધી જાણી શકાયું નથી. ઘટનાસ્થળે બચાવ અને શોધખોળની કામગીરી ચાલુ હોવાથી મૃતકોની સંખ્યામાં વધારો થવાની શક્યતા વ્યક્ત કરવામાં આવી રહી છે.

આ પણ વાંચોઃ ''...તો હું તમારો ભાઇ નથી'', નોટિસ બાદ રકમ ભરપાઈ ના કરતા ભાવનગરના સ્ટેન્ડિંગ કમિટી ચેરમેન એક્શનમાં

પોલીસ અને સ્થાનિક પ્રશાસન દ્વારા સમગ્ર વિસ્તારને સુરક્ષિત બનાવવામાં આવ્યો છે અને આગ લાગવાના કારણોની તપાસ શરૂ કરવામાં આવી છે. ફેક્ટરીમાં સલામતીના નિયમોનું પાલન કરવામાં આવ્યું હતું કે નહીં તે મુદ્દે પણ તપાસ હાથ ધરવામાં આવશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ