મનોરંજન / 45 વટી ગ્યા, તોય સિંગલ છે આ બોલીવુડ એક્ટર, કહ્યું 'ધરતી પર જે રીતે....'

સલમાન ખાન સિવાય પણ બોલિવૂડના ટેલેન્ટેડ એક્ટર અભય દેઓલ આજે પણ સૌથી એલિજિબલ બેચલર માનવામાં આવે છે. તેઓ હાલ 49 વર્ષના થઈ ગયા છે, છતાં પણ લગ્ન કર્યા નથી અને સિંગલ જ છે. જાણો શું છે તેમના સિંગલ રહેવાનું કારણ?

એક્ટર અભય દેઓલ

દેઓલ પરિવારમાંથી આવતા અભય દેઓલ એવા કલાકાર છે, જે તેમના કામની બાબતે આગળ છે. ભલે તેમણે ઓછી ફિલ્મો અને વેબ સિરીઝમાં કામ કર્યું હોય, પરંતુ જેટલું પણ કર્યું છે તેમાં તેમનું પાત્ર પ્રશંસાને લાયક છે.

અભય પોતાના ખુલ્લા વિચારો અને નિવેદનોને કારણે હંમેશાં ચર્ચામાં રહે છે. હાલ ફરી એકવાર અભિનેતાએ લગ્ન અને સંતાનને લઈને તેમના વિચારો સ્પષ્ટ કર્યા છે.

અભય દેઓલના લગ્ન વિશેના વિચારો

અભય દેઓલે તેમના હાલના એક પૉડકાસ્ટમાં લગ્ન અને સંતાનને લઈને ખુલ્લેઆમ વાત કરી. તેમણે કહ્યું,

“હું સંતાન નથી ઈચ્છતો. જો મારે ઘર વસાવવું જ હોત તો, પોતે સંતાન પેદા કરવાને બદલે દત્તક લેવાનું પસંદ કરું. કારણ કે હું જ્યારે દુનિયાને જોઉં છું ત્યારે વિચારું છું કે હું આ ધરતી પર બાળક શા માટે લાવીશ? હું આ ધરતી પર ખુશ છું, પણ આટલી વધી રહેલી વસ્તી પર વધુ ભાર મૂકવો યોગ્ય નથી. પહેલાથી જ દુનિયા ખૂબ વસ્તી ધરાવે છે, તેમાં વધુ વસ્તીથી બચવું જરુરી છે. હું પણ સંતાન નથી ઈચ્છતો. જો ક્યારે ઈચ્છું પણ, તો દુનિયા જોઈને જ વિચારું છું કે આ દુનિયામાં બાળકને શા માટે લાવવું?”

મને ખબર નથી હું કેવો પિતા બનીશ...?

પેરેન્ટ બનવા અંગે અભય દેઓલે આગળ જણાવ્યું,

“મને ખબર નથી કે હું ન્યાય કરી શકીશ કે નહીં. મારી લાગણીઓ કેવી રીતે સંભાળી શકીશ એ પણ ખબર નથી. મને લાગે છે કે જો મારું બાળક હોત, તો કદાચ હું હમણાં કરતાં વધારે કંટ્રોલ કરનાર અને અધિકાર જતાવનાર બની જાઉં. સંભાળવાની લાગણી મારી અંદર છે, જે મારા પરિવારના વાતાવરણમાંથી આવી છે. પણ ક્યારેક લાગે છે કે પોતાને જ સંભાળવું મુશ્કેલ છે. જો હું મારી ભાવનાને ગુમાવીને હંમેશાં તણાવગ્રસ્ત અને અધિકાર જતાવનાર બની જાઉં, તો એ બાળક માટે યોગ્ય નથી. અમે મોટા થતા હતા ત્યારે ખૂબ સુરક્ષિત હતા, કદાચ એ અસર હું મારા બાળક પર પણ નાખી દઉં.”

વધુ વાંચો : એક-બે નહીં, 99 પ્રોપર્ટીનો માલિક છે આ ભારતીય સિંગર, લોકો કહે છે, 'હું 20 છોકરીઓ સાથે...'

અભય દેઓલ છેલ્લે આ જ વર્ષે આવેલી ફિલ્મ ‘બન ટિક્કી’માં જોવા મળ્યા હતા. આ ફિલ્મમાં તેમની સાથે શબાના આઝમી અને નુસરત ભરૂચા પણ મુખ્ય ભૂમિકામાં દેખાયા હતા.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ