યુએન / આતંકવાદના પિતામહ પાકિસ્તાનને ૩૭૦ વિષે બોલવાનો કોઈ અધિકાર નથી: UNમાં ભારતનું મોટું નિવેદન

UNના માનવ અધિકાર સંમેલનમાં ભારતનું નિવેદન આવવામાં ૪૫ મિનીટનું મોડું થયું હતું. ભારતીય કેન્દ્રીય મંત્રી જીતેન્દ્ર સિંઘએ જણાવ્યું હતું કે કાશ્મીર જડબેસલાક બંધ છે એ વાત તદ્દન ખોટી છે, ત્યાં ફક્ત કેટલાક પ્રતિબંધ લાદવામાં આવ્યા છે. આ પ્રતિબંધો પ્રજાની સુરક્ષા માટે જ રાખવામાં આવ્યા છે. આવા ખોટા આરોપો પાકિસ્તાન જેવા આતંકવાદનાં એપીસેન્ટર જેવા દેશ તરફથી આવી રહ્યા છે.

૩૭૦નો નિર્ણય એ અંગત બાબત: UNના માનવ અધિકાર સંમેલન જીનીવામાં સેક્રેટરી વિજય ઠાકુર સિંઘે જણાવ્યું કે ૩૭૦નો નિર્ણય અમારી સરકાર દ્વારા લેવાયો છે. આ નિર્ણય સંપૂર્ણપણે દેશની આંતરિક બાબત છે. આ નિર્ણય લાંબા ગાળે કાશ્મીરની પ્રજાનાં સામાજિક અને આર્થીક વિકાસ તથા ન્યાય માટે લેવાયો છે. આ નિર્ણયથી સરકારી યોજનાઓ જમ્મુ, કાશ્મીર અને લડાખના નાગરિકો સુધી પહોચી શકાશે જે આટલા વખતથી આ યોજનાઓ થી વંચિત રહેતા હતા. આનાથી જાતીય અસમાનતા, તરુણોના અધિકારો, શિક્ષણ, આરોગ્ય અને રોજગારની સ્થિતિમાં સુધાર આવશે. 

પાકિસ્તાનની આતંકવાદને પોષવાની નીતિથી અનેક દેશો ત્રસ્ત:

ભારતે જણાવ્યું કે પાકિસ્તાનની આતંકવાદીઓને ભંડોળ પૂરું પાડવાની પ્રવુત્તિને પગલે ભારતે ખુબ નુકશાન વેઠયું છે. હવે આ પ્રવૃતિઓ સામે કડક પગલા લેવાય અને આતંકવાદી સંગઠનોની પ્રવૃતિઓ સામે મૌન ન સાધીને તેમની પર પ્રતિબંધ મુકાય તેની સખત જરૂરિયાત છે. પાકિસ્તાન ચોર કોટવાલને દંડેની જેમ વાર તહેવારે નવી દિલ્હીની વિરુદ્ધમાં ખોટા આક્ષેપો મુકીને શોરબકોર કરે છે. 
 Images Source - Twitter