જૂનાગઢ / ધારા કડીવાર હ*ત્યા કેસમાં સૂરજ ભૂવાજી સહિત 5 આરોપીને આજીવન કેદની સજા

જૂનાગઢના ચકચારી ધારા કડીવાર હત્યા કેસમાં સુરજ ભુવાજી સહિત પાંચ લોકોને જેલની સજા ફટકારવામાં આવી છે. જૂનાગઢ સેસન્સ કોર્ટે આજીવન કારાવાસની સજા ફટકારી છે. સમગ્ર મામલો જોઇએ તો સૂરજ સોલંકી જૂનાગઢમાં રહેતો અને લોકોને દોરા-ધાગા અને કેટલીક વિધિ કરતો હતો. તે સોશિયલ મીડિયાના માધ્યમથી ધારા નામની 22 વર્ષની એક યુવતીના સંપર્કમાં આવ્યો હતો.

View this post on Instagram

A post shared by Sambhaav Nascent LLP (@vtv_gujarati_news)

સુરજ ભુવાજી સાથે ધારા લિવઈનમાં રહેતી હતી. સૂરજ ભૂવાજી પોતે પરણિત હતો અને ધારા સાથે વારંવાર ઝઘડા થતા હતા. સૂરજ ભૂવાજીએ અન્ય લોકોની મદદ લઈ ધારાને ગળેટૂંપો આપી હત્યા કરી હતી. હત્યા બાદ અમદાવાદ નજીક એક વાડીમાં પુરાવાનો નાશ કરવા લાશ સળગાવી હતી.

નોધનીય છે કે, ધારા, સુરજ ભુવાજી (સુરજ સોલંકી) અને મીત શાહ રાત્રે ચોટીલા ખાતે ભોજન કર્યું હતું. જે બાદ ધારાને ફોસલાવી સુરજ અને મીત ચોટીલાની બાજુમાં આવેલા સુરજ સોલંકીના મૂળ ગામ વાટાવચ્છ ખાતે લઈ ગયા હતા. વાટાવચ્છ ગામની સીમમાં સુરજના ભાઈ યુવરાજ અને તેનો મિત્ર ગુંજન જોશીએ આવીને ધારા સાથે બોલાચાલી કરી હતી.

આ પણ વાંચોઃ ગુજરાત / 6 અઠવાડિયામાં પુર્ણ કરાશે અમદાવાદ પ્લેન ક્રેશ દુર્ઘટનાની તપાસ

આ દરમિયાન કારની પાછળની શીટમાં બેઠેલા મીત શાહે દુપટાથી ધારાને ગળાટૂપો દઈને હત્યા કરી હતી. આ સમયે અન્ય આરોપીએ પણ હત્યા કરવામાં મદદ કરી હતી અને ધારાના મૃતદેહને નજીકની અવાવરુ જગ્યાએ લઈ જઈ આ આરોપીએ સૂકા લાકડા, ઘાસ એકઠુ કરીને તેના પર ધારાનો મૃતદેહ મૂકી તેના પર પેટ્રોલ છાંટીને ધારાનો મૃતદેહ સળગાવી દીધો હતો. જે બાદ આ ધારા ફરાર થઈ હોવાનુ નાટક કર્યુ હતું.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ