મનોરંજન / ''કપડાં ઉતારીને તો કોઇ પણ ફેમસ...'', આખરે જાણીતી એક્ટ્રેસ કોની પર ભડકી?

TV અને ફિલ્મ ઇન્ડસ્ટ્રીમાં ચાર દાયકાથી વધુ સમય સુધી કામ કરનારી અભિનેત્રી અનિતા કંવલ આજે ફરી ચર્ચામાં આવી છે, પરંતુ આ વખતે કોઈ નવા શો કે ફિલ્મને કારણે નહીં. 72 વર્ષની વયે અનિતાએ એક ઇન્ટરવ્યૂમાં પોતાના જીવન અને કારકિર્દી વિશે વાત કરતાં દિલને સ્પર્શી જાય એવા ખુલાસા કર્યા છે. એક સમયે TVના સૌથી પ્રિય પાત્ર કલાકારોમાં ગણાતી અનિતા હવે પોતાને એકલતા અને અવગણનાનો શિકાર ગણાવે છે. તેમણે ભાવુક થઈને કહ્યું કે, “હવે મને એવું લાગે છે કે લોકો મને ભૂલી ગયા છે. ક્યારેક તો પોતાનો જીવ લઈ લેવાનું મન થાય છે.”

હજી પણ કામ માટે સંઘર્ષ

અનિતા કંવલ લાંબા સમય સુધી TV ઇન્ડસ્ટ્રીનો મહત્વનો ભાગ રહી ચૂકી છે. તેમણે ‘બનેગી અપની બાત’, ‘સોનપરી’ જેવા લોકપ્રિય ટીવી શોમાં કામ કર્યું હતું. ઉપરાંત, તેઓ શાહરૂખ ખાનની ફિલ્મ ‘કભી હાં કભી ના’ અને ‘જુનૂન’ જેવી ફિલ્મોમાં પણ જોવા મળી હતી. પરંતુ હવે લાંબી કારકિર્દી બાદ પણ તેમને કામ માટે સંઘર્ષ કરવો પડી રહ્યો છે.

કપડાં ઉતારીને પણ ફેમસ

એક ઇન્ટરવ્યૂ દરમિયાન અનિતાને પૂછવામાં આવ્યું કે આજકાલ સોશિયલ મીડિયા ઇન્ફ્લુએન્સર્સને લાખો ફોલોઅર્સ હોવાને કારણે વધુ તકો મળે છે કે નહીં? તેના જવાબમાં અનિતાએ ભારે ગુસ્સો વ્યક્ત કર્યો હતો. તેમણે કહ્યું કે, “આ સૌથી ખરાબ અને ડરામણી વાત છે. આજકાલ ઇન્સ્ટાગ્રામ મહત્વનું બની ગયું છે. કોઈ વ્યક્તિ માત્ર કપડાં ઉતારીને પણ ફેમસ થઈ શકે છે, પરંતુ તેમની અંદર અસલી પ્રતિભા ક્યાં છે?”

વઘારે ફોલોઅર્સ ધરાવતા લોકોને મહત્વ

અનિતાએ આગળ જણાવ્યું કે કાસ્ટિંગ ડિરેક્ટરો ભલે જાહેરમાં ઇન્સ્ટાગ્રામને મહત્વ ન આપવાની વાત કરે, પરંતુ હકીકતમાં તેઓ સોશિયલ મીડિયા પર ફોલોઅર્સ ધરાવતા લોકોને વઘારે મહત્વ આપે છે. તેમણે કહ્યું કે, “અમે 40-45 વર્ષ સુધી મહેનત કરી, મોટા દિગ્દર્શકો સાથે કામ કર્યું, પરંતુ હવે એ બધાનો કોઈ અર્થ રહ્યો નથી.”

આ પણ વાંચો : ના હોય! તો શું આ વખતે 'હેરાફેરી 3'માં બાબુ ભૈયા નહીં હોય? પરેશ રાવલનો મોટો નિર્ણય

અભિનેત્રીએ પોતાનું દુઃખ વ્યક્ત કરતાં કહ્યું કે વર્ષો સુધી ઇન્ડસ્ટ્રીમાં કામ કર્યા પછી પણ આજે તેમને ઓડિશન આપવા અને પોતાનો પરિચય આપવો પડે છે. આ વાત તેમને અંદરથી ખૂબ દુઃખ પહોંચાડે છે. અનિતાના આ નિવેદન બાદ સોશિયલ મીડિયા પર લોકો તેમની સાથે સહાનુભૂતિ વ્યક્ત કરી રહ્યા છે અને મનોરંજન ઉદ્યોગની બદલાતી પરિસ્થિતિ પર ચર્ચા પણ શરૂ થઈ ગઈ છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ