Good News / DAને લઇ સરકારી કર્મચારીઓ માટે આવી ખુશખબરી, પગારમાં થશે ધરખમ વધારો!

કેન્દ્ર સરકારના કર્મચારીઓ અને પેન્શનધારકો વચ્ચે આજકાલ બે મહત્વના મુદ્દાઓ પર ભારે ચર્ચા ચાલી રહી છે. જેમાં પહેલો મુદ્દો આઠમા પગાર પંચની ભલામણોનો છે, જ્યારે બીજો મોટો મુદ્દો જુલાઈથી ડિસેમ્બરના ગાળા માટેના મોંઘવારી ભથ્થાનો છે. જો કે આઠમા પગાર પંચની ભલામણો આગામી વર્ષના પ્રથમ અર્ધવાર્ષિક ગાળામાં સરકારને સોંપવામાં આવે તેવી શક્યતા છે, પરંતુ જુલાઈથી ડિસેમ્બરના મોંઘવારી ભથ્થાની જાહેરાત ટૂંક સમયમાં જ થવાની આશા છે. અગાઉના ટ્રેન્ડને જોતા એવું અનુમાન લગાવવામાં આવી રહ્યું છે કે આ વખતે સરકાર કેન્દ્રીય કર્મચારીઓને 4 to 5 મહિનાનું એરિયર્સ એકસાથે આપી શકે છે.

શા માટે મળી શકે છે 5 મહિનાનું એરિયર્સ?

સામાન્ય રીતે, કેન્દ્ર સરકાર દર વર્ષે જાન્યુઆરી અને જુલાઈ મહિનામાં અર્ધવાર્ષિક ધોરણે મોંઘવારી ભથ્થા (DA) અને પેન્શનરો માટે મોંઘવારી રાહત (DR) માં સુધારો કરે છે. જોકે, તેની સત્તાવાર જાહેરાત હંમેશા થોડા મહિના પછી કરવામાં આવે છે. સામાન્ય રીતે જાન્યુઆરીના મોંઘવારી ભથ્થાની જાહેરાત માર્ચ મહિનામાં હોળીની આસપાસ કરવામાં આવતી હોય છે, પરંતુ આ વર્ષે કર્મચારીઓએ લાંબી રાહ જોવી પડી હતી.

આ વર્ષે કેન્દ્રીય કર્મચારીઓના મોંઘવારી ભથ્થાની જાહેરાત એપ્રિલ મહિનાના મધ્ય બાદ કરવામાં આવી હતી. આ વિલંબને ધ્યાનમાં રાખીને એવું અનુમાન છે કે જુલાઈથી લાગુ થનારા મોંઘવારી ભથ્થાની જાહેરાત સરકાર ઓક્ટોબરના અંતમાં અથવા નવેમ્બર મહિનામાં કરી શકે છે. જો આવું થાય, તો કર્મચારીઓને જુલાઈ, ઓગસ્ટ, સપ્ટેમ્બર, ઓક્ટોબર અને નવેમ્બર એટલે કે આશરે 5 મહિનાનું મોંઘવારી ભથ્થાનું એરિયર્સ એકસાથે મળશે. જો કે, હજી સુધી આ અંગે કોઈ સત્તાવાર સંકેત આપવામાં આવ્યા નથી.

DA માં કેટલો વધારો થઈ શકે છે?

મોંઘવારી ભથ્થાની ગણતરી ઓલ ઈન્ડિયા કન્ઝ્યુમર પ્રાઈસ ઈન્ડેક્સ (AICPI-IW) ના આધારે કરવામાં આવે છે. જૂન મહિનાના સત્તાવાર આંકડાની હજુ રાહ જોવાઈ રહી છે, પરંતુ March 2026 માં આ ઈન્ડેક્સ 149.1, એપ્રિલ 2026 માં 149.9 અને મે 2026 માં વધીને 150.8 પર પહોંચ્યો હતો. નોંધનીય છે કે આ ઈન્ડેક્સ દર મહિને અપડેટ થાય છે અને તે ઔદ્યોગિક કામદારો દ્વારા ઉપયોગમાં લેવાતી વસ્તુઓ અને સેવાઓના આધારે રિટેલ મોંઘવારીને માપે છે. જો આ ઈન્ડેક્સ મે મહિનાની ગતિએ જ આગળ વધશે, તો જૂન મહિના માટે AICPI-IW અંદાજે 151.7 રહેવાની ધારણા છે. આ અનુમાનિત ટ્રેન્ડના આધારે કેન્દ્રીય કર્મચારીઓને આ વખતે મોંઘવારી ભથ્થામાં 3-4% નો વધારો મળવાની પુરેપુરી આશા છે. જો કે, અંતિમ નિર્ણય જૂન 2026 ના વાસ્તવિક ડેટા અને કેબિનેટની મંજૂરી પર નિર્ભર રહેશે.

આ પણ વાંચોઃ વરસાદને લઇ અમદાવાદીઓ માટે માઠા સમાચાર, હવામાન વિભાગની ચિંતાજનક આગાહી

આઠમું પગાર પંચ ક્યારથી થશે લાગુ?

કેન્દ્રીય કર્મચારીઓ આતુરતાપૂર્વક આઠમા પગાર પંચની ભલામણોની પણ રાહ જોઈ રહ્યા છે. એવા અહેવાલો છે કે પગાર પંચ વર્ષ 2027 ના પ્રથમ અર્ધવાર્ષિક ગાળા સુધીમાં પોતાની અંતિમ ભલામણો સરકારને સોંપી દેશે. આ નવી ભલામણો જાન્યુઆરી 2026 થી લાગુ થવાની સંભાવના છે, જેનાથી કર્મચારીઓના મૂળ પગારમાં પણ જબરદસ્ત વધારો થશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ