મનોરંજન / ''સાંભળી લેજો, કાન ફાડીને...'', બિગબીએ કોને આપી ઓપન ચેલેન્જ?

અમિતાભ બચ્ચન સોશિયલ મીડિયા પર સતત સક્રિય રહે છે અને પોતાના વિચારો રજૂ કરતા રહે છે. તાજેતરમાં તેમણે ભગવાન શ્રીકૃષ્ણની પ્રાર્થનાનો ઉલ્લેખ કરતી પોસ્ટ કરી હતી. જોકે આ પોસ્ટને અલગ જ અર્થમાં રજૂ કરવામાં આવતા તેઓ ગુસ્સે થયા છે. તેમણે લાંબી પોસ્ટ લખીને મીડિયા પર સવાલ ઉઠાવ્યા છે. સાથે જ પોતાના 5 કરોડ ફોલોઅર્સનો ઉલ્લેખ કરીને પોતાની નારાજગી વ્યક્ત કરી છે.

શ્રીકૃષ્ણની પ્રાર્થનાનો ખોટો અર્થ કાઢવાનો આરોપ

અમિતાભ બચ્ચને તાજેતરમાં સોશિયલ મીડિયા પર ભગવાન શ્રીકૃષ્ણની પ્રાર્થના ‘હાથી ઘોડા પાલકી, જય કન્હૈયા લાલ કી’નો ઉલ્લેખ કર્યો હતો. આ પ્રાર્થના સામાન્ય રીતે ભગવાન શ્રીકૃષ્ણના જયઘોષ તરીકે કરવામાં આવે છે. જોકે અમિતાભના કહેવા પ્રમાણે તેમની આ પોસ્ટને કેટલાક મીડિયા અહેવાલોમાં અલગ જ રીતે રજૂ કરવામાં આવી હતી.તેમની ધાર્મિક પ્રાર્થનાને વિરોધીઓને પડકાર આપતી વાત તરીકે રજૂ કરવામાં આવી હતી. આ બાબતથી અમિતાભ નારાજ થયા હતા. તેમણે કહ્યું કે ભગવાન શ્રીકૃષ્ણની પ્રાર્થનાનો આ રીતે ખોટો અર્થ કાઢવો અને તેને અલગ રીતે રજૂ કરવું યોગ્ય નથી.

टी 5903{आई) कृष्ण कन्हैया के लिए, प्रार्थना स्वरूप, अक्सर उचारण करते है - " हाथी घोड़ा पालकी, जय कन्हैया लाल की " और मीडिया उसका निरादर करके, अपना प्रचार करने के लिए, छापता है, 'देखिए ये अमिताभ अपने विरोधियों को चुनौती दे रहा है, की, 'ले आओ हाथी घोड़ा ' हम अपने हथियारों से लड़ेंगे, डरेंगे नहीं !' एक तो घोर निंदा एक 'जय श्री कृष्ण ' के उपलक्ष्य में , और दूसरा , शब्दों को पलट कर विरोधियों को चुनौती देने की बात कर रहे है ।। सुन लो कान फाड़ के मीडिया वालो ।। 50 million की आबादी है हमारे followers की मीडिया वालो । जिस दिन हमने इशरा किया, तो उनमें से केवल 10 प्रतिशत ही, ठोकने के लिए तैयार बैठें हैं । तुम जितनी हमारे शब्दों की उलट पलट करके निंदा करोगे, उससे १०० गुना ज़ादा करने की क्षमता हमारे Ef के पास पड़ी है । ।। बस बोलने की देरी है उन्हें ।। ये देखिए मीडिया क्या छापता है : "अमिताभ बच्चन ने विरोधियों की धमकी पर कसा तंज, क्रिप्टिक पोस्ट लिखकर निकाली भड़ास- 'जाओ, ले आओ अपने हाथी घोड़े' News18 Hindi " ये देखा आपने - धर्म का निरादर, और बेतुका (Betuka) – Absurd, nonsensical, or silly. हास्यास्पद (Hasyaspad) – Ridiculous or laughable (invoking derision). असंगत ये वो हैं जिन्हें देश का 5th Column माना जाता है - 4 column तो हमारे संस्कारों में माना जाता है, आदर सम्मान के साथ ।। एक छटा इस लिए कहा जाता है , क्यूँकि उन्हें देशवासियों की और से सम्मानित, और एक समाज में आदार रूपी दर्जा दिया जाता है !! सम्मान ??? इससे बड़ा हासपद नहीं हो सकता ... . हमसे कोई ग़लती हो जाए - ग़लतियाँ हो जाती हैं - तो हम तुरंत क्षमा माँगते हैं, और सुधार करने का प्रयत्न करते हैं .. पर यहाँ लगता है उनका ये जन्म साइ धिकार है ... मैं कहने वाला था एक पीड़ित व्यक्ति का, स्नेह प्यार, जा रहा हूँ निद्रा के लिए लेकिन पीड़ित नहीं कहूँगा - अपनी पीड़ा का अधिकार केवल मेरा है - वो आपके { मीडिया ] लायक़ नहीं है ... शुभ रात्रि मेरे प्यारे E

— Amitabh Bachchan (@SrBachchan) November 1, 2026

5 કરોડ ફોલોઅર્સનો ઉલ્લેખ કરીને આપી ચેતવણી

અમિતાભ બચ્ચને પોતાની પોસ્ટમાં સોશિયલ મીડિયા પરના 5 કરોડ ફોલોઅર્સનો ઉલ્લેખ કર્યો હતો. તેમણે મીડિયા સામે નારાજગી વ્યક્ત કરતા કહ્યું કે તેમના શબ્દોને વારંવાર તોડી-મરોડીને રજૂ કરવામાં આવશે તો તેમના ફોલોઅર્સ પણ પોતાની રીતે પ્રતિક્રિયા આપી શકે છે.તેમણે પોતાની પોસ્ટમાં લખ્યું હતું કે તેમના ફોલોઅર્સમાંથી માત્ર 10 ટકા લોકો પણ પ્રતિક્રિયા આપે તો મોટી સંખ્યામાં લોકો એકસાથે સામે આવી શકે છે. જોકે આ વાત તેમણે ગુસ્સામાં લખેલી ચેતવણીના સ્વરૂપમાં રજૂ કરી હતી.

T 5903 - लिखते हैं प्रार्थना, और मीडिया उसके शब्दों का दुरुपयोग करके, निरादर करता है ! इतनी लाचारी ??? अब मीडिया हमारे हाथ में भी है । सोच लो ! भारी पड़ेगा !!

— Amitabh Bachchan (@SrBachchan) November 1, 2026

અમિતાભે મીડિયાને સંભળાવી ખરીખોટી

અમિતાભ બચ્ચને પોતાની પોસ્ટમાં મીડિયા પર ગંભીર સવાલ ઉઠાવ્યા હતા. તેમણે કહ્યું કે દેશના લોકો મીડિયા પર વિશ્વાસ રાખે છે અને તેને સન્માન આપે છે. પરંતુ લોકોના શબ્દોને ખોટી રીતે રજૂ કરીને પોતાનો પ્રચાર કરવો યોગ્ય નથી.તેમણે મીડિયાને દેશનો પાંચમો સ્તંભ ગણાવવાની વાતનો પણ ઉલ્લેખ કર્યો હતો. સાથે જ કહ્યું કે જ્યારે કોઈ વ્યક્તિથી ભૂલ થાય છે ત્યારે તે માફી માંગે છે અને સુધારો કરવાનો પ્રયાસ કરે છે. પરંતુ કેટલાક લોકો પોતાની ભૂલને જાણે અધિકાર સમજીને વર્તે છે.

આ પણ વાંચોઃ ''ભારતે 5000 વર્ષ પહેલાં જ...'', એલન મસ્કની ફ્લાઈંગ કાર પર રણબીરનો જોરદાર કટાક્ષ

ભૂલ થાય તો માફી માંગીએ છીએ: અમિતાભ

અમિતાભ બચ્ચને પોતાની પોસ્ટમાં કહ્યું કે જ્યારે તેમની તરફથી કોઈ ભૂલ થાય છે ત્યારે તેઓ તરત માફી માંગે છે અને તેમાં સુધારો કરવાનો પ્રયાસ કરે છે. પરંતુ મીડિયા દ્વારા કરવામાં આવતી ભૂલો અંગે કોઈ જવાબદારી લેવામાં આવતી નથી તેવી તેમની ફરિયાદ હતી.તેમણે પોતાના શબ્દોમાં મીડિયા દ્વારા કરવામાં આવતી રજૂઆતને બિનજરૂરી અને હાસ્યાસ્પદ ગણાવી હતી. પોસ્ટના અંતમાં તેમણે પોતાના ફોલોઅર્સને શુભરાત્રિ કહીને વાત પૂરી કરી હતી. જોકે તેમની નારાજગી પોસ્ટના દરેક શબ્દમાં જોવા મળી હતી.

બીજી પોસ્ટમાં પણ મીડિયા સામે નારાજગી વ્યક્ત કરી

અમિતાભ બચ્ચને આ મુદ્દે બીજી પોસ્ટ પણ કરી હતી. તેમાં તેમણે ફરીથી કહ્યું કે તેઓ માત્ર એક પ્રાર્થના લખે છે અને મીડિયા તેનો ખોટો અર્થ કાઢીને તેનું અપમાન કરે છે.તેમણે લખ્યું હતું કે હવે મીડિયા તેમના હાથમાં છે અને આ વાત વિશે વિચારવાની જરૂર છે. આ પોસ્ટ દ્વારા તેમણે પોતાની નારાજગી ફરી વ્યક્ત કરી હતી. અમિતાભની આ પોસ્ટ બાદ સોશિયલ મીડિયા પર તેમના નિવેદનને લઈને ચર્ચા શરૂ થઈ છે.

સુરક્ષાને લઈને પણ ચર્ચામાં રહ્યા હતા અમિતાભ

અમિતાભ બચ્ચન થોડા સમય પહેલાં સુરક્ષાને લઈને પણ ચર્ચામાં આવ્યા હતા. ટાઇગર શ્રોફ સાથે જોડાયેલા શૂટિંગના એક બનાવ બાદ તેમને જાનથી મારી નાખવાની અને તેમના ઘર પર ગ્રેનેડથી હુમલો કરવાની ધમકી મળી હોવાની વાત સામે આવી હતી.આ ઘટનાને પગલે મુંબઈના જુહુ વિસ્તારમાં આવેલા તેમના બંગલા 'જલસા'ની સુરક્ષા વધારવામાં આવી હતી. અમિતાભ બચ્ચન દર રવિવારે પોતાના ચાહકોને મળવાની પરંપરા જાળવી રાખે છે. જોકે તાજેતરમાં તેઓ ચાહકોને મળવા આવ્યા ત્યારે બુલેટપ્રૂફ કાચની અંદર જોવા મળ્યા હતા. તેમના પુત્ર અભિષેક બચ્ચન પણ સુરક્ષાની સ્થિતિ પર નજર રાખતા જોવા મળ્યા હતા.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ