સ્પોર્ટ્સ / ''હું કોઈનાથી ડરતો નથી'', સિરીઝ જીત્યા બાદ ગૌતમ ગંભીરે ટીકાકારોની બોલતી બંધ કરી દીધી

ભારતે ન્યૂઝીલેન્ડ સામેની ટી20 સીરીઝ 3-2થી જીતી લીધી છે. છેલ્લી મેચ હારવા છતાં સીરીઝ પર કબજો જમાવ્યા બાદ હેડ કોચ ગૌતમ ગંભીરે પ્રેસ કોન્ફરન્સમાં પોતાનું ખુલ્લું અને નિડર વલણ જાળવ્યું છે. ટીમની વ્યૂહરચના, ખેલાડીઓની પસંદગી અને વારંવાર બદલાતી પ્લેઇંગ ઇલેવન અંગેના સવાલો પર તેમણે સીધો જવાબ આપ્યો છે.

જેમાં ગંભીરે કહ્યું કે તેમને પોતાના કોચિંગ અને નિર્ણયોને લઈને કોઈથી પણ ડર નથી લાગતો. તેમનું કહેવું છે કે દબાણમાં કામ કરવું એ તેમની ફિતરત નથી. તેઓ ફક્ત ટીમને એવી બેખૌફ બનાવવા પર ફોકસ કરી રહ્યા છે જે વિશ્વના કોઈ પણ ખૂણે જઈને કોઈ પણ પરિસ્થિતિમાં જીત મેળવી શકે.

જેમાં તેમને સ્પષ્ટ કર્યું કે ટીમ મેનેજમેન્ટ પ્લેયર્સને સપોર્ટ કરે છે અને તેમને પોતાની નેચરલ ગેમ રમવાની પૂરી છૂટ આપે છે. હાર-જીત રમતનો પાર્ટ છે પણ ડરીને ક્રિકેટ રમવું એ ભારતીય ટીમનું નેચર ક્યારેય નથી બની શકતી.

આ પાંચ મેચની સીરીઝમાં ભારતે શરૂઆતમાં સારી શરૂઆત કરી હતી. ત્યારબાદ કિવીઝે છેલ્લી બે મેચમાં મજબૂત વાપસી કરી. ગ્લેન ફિલિપ્સે આ સીરીઝમાં 5 મેચમાં 341 રન બનાવીને રેકોર્ડબ્રેકિંગ પર્ફોર્મન્સ આપ્યું હતું.