ટીવી / Bigg Boss 19: આગામી ‘વીકેન્ડ કા વાર’માં નહીં દેખાય સલમાન ખાન, તો શોને કોણ કરશે હોસ્ટ?

બિગ બોસ 19ના આ ‘વીકએન્ડ કા વાર’ની ફેન્સ આતુરતાથી રાહ જોઈ રહ્યા હતા કારણ કે આ વખતે એક કન્ટેસ્ટન્ટ બહાર થવાનો છે. જો કે આ વચ્ચે એક બીજો પણ મોટો ફેરફાર થવાનો છે. આ અઠવાડિયે સલમાન ખાન શો હોસ્ટ નહીં કરે. તેમની જગ્યાએ અન્ય બે એક્ટર્સ શોને હોસ્ટ કરશે. જાણો કોણ નવું જોડાશે?

શા માટે સલમાન ખાન નહીં દેખાય?

રિપોર્ટ્સ અનુસાર સલમાન પોતાની આગામી ફિલ્મ બેટલ ઓફ ગલવાનના શૂટ માટે લદ્દાખમાં વ્યસ્ત છે. એટલા માટે તેઓ ‘વીકએન્ડ કા વાર’નું શૂટ નથી કરી શકતા. બીજી તરફ, અક્ષય કુમાર અને અરશદ વારસી પોતાની ફિલ્મ જોલી એલએલબી 3ના પ્રમોશન માટે શોમાં આવશે. બંને 13 અને 14 સપ્ટેમ્બરના એપિસોડમાં દેખાશે.

અરશદનો હોસ્ટિંગનો અનુભવ

અરશદ બિગ બોસના પહેલા સીઝનમાં હોસ્ટ રહ્યા હતા. લગભગ 18 વર્ષ બાદ તેઓ ફરી શોને હોસ્ટ કરશે, એ પણ અક્ષય કુમાર સાથે. જાણકારી મુજબ, સૌરભ શુક્લા પણ પછીથી આ જોડી સાથે જોડાઈ શકે છે. હવે જોવાનું રહેશે કે અક્ષય અને અરશદ કયા કન્ટેસ્ટન્ટને એલિમિનેટ કરશે.

તાજેતરમાં જ જોલી એલએલબી 3નું ટ્રેલર રિલીઝ થયું છે જેને દર્શકો તરફથી ખુબ સારો પ્રતિસાદ મળ્યો છે. ફિલ્મ 19 સપ્ટેમ્બરે રિલીઝ થવાની છે. ફિલ્મમાં અક્ષય અને અરશદ એકબીજાના સામે છે, પણ શોમાં બંને સાથે મળી શું કરે છે એ જોવું રસપ્રદ રહેશે.

વધુ વાંચો : સલમાન ખાન Bigg Boss 19 હોસ્ટ નહીં કરે! હવે એક નહીં બે એક્ટરને મળી જવાબદારી

સલમાનનું લદ્દાખમાં શૂટ

સલમાનની વાત કરીએ તો બેટલ ઓફ ગલવાનના ડિરેક્ટર અપુર્વ લાખિયાએ શક્ય તેટલું વહેલું લદ્દાખના એક્શન સિક્વન્સનું શૂટિંગ પૂરું કરવાની ઇચ્છા વ્યક્ત કરી છે, કારણ કે આગળના સમયમાં ત્યાં ઠંડી વધી જશે. એટલા માટે હાર્ડ સીન પહેલા પૂરા કરવાની યોજના છે. ફિલ્મની રિલીઝની વાત કરીએ તો તે આવતા વર્ષે થવાની છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ