આફત / જુનાગઢના માળીયા હાટીનામાં 15 મિનિટમાં ભૂકંપના બે આંચકા, તાલાલા પંથકમાં પણ બે આંચકા અનુભવાયા

ગુજરાતમાં વધુ એક વાર ધરતી ધ્રુજી છે. જૂનાગઢ જિલ્લાના માળિયા હાટીનામાં 15 મિનિટના ટૂંકા ગાળામાં એક પછી એક બે વાર ભૂકંપના આંચકા અનુભવાયા હતા. અચાનક ધરતી ધ્રૂજી ઊઠતાં સ્થાનિક રહીશોમાં ગભરાટ ફેલાયો હતો અને લોકો સલામતી ખાતર તાત્કાલિક ઘરો તેમજ દુકાનોમાંથી ખુલ્લી જગ્યામાં દોડી આવ્યા હતા.

ગ્રામ્ય વિસ્તારોમાં પણ આ ભૂકંપના આંચકા

માળિયા હાટીના શહેર ઉપરાંત તાલુકાના અકાળા, જલધર સહિતના આસપાસના ગ્રામ્ય વિસ્તારોમાં પણ આ ભૂકંપના આંચકા સ્પષ્ટપણે અનુભવાયા હતા. આંચકા હળવા હોવા છતાં 15 મિનિટમાં બે વખત પૃથ્વી ધ્રૂજવાના કારણે ગ્રામજનોમાં ચિંતા અને ફફડાટ જોવા મળ્યો હતો.

વધુ વાંચો : માતા-પત્ની અને બે બાળકોનું ગળું કાપી નાખ્યું, પછી પોતે કર્યો આપઘાત, ખૌફનાક બનાવથી સનસની

સદનસીબે જાનહાના સમાચાર નહીં

સુરક્ષિત રહેવાના ભાગરૂપે અચાનક આવેલા આંચકાઓને કારણે ઘરો અને દુકાનોમાં રહેલા લોકો ડરીને તાત્કાલિક બહાર ખુલ્લા મેદાનો અને શેરીઓમાં દોડી આવ્યા હતા. સદનસીબે આ હળવા આંચકાના કારણે પ્રાથમિક માહિતી મુજબ કોઈપણ પ્રકારના જાનમાલના નુકસાનના અહેવાલ પ્રાપ્ત થયા નથી, પરંતુ લોકોમાં હજુ પણ થોડો ભયનો માહોલ જોવા મળી રહ્યો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ