ક્રિકેટ / ગુજરાતીના જોરે જીત્યું ભારત, અક્ષર પટેલની ઓલરાઉન્ડ કમાલે ઈંગ્લેન્ડને ઘૂંટણિયે લાવ્યું

T20 શ્રેણીમાં નિરાશા બાદ ભારતીય ટીમે વનડે શ્રેણીની શાનદાર શરૂઆત કરી છે. ઈંગ્લેન્ડ સામેની પ્રથમ વનડેમાં ભારતે 6 વિકેટે જીત મેળવી અને આ જીતનો સૌથી મોટો હીરો બન્યો ગુજરાતનો લાડકો અક્ષર પટેલ. બોલિંગ અને બેટિંગ બંનેમાં અક્ષરે એવી કમાલ કરી કે મેચ આખી ભારત તરફ વળી ગઈ.

ઈંગ્લેન્ડની ટીમ એક સમયે સારી સ્થિતિમાં હતી, પરંતુ અક્ષર પટેલે 4 વિકેટ ઝડપી યજમાન ટીમની કમર તોડી નાખી. તેની ઘાતક બોલિંગના કારણે ઈંગ્લેન્ડ 50 ઓવરમાં 258 રન સુધી જ સીમિત રહ્યું.

ત્યારબાદ 259 રનના લક્ષ્યનો પીછો કરતી વખતે ભારત મુશ્કેલીમાં હતું. ત્યારે ફરી એકવાર ગુજરાતના અક્ષર પટેલે જવાબદારી સંભાળી. તેણે 52 બોલમાં અણનમ 57 રનની ઇનિંગ રમી અને વોશિંગ્ટન સુંદર સાથે સદીની ભાગીદારી કરીને ભારતને સરળ જીત અપાવી.

શુભમન ગિલે 80 રનની મહત્વપૂર્ણ ઇનિંગ રમી ટીમને સારી શરૂઆત અપાવી, પરંતુ મેચનો અસલી ટર્નિંગ પોઇન્ટ અક્ષર પટેલની ઓલરાઉન્ડ રમત રહી. તેણે પહેલા બોલથી ઈંગ્લેન્ડને ઝટકા આપ્યા અને પછી બેટથી મેચ ફિનિશ કરી.

આ પણ વાંચો- ગુજરાતમાં 16 જુલાઈથી ફરી બદલાશે હવામાન, અનેક જિલ્લાઓમાં હળવાથી મધ્યમ વરસાદની આગાહી

આ શાનદાર પ્રદર્શન બદલ અક્ષર પટેલને 'પ્લેયર ઓફ ધ મેચ' જાહેર કરવામાં આવ્યો. ગુજરાતના આ સ્ટારે ફરી એકવાર સાબિત કરી દીધું કે જ્યારે ટીમને જરૂર પડે ત્યારે તે બોલ અને બેટ બંનેથી મેચ જીતાડવાની ક્ષમતા ધરાવે છે.

ભારતે 45.2 ઓવરમાં 4 વિકેટ ગુમાવી લક્ષ્ય હાંસલ કર્યું અને ત્રણ મેચની વનડે શ્રેણીમાં 1-0ની સરસાઈ મેળવી લીધી.'

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ