ક્રાઈમ / '1 લાખના બદલામાં સંબંધ બાંધ્યો' મોરબીમાં ભાજપના મહિલા કોર્પોરેટરના પતિના જામીન નામંજૂર

આરોપી શૈલેશ માકાસણાએ મોરબી કોર્ટમાં આગોતરા જામીન અરજી કરતા કોર્ટે ના મંજુર કરી હતી. પોલીસ ફરિયાદ નોંધાયા બાદ પણ પોલીસે ધરપકડ કેમ ના કરી તેવા સવાલો ઉભા થયા છે. મોરબીમાં મહિલા કોર્પોરેટરના પતિએ 5 વર્ષ પહેલાં આચરેલા દુષ્કર્મની ફરિયાદ નોંધાતા બનાવ સમગ્ર શહેરમાં ચર્ચાનો વિષય બન્યો હતો. જેમાં એવી વિગત પણ સામે આવી છે કે બોર્નમેરો ટેસ્ટમાં બાળક પોતાનું ન હોવાનો પતિ સમક્ષ ભાંડો ફૂટ્યા બાદ પરિણીતાએ કોર્પોરેટરના પતિ સામે ફરિયાદ નોંધાવી છે. જેના આધારે પોલીસે આગળની કાર્યવાહી હાથ ધરી હતી.

મહિલા કોર્પોરેટરના પતિ સામે દુષ્કર્મની પોલીસ ફરિયાદ

મોરબીમાં મહિલા કોર્પોરેટરના પતિ સામે દુષ્કર્મની પોલીસ ફરિયાદ નોંધાઈ છે વોર્ડ નં. 8ના મહિલા કોર્પોરેટરના પતિ શૈલેષ લક્ષ્મણભાઈ માકાસણા સામે ફરિયાદ પીડિત પરિણીત મહિલાએ આશરે 5 વર્ષ પહેલાં રૂપિયા 1 લાખ ઉછીના લીધા હતા પૈસા પરત માંગવાના બહાને આરોપીએ મહિલા સાથે શારીરિક સંબંધો બાંધ્યાનો ફરિયાદમાં આક્ષેપ મહિલાને ગર્ભ રહી જતા એક બાળકને જન્મ આપ્યાનો પોલીસ ફરિયાદમાં ઉલ્લેખ બાળક હાલમાં આશરે 4 વર્ષનું હોવાની માહિતી સામે આવી ગર્ભ રહ્યા બાદ બાળકની જવાબદારી નિભાવવાની આરોપીએ ખાતરી આપી હોવાનો આક્ષેપ સમય જતાં આરોપીએ જવાબદારીમાંથી હાથ ઊંચા કરી દેતા મામલો પોલીસ મથકે પહોંચ્યો આરોપી શૈલેષ માકાસણાની હજુ સુધી ધરપકડ નહીં ઝડપી લેવા પોલીસે તપાસ તેજ કરી અગાઉ પણ શૈલેષ માકાસણાના સજ્જનપર ઘુનડા સ્થિત વિલામાં જુગારધામ ઝડપાયું હતું, 9 શખ્સો પાસેથી રૂ. 44.76 લાખનો મુદ્દામાલ મળ્યો હતો.

આ પણ વાંચોઃ અમેરિકામાં ગેરકાયદે રહેતા ગુજરાતીઓમાં ભયનો માહોલ, અનેક લોકોએ નોકરી અને ફોન નંબર બદલ્યા

મહિલા-આરોપી વચ્ચે ધંધા સંદર્ભે પરિચય

ભોગ બનનાર મહિલા અને આરોપી શૈલેષ માકાસણા વચ્ચે બુટિકના ધંધા સંદર્ભે પરિચય થયો હતો. મહિલાએ પોતાના પતિની બીમારીની સારવાર અર્થે આરોપી પાસેથી 1,00,000 રૂપિયા લીધા હતા. આરોપી આ નાણાંની વારંવાર ઉઘરાણી કરતો હતો. વર્ષ 2020માં (આશરે 5 વર્ષ પહેલાં) આરોપીએ પૈસાની લેતી-દેતીના બહાને મહિલાને પોતાના ઘરે બોલાવી તેની સાથે દુષ્કર્મ આચર્યું હતું. મહિલાના પતિની બીમારી દરમિયાન બાળકના બોનમેરો ચેક કરાવવા અંગેની તબીબી તપાસ વેળાએ આ હકીકત સામે આવી હતી. ત્યારબાદ પતિએ હિંમત આપતાં મહિલાએ આગળ આવીને ગત 9 તારીખના રોજ એ ડિવિઝન પોલીસ મથકે ફરિયાદ નોંધાવી હતી. આ મામલે એ ડિવિઝન પોલીસે ગુનો નોંધી આગળની કાયદેસરની કાર્યવાહી હાથ ધરી છે. મહિલાને સંતાન હોવાની બાબત સામે આવતાં આ કેસમાં ડીએનએ (DNA) ટેસ્ટ કરાવી સાયન્ટિફિક પુરાવા એકત્ર કરવામાં આવી રહ્યા છે. આ સમગ્ર મામલે એ ડિવિઝન પીએસઆઈ વધુ તપાસ ચલાવી રહ્યા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ