6 ફોટો ગેલેરી

ગુજરાત / ઠંડીની હજુ વાર છે! 15 નવેમ્બર સુધી અમદાવાદીઓને નહીં મળે ગરમીથી રાહત, જાણો કેમ?

Last Updated: 09:13 AM, 2 November 2026

FOLLOW ON

શેર કરો

નવેમ્બર મહિનાની શરૂઆત થઈ ગઈ હોવા છતાં અમદાવાદમાં હજુ ઠંડીનો અનુભવ થવાની રાહ જોવી પડશે. અલ નીનોની અસરને કારણે 15 નવેમ્બર સુધી ગરમીનું જોર યથાવત રહેશે, ત્યારબાદ તાપમાનમાં ઘટાડો થતાં હળવી ઠંડી શરૂ થવાની શક્યતા છે.

1/6

1. અમદાવાદીઓ હજુ પણ ગરમીથી પરેશાન થવાના

નવેમ્બર મહિનો શરૂ થઈ ગયો છે, પરંતુ અમદાવાદીઓ હજુ પણ ગરમીથી પરેશાન થવાના છે. સામાન્ય રીતે દિવાળી બાદ વાતાવરણમાં ઠંડકનો અનુભવ થવા લાગે છે, પરંતુ આ વખતે હવામાનનો મિજાજ કંઈક અલગ જોવા મળી રહ્યો છે. સવાર અને રાતના સમયે થોડી ઠંડક અનુભવાય છે, જ્યારે બપોર પડતાં જ ગરમીનો અહેસાસ થાય છે. હવામાન નિષ્ણાતોના અનુમાન પ્રમાણે, અમદાવાદમાં હજુ 15 નવેમ્બર સુધી ગરમીનું જોર યથાવત રહેવાની શક્યતા છે. તેની પાછળ અલ નીનોની અસરને મુખ્ય કારણ માનવામાં આવી રહી છે. એટલે કે અમદાવાદીઓએ ઠંડીનો અનુભવ કરવા માટે હજુ થોડા દિવસ રાહ જોવી પડશે.

આ તસવીર શેર કરો

2/6

2. બપોરના સમયે મહત્તમ તાપમાન

હવામાનના અનુમાન પ્રમાણે, અલ નીનોની અસરને કારણે બપોરના સમયે મહત્તમ તાપમાન 34થી 35 ડિગ્રી સેલ્સિયસની આસપાસ રહેવાની શક્યતા છે. જ્યારે લઘુતમ તાપમાન 20થી 22 ડિગ્રી સેલ્સિયસની આસપાસ રહી શકે છે. પરિણામે દિવસ દરમિયાન ગરમી અને રાત્રિના સમયે ઠંડક એમ બેવડી ઋતુનો અનુભવ થશે. જોકે, 15 નવેમ્બર બાદ ધીમે ધીમે તાપમાનમાં ઘટાડો થવાની શક્યતા છે. ખાસ કરીને હિમાલય તરફથી ઠંડા પવનો શરૂ થતાં મહત્તમ અને લઘુતમ તાપમાનમાં 2થી 4 ડિગ્રીનો ઘટાડો થઈ શકે છે.

આ તસવીર શેર કરો

3/6

3. ઉત્તર ભારતમાં હિમવર્ષા બાદ ગુજરાતમાં પ્રવેશશે ઠંડા પવનો

હાલમાં ગુજરાતમાં ઉત્તર-પૂર્વ અને પૂર્વ દિશાના પવનો ફૂંકાઈ રહ્યા છે. તેના કારણે ઉત્તર ભારત તરફથી આવતા ઠંડા પવનો અમદાવાદ અને ગુજરાત સુધી પહોંચી શકતા નથી. બીજી તરફ ઉત્તર ભારતમાં હિમવર્ષા અને વેસ્ટર્ન ડિસ્ટર્બન્સની ગતિવિધિઓ સક્રિય થતાં હવામાનમાં ફેરફાર થવાની શક્યતા છે.

આ તસવીર શેર કરો

4/6

4. હવામાન નિષ્ણાત અને હવામાન વિભાગના જણાવ્યા અનુસાર

પૂર્વ હવામાન નિષ્ણાત અને હવામાન વિભાગના જણાવ્યા અનુસાર, 15 નવેમ્બર બાદ ઉત્તર ભારતમાં હવાનું દબાણ અને પવનની દિશા અનુકૂળ બનશે. ત્યારબાદ ઉત્તર ભારત તરફથી ઠંડા પવનો ગુજરાતમાં પ્રવેશી શકે છે. આ ઠંડા પવનોની અસરથી અમદાવાદ સહિત રાજ્યના અનેક વિસ્તારોમાં રાત્રિના તાપમાનમાં ઘટાડો થવાની શક્યતા છે. એટલે કે 15 નવેમ્બર બાદ વાતાવરણમાં ધીમે ધીમે ઠંડક વધશે અને લોકોને ગરમીમાંથી રાહત મળી શકે છે.

આ તસવીર શેર કરો

5/6

5. અલ નીનોની અસરથી ઠંડીનું આગમન મોડું થશે

હવામાન વિભાગના 29 ઓક્ટોબરના અનુમાન પ્રમાણે, 4 નવેમ્બર દરમિયાન ઉત્તર-પશ્ચિમ ભારતમાં લઘુતમ તાપમાન સામાન્ય રહેવાની શક્યતા છે. બીજી તરફ અલ નીનોની સ્થિતિ હાલમાં મજબૂત છે અને નવેમ્બર-ડિસેમ્બર દરમિયાન પણ તે મજબૂત રહી શકે છે. તેની અસરથી ગુજરાતમાં 15 નવેમ્બર સુધી મહત્તમ અને લઘુતમ તાપમાન સામાન્ય કરતાં વધુ રહેવાની સંભાવના છે.

આ તસવીર શેર કરો

6/6

6. અમદાવાદમાં ક્યારે શરૂ થશે ઠંડી?

હાલના અનુમાન પ્રમાણે, અમદાવાદમાં 15 નવેમ્બર સુધી બપોરે ગરમી અને રાત્રે હળવી ઠંડકનો માહોલ રહેશે. ત્યારબાદ ઉત્તર ભારત તરફથી ઠંડા પવનો આવવાની શરૂઆત થતાં તાપમાનમાં 2થી 4 ડિગ્રી સુધીનો ઘટાડો થઈ શકે છે. ખાસ કરીને રાત્રિના તાપમાનમાં ઘટાડો થતાં વહેલી સવારે અને મોડી રાત્રે ઠંડકનો અનુભવ વધશે.

આ તસવીર શેર કરો

સંકળાયેલા મુદ્દાઓ

Winter Forecast Gujarat Ahmedabad Weather El Nino Effect