મનોરંજન / VIDEO: 'ફક્ત સોનાલી બેન્દ્રે બચી ગઈ' સુનિતા આહુજાએ ખોલ્યા ગોવિંદાના સિક્રેટ

બોલિવૂડના સુપરસ્ટાર ગોવિંદા અને તેમની પત્ની સુનીતા આહુજા આ દિવસોમાં તેમના તલાકની અફવાઓને લઈને ચર્ચામાં છે. તાજેતરમાં, સુનીતાએ ટીવી રિયાલિટી શો ‘પતિ પત્ની ઔર પંગા’માં ભાગ લઈને ગોવિંદા અને અભિનેત્રી સોનાલી બેન્દ્રેના બોન્ડ વિશે રમૂજી ખુલાસો કર્યો, જેના કારણે તેઓ ફરી એકવાર હેડલાઈન્સમાં આવ્યા છે. આ શોમાં સુનીતાએ ગોવિંદાની ફિલ્મી કરિયરના રમુજી કિસ્સાઓ શેર કર્યા અને સોનાલી બેન્દ્રે સાથેના તેમના સંબંધો વિશે ખુલીને વાત કરી, જેનાથી દર્શકો અને સોનાલી ખુદ હસી પડ્યા.

View this post on Instagram

A post shared by Varinder Chawla (@varindertchawla)

સુનીતા આહુજાએ શોમાં ગેસ્ટ જજ તરીકે ભાગ લીધો હતો અને તેમના બેબાક અંદાજે દરેકનું ધ્યાન ખેંચ્યું. ઈટાઈમ્સને આપેલા એક ઈન્ટરવ્યૂમાં સુનીતાએ જણાવ્યું, “પતિ પત્ની ઔર પંગામાં ભાગ લઈને જૂની યાદો તાજી થઈ. ગોવિંદાના ગીતો પર ફરીથી નૃત્ય કરવાનો આનંદ માણ્યો. મારી મિત્ર અને શોની હોસ્ટ સોનાલી બેન્દ્રે સાથે સમય વિતાવવો ખૂબ ખાસ રહ્યો. અમે ઘણું હસ્યા અને ભૂતકાળની તે યાદોને યાદ કરી જે અમારા હૃદયની ખૂબ નજીક છે.”

View this post on Instagram

A post shared by ColorsTV (@colorstv)

સુનીતાએ શોમાં ગોવિંદા વિશે એક રમૂજી ખુલાસો કર્યો કે, “ગોવિંદાએ તેમની કરિયરમાં લગભગ દરેક અભિનેત્રી સાથે ફ્લર્ટ કર્યું હશે, પરંતુ સોનાલી બેન્દ્રે એકમાત્ર એવી અભિનેત્રી છે જેની સાથે તેમણે ક્યારેય ફ્લર્ટ કરવાનો પ્રયાસ નથી કર્યો!” આ વાત સાંભળીને સોનાલી પણ શરમાઈ અને હસી પડી. સુનીતાએ વધુમાં જણાવ્યું કે ગોવિંદાએ 1994માં આવેલી ફિલ્મ ‘આગ’માં સોનાલીને તેમનો પ્રથમ મોટો બ્રેક આપ્યો હતો. તેમણે એમ પણ કહ્યું કે ગોવિંદા અવારનવાર કહેતા કે જ્યારે સુનીતા યુવાન હતી ત્યારે તે તેમને સોનાલીની યાદ અપાવતી હતી.

આ શોમાં સુનીતાએ ગોવિંદા સાથેના તેમના તલાકની અફવાઓ પર પણ ખુલીને વાત કરી. જ્યારે અભિષેક કુમારે તેમને પૂછ્યું કે તેઓ આવી અફવાઓ ફેલાવનારાઓને શું કહેવા માંગે છે, ત્યારે સુનીતાએ જવાબ આપ્યો, “40 વર્ષ ઓછા હોય છે શું? લગ્નજીવનમાં દરેક વ્યક્તિ પાસેથી નાની-મોટી ભૂલો થતી હોય છે. આવા સમયે આપણે એકબીજાને માફ કરીને આગળ વધવું જોઈએ.

વધુમાં વાંચો: UPIથી 10 લાખ રૂપિયાનું ટ્રાન્ઝેક્શન કરી શકાશે, નવો નિયમ આ તારીખથી લાગુ

મારા અને ગોવિંદાના લગ્ન ક્યારેય તૂટી શકે નહીં.” આ નિવેદનથી સુનીતાએ તલાકની અફવાઓને સ્પષ્ટપણે નકારી કાઢી. શોમાં સુનીતાએ ગોવિંદાના ગીતો પર નૃત્ય કર્યું અને સોનાલી સાથે મસ્તીભર્યા પળો વિતાવ્યા. તેમના આ બેબાક અને રમૂજી અંદાજે દર્શકોનું દિલ જીતી લીધું. સુનીતાની આ વાતો સોશિયલ મીડિયા પર ઝડપથી વાયરલ થઈ રહી છે, અને ચાહકો તેમના આ આત્મવિશ્વાસ અને ખુલ્લા દિલની પ્રશંસા કરી રહ્યા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ