ક્રાઈમ / 'ભુવો બની જશે' સાણંદમાં પિતાએ 10 વર્ષના પુત્રની માતાજીની દેરીએ પછાડીને હત્યા કરી, શું બોલ્યાં પોલીસ વડા?

સાણંદના વિછિંયા ગામમાં પિતાએ તેના 10 વર્ષના પુત્રની હત્યા કરી નાખી હતી. નરેશ અજમલ કોળી પટેલે શખ્સે તેના 10 વર્ષના પુત્રની ઘર સામેની માતાજીની દેરીએ માથું પછાડીને હત્યા કરી નાખી હતી. માથા પર લાકડી પણ ફટકારી હતી. નરેશ અજમલને શંકા હતી કે તેનો દીકરો ભુવો થશે, કારણ દીકરો ધૂણવા લાગ્યો હતો. નરેશ અજમલે પોતે પણ ભૂવો હતો. તે નહોતો ઈચ્છતો કે તેનો દીકરો ભૂવો બને.

સાણંદના વિંછીયા ગામે પુત્રની હ*ત્યા મામલે SPનું નિવેદન, ભુવા બનવાની શંકામાં હ*ત્યાનો ખુલાસો સાણંદના વિંછીયા ગામે પિતા દ્વારા પુત્રની હ*ત્યા કરવાના મામલે અમદાવાદ ગ્રામ્ય SP ઓમ પ્રકાશ જાટે નિવેદન આપ્યું છે. પોલીસના જણાવ્યા અનુસાર, ગઈકાલે સાંજે 7 વાગ્યે આરોપી નરેશ અજમલે જોગણી માતાની ડેરી પાસે પુત્રનું માથું પથ્થર પર પછાડ્યું હતું અને ત્યારબાદ લાકડી વડે માર માર્યો હતો. પ્રાથમિક તપાસમાં સામે આવ્યું છે કે આરોપીને શંકા હતી કે તેનો પુત્ર પણ ભુવો બની જશે. પૂછપરછ દરમિયાન આરોપીએ પોતે ભુવો હોવાનું અને તેના પિતા તથા દાદા પણ ભુવા હોવાનું જણાવ્યું હતું. મૃ*તક બાળક છેલ્લા એક વર્ષથી ધૂણતો હોવાથી પુત્રમાં પણ ભુવા બનવાનાં લક્ષણો દેખાતાં હોવાની તેને શંકા હતી. બંને સાથે બેઠા હતા ત્યારે બાળક ધ્રૂજવા લાગતાં આરોપીએ તેની હ*ત્યા કરી હોવાનું પ્રાથમિક કારણ સામે આવ્યું છે. હ*ત્યા બાદ આરોપી પોતે પણ બેહોશ થઈ ગયો હતો. ઘટનાસમયે ઘરે કોણ હાજર હતું તેની તપાસ ચાલી રહી છે. આરોપીની પૂછપરછમાં મનોચિકિત્સકની મદદ પણ લેવામાં આવશે. #Sanand #Ahmedabadpolice #Superstition #PoliceInvestigation #VTVDigital

— VTV Gujarati News and Beyond (@VtvGujarati) November 2, 2026

'દીકરો ભુવો બની જશે' સાણંદમાં પિતાએ 10 વર્ષના પુત્રની માતાજીની દેરીએ પછાડીને હ*ત્યા કરી અમદાવાદ ગ્રામ્ય SP ઓમપ્રકાશ જાટે આપી માહિતી સાણંદમાં પિતાએ જ પુત્રની હ*ત્યા કરી, ભુવો ન બને તે માટે લીધો જીવ! વિંછીયા ગામે નરેશ અજમલે 7 વાગ્યે પુત્રનું માથું પથ્થર પર પછાડી લાકડીથી માર્યો. પુત્રમાં ભુવા બનવાનાં લક્ષણો દેખાતાં હોવાની શંકા હત્યાનું પ્રાથમિક કારણ હોવાનું SPનું નિવેદન. #Sanand #Ahmedabad #Superstition #Police #Gujarat #VTVDigital

— VTV Gujarati News and Beyond (@VtvGujarati) November 2, 2026

અમદાવાદ ગ્રામ્ય પોલીસ વડા ઓમપ્રકાશ જાટ શું બોલ્યાં?

આ ઘટના પર અમદાવાદ ગ્રામ્ય પોલીસ વડા ઓમપ્રકાશ જાટનું નિવેદન સામે આવ્યું છે. ઓમપ્રકાશ જાટે એવું કહ્યું કે આરોપીએ પૂછપરછમાં પોતે ભુવા છે અને પિતા પણ ભુવા હતા તેવું જણાવ્યું હતું. તેમણે કહ્યું કે મૃતક દીકરામાં પણ ભુવા બનવાના લક્ષણ દેખાતા હતા. દીકરો ભુવો ન બને તે માટે હત્યા કરી હોવાનું પ્રાથમિક કારણ સામે આવ્યું છે. ગઈકાલે સાંજે 7 વાગ્યે પથ્થર પર દીકરાનું માથું પછાડ્યું હતું બાદમાં લાકડી વડે માર મારેલ હતો . જોગણી માતાની ડેરી હતી એની આગળ માથું પછાડ્યું હતું. હત્યા સમયે ઘરે કોણ હતું તપાસ કરવામાં આવી રહી છે. હત્યા કર્યા બાદ આરોપી પોતે બે ભાન થઈ ગયો હતો. આરોપીની વિકૃત માનસિકતા છે તેવું પૂછપરછમાં સામે આવ્યું છે. બન્ને સાથે બેસેલા હતા ત્યારે ધ્રુજવા લાગ્યો, ત્યારે તેને મારી નાખ્યો હતો. આરોપી 2 ભાઈઓ છે, તેના પિતા અને દાદા પણ ભુવા હતાં. મનોચિકિત્સક ની મદદ લઈને આરોપીની પૂછપરછ કરવામાં આવશે.

વધુ વાંચો : VIDEO : ધમકી બાદ અમિતાભ બચ્ચન બુલેટપ્રુફ કાચમાં જોવા મળ્યાં, ચાહકોનું ઝીલ્યું અભિવાદન

શું હતો આખો બનાવ?

સાણંદ તાલુકાના વીંછિયા ગામમાં એક પિતાએ પોતાના 10 વર્ષના પુત્રની હત્યા કરી. પોલીસે પિતાની ધરપકડ કરીને તપાસ શરૂ કરી છે.મળતી માહિતી મુજબ, પિતા પુત્રને ઘરની બહાર લાવ્યો અને જમીન પર પછાડ્યો. ત્યારબાદ તેને લાકડીથી માર માર્યો. બાળકનું મોત થયું. વીડિયોમાં બાળક ખાટલા પર લોહીલુહાણ હાલતમાં પડેલો દેખાય છે. પિતા તેની બાજુમાં બેઠેલો અને અસંબદ્ધ વાતો કરતો સંભળાય છે. તે જમવા ન દીધું હોવાનું અને જોગણીએ પછાડ્યો હોવાનું કહે છે. વીડિયોમાં પિતા ગામલોકોને કહેતો સંભળાય છે, “હું આખા વંશનો ભુવો છું, મને મારી નાખો એટલે મારી વાંહે પેઢી પતી જાય.” ઘટનાની જાણ થતાં સાણંદ પોલીસ અને ડીવાયએસપી સહિતનો પોલીસ કાફલો સ્થળે પહોંચ્યો હતો. પોલીસે પિતાની ઘટનાસ્થળેથી ધરપકડ કરી હતી. હત્યા પાછળ અંધશ્રદ્ધા, માનસિક અસ્થિરતા કે અન્ય કોઈ કારણ છે, તે અંગે પોલીસ તપાસ કરી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ