બ્રેકિંગ ન્યુઝ
બ્રેકિંગ ન્યુઝ
VTV / ગુજરાત / અમદાવાદના સમાચાર / અન્ય જિલ્લા / રથયાત્રાના દિવસે અમદાવાદમાં વરસાદ વાવાઝોડા સાથે તૂટી પડશે, એકસાથે 4 સિસ્ટમ એક્ટિવ
6 ફોટો ગેલેરી
Last Updated: 08:33 PM, 15 July 2026
FOLLOW ON
શેર કરો
1/6
ગુજરાતમાં ચોમાસું હવે વધુ સક્રિય બનતું જોવા મળી રહ્યું છે. હવામાન વિભાગના તાજેતરના અનુમાન મુજબ આગામી એક સપ્તાહ સુધી રાજ્યના મોટાભાગના વિસ્તારોમાં સામાન્યથી મધ્યમ વરસાદી માહોલ યથાવત રહી શકે છે. આ સમયગાળા દરમિયાન અનેક વિસ્તારોમાં ગાજવીજ, વીજળીના કડાકા અને તેજ પવન સાથે વરસાદની સંભાવના વ્યક્ત કરવામાં આવી છે.
આ તસવીર શેર કરો
2/6
હવામાન વિભાગના જણાવ્યા મુજબ હાલ દેશના વાતાવરણમાં એકસાથે ચાર મહત્વની વેધર સિસ્ટમ સક્રિય છે. લો પ્રેશર સિસ્ટમ, અપર એર સાયક્લોનિક સર્ક્યુલેશન, વેસ્ટર્ન ડિસ્ટર્બન્સ અને મોન્સૂન ટ્રફના સંયુક્ત પ્રભાવને કારણે અરબી સમુદ્રમાંથી ભેજયુક્ત પવનો ગુજરાત તરફ આવી રહ્યા છે. જેના કારણે આગામી દિવસોમાં રાજ્યના વિવિધ ભાગોમાં વરસાદી માહોલ વધુ મજબૂત બની શકે છે.
આ તસવીર શેર કરો
3/6
અમદાવાદ શહેરમાં હાલ વાદળછાયું વાતાવરણ જોવા મળી રહ્યું છે અને કેટલાક વિસ્તારોમાં હળવા ઝાપટાં પણ પડી શકે છે. જોકે, 16 જુલાઈના રોજ હવામાનમાં વધુ ફેરફાર થવાની સંભાવના છે. હવામાન વિભાગે ગાજવીજ અને તેજ પવન સાથે સામાન્યથી મધ્યમ વરસાદની આગાહી કરી છે. રથયાત્રાના દિવસે આ હવામાનની અસર જોવા મળી શકે છે, તેથી યાત્રામાં જોડાનાર લોકો અને આયોજકોએ સાવચેતી રાખવાની જરૂર રહેશે.
આ તસવીર શેર કરો
4/6
રાજકોટ શહેરમાં સવારથી જ વાદળછાયા વાતાવરણ વચ્ચે ધીમો વરસાદ શરૂ થયો હતો. શહેરના અનેક વિસ્તારોમાં વરસાદને કારણે રસ્તાઓ પર પાણી ભરાઈ ગયાં હતાં. ચાલુ ચોમાસામાં રાજકોટમાં અત્યાર સુધીમાં આશરે પાંચ ઇંચ જેટલો વરસાદ નોંધાયો છે. શહેર ઉપરાંત આસપાસના ગ્રામ્ય વિસ્તારોમાં પણ સારો વરસાદ થતાં ખેડૂતોમાં ખુશીનો માહોલ જોવા મળી રહ્યો છે.
આ તસવીર શેર કરો
5/6
ખેડા જિલ્લાના અનેક વિસ્તારોમાં ભારે વરસાદ નોંધાયો છે. ખાસ કરીને માતર તાલુકાના સાયલા, લીંબાસી, ભલાડા, ત્રાજ અને અલીન્દ્રા જેવા ગામોમાં ધોધમાર વરસાદ વરસ્યો હતો. અમદાવાદ-નડિયાદ નેશનલ હાઈવે પર પણ ભારે વરસાદ અને તેજ પવનને કારણે વાહનોની વિઝિબિલિટી ઘટી ગઈ હતી. પરિણામે વાહનચાલકોને સાવચેતીપૂર્વક વાહન ચલાવવાની ફરજ પડી હતી.
આ તસવીર શેર કરો
6/6
હવામાન વિભાગે આગામી દિવસોમાં વરસાદ અને ગાજવીજની શક્યતા ધ્યાનમાં રાખીને લોકોને સાવચેત રહેવાની સલાહ આપી છે. ખાસ કરીને ભારે વરસાદ દરમિયાન બિનજરૂરી મુસાફરી ટાળવા અને સત્તાવાર હવામાન અપડેટ પર નજર રાખવા અપીલ કરવામાં આવી છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
જોવા જેવું
ટોપ સ્ટોરીઝ
